សន្តិសុខសង្គម

មន្ត្រីយោធាម្នាក់ដែលបាញ់ខ្លួនឯងរបួសធ្ងន់ ពេលនេះបានស្លាប់ហើយ

បានផុស

២ years មុន

នៅ

ថ្ងៃចន្ទ ២៤ មេសា ២០២៣

ដោយ

មន្ត្រីយោធាម្នាក់ ដែលបាញ់ខ្លួនឯងបណ្ដាលឲ្យរងរបួសធ្ងន់ធ្ងរ ហើយបញ្ជូនទៅសង្គ្រោះនៅមន្ទីរពេទ្យ ពេលនេះបានស្លាប់ហើយ ត្រូវក្រុមគ្រួសារដឹកយកធ្វើបុណ្យតាមប្រពៃណី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា កាលពីវេលាម៉ោង ៨ យប់ ថ្ងៃទី ២៣ ខែមេសា ឆ្នាំ ២០២៣ នៅចំណុចមុខផ្ទះលេខ ១៥៥ ផ្លូវបេតុង ស្ថិតក្នុងភូមិគោកចំបក់ សង្កាត់ចោមចៅទី ១ ខណ្ឌពោធិ៍សែនជ័យ មានករណីបុរសម្នាក់ឈ្មោះ តេង ឃៀង ភេទប្រុស អាយុ ៣៥ ឆ្នាំ មុខរបរយោធានៅអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម បានដកកាំភ្លើងបាញ់ឡើងលើចំនួន ២ គ្រាប់ រួចបាញ់ខ្លួនឯងមួយគ្រាប់ចំសៀតផ្កា បណ្ដាលឲ្យរងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យ តែដោយអកុសលជនរងគ្រោះក៏បានស្លាប់។

តាមការរៀបរាប់ពីក្រុមគ្រួសារជនរងគ្រោះ បានឲ្យដឹងថា នៅមុនពេលកើតហេតុ ជនរងគ្រោះបានផឹកស៊ីជុំគ្នាជាមួយបងប្អូនជាធម្មតា។ លុះបន្តិចក្រោយមក ជនរងគ្រោះបានជិះម៉ូតូចេញពីផ្ទះទៅអង្គភាព មួយសន្ទុះក្រោយមកក៏ត្រឡប់មកវិញ ហើយបានលាឪពុកម្ដាយ បន្ទាប់មកក៏ដើរចេញមកក្រៅផ្ទះ ដកកាំភ្លើងខ្លីម៉ាកឡុក បាញ់ឡើងលើ ២ គ្រាប់ រួចបាញ់ក្បាលខ្លួនឯងមួយគ្រាប់ចំសៀតផ្កា បណ្ដាលឲ្យរងរបួសធ្ងន់ធ្ងរ ភ្លាមៗនោះ ក្រុមគ្រួសារបញ្ជូនទៅមន្ទីរពេទ្យលោកសង្ឃ ដើម្បីសង្គ្រោះ។ ក្នុងនោះ ជាអកុសល ជនរងគ្រោះក៏បានស្លាប់ពេលទៅដល់មន្ទីរពេទ្យ៕

អត្ថបទ ៖ សុខា