សន្តិសុខសង្គម

ករណីប្លន់ម៉ូតូទាំងថ្ងៃនៅខណ្ឌពោធិ៍សែនជ័យ ជារឿងប្រឌិត

បានផុស

២ years មុន

នៅ

ថ្ងៃព្រហស្បតិ៍ ២៤ តុលា ២០២៤

ដោយ

កាលពីវេលាម៉ោង ១១ និង ៣០ នាទី ព្រឹកថ្ងៃទី ២៣ ខែតុលា ឆ្នាំ ២០២៤ ម្សិលមិញ មានហេតុការណ៍ភ្ញាក់ផ្អើលមួយទាំងថ្ងៃ ខណៈយុវជនម្នាក់ បានសុំអន្តរាគមន៍ពីសមត្ថកិច្ច ដោយប្រាប់ថា មានជនសង្ស័យយកកាំបិតភ្ជង់ប្លន់យកម៉ូតូហុងដាឌ្រីម មួយគ្រឿង គេចខ្លួនបាត់ នៅលើកំណាត់ផ្លូវលំភូមិអក្សរ សង្កាត់ត្រពាំងក្រសាំង ខណ្ឌពោធិ៍សែនជ័យ ហើយពេលនេះឪពុកកូនជាម្ចាស់ម៉ូតូបានមកសុំទោសជាសាធារណៈនៅប៉ុស្តិ៍នគរបាលរដ្ឋបាល មូលហេតុដោយសារខឹងប្អូនខ្ចីម៉ូតូទៅយូរពេក ទើបប្រឌិតរឿងឱ្យយល់ច្រឡំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវជនជាម្ចាស់ម៉ូតូដែលប្រឌិតរឿងឱ្យយល់ច្រឡំនោះមានឈ្មោះ រស់ រាត្រី ភេទប្រុស អាយុ ១៧ ឆ្នាំ ជាសិស្ស ស្នាក់នៅភូមិចែកម៉ែង សង្កាត់សំរោងក្រោម ខណ្ឌពោធិ៍សែនជ័យ។ ចំណែកបុរសដែលខ្ចីម៉ូតូទៅនោះឈ្មោះ ធឿន ត្រូវជាប្អូនរបស់បុរសជាឪពុកយុវជនខាងលើ។

តាមចម្លើយសារភាពរបស់ឪពុកយុវជនឈ្មោះ រស់ រាត្រី បានឱ្យដឹងថា មុនពេលកើតហេតុ ប្អូនប្រុសគាត់បានខ្ចីម៉ូតូរបស់គាត់ជិះ។ ពេលនោះ គាត់ក៏យល់ព្រមឱ្យខ្ចី តាំងព្រឹករហូតមកដល់ថ្ងៃត្រង់ មិនឃើញមកវិញ ក៏នាំឱ្យកូនប្រឌិតរឿងថាមានជនសង្ស័យយកកាំបិតភ្ជង់ប្លន់យកម៉ូតូគេចខ្លួនបាត់ទៅ។

រហូតមកដល់វេលាម៉ោង ៧ យប់ ថ្ងៃដដែល ប្អូនប្រុសរបស់គាត់ឈ្មោះ ធឿន ក៏យកម៉ូតូមកឱ្យវិញ ទើបគាត់ធ្វើដំណើរទៅប៉ុស្តិ៍នគរបាលត្រពាំងក្រសាំងវិញ ដើម្បីសុំទោសកម្លាំងសមត្ថកិច្ចជាសាធារណៈ និងដកពាក្យបណ្ដឹងពីប្អូនប្រុសគាត់៕

អត្ថបទ ៖ សុខា

អត្ថបទពាក់ព័ន្ធ ៖ ជនសង្ស័យភ្ជង់ប្លន់យកម៉ូតូពីយុវជនម្នាក់បានសម្រេចទាំងថ្ងៃ មិនរំខានដល់សមត្ថកិច្ច