សន្តិសុខសង្គម
យកម៉ូតូ និងទូរស័ព្ទថៅកែទៅបញ្ចាំ គេចខ្លួន ២ ថ្ងៃ ត្រូវជនរងគ្រោះឃាត់ប្រគល់ជូនសមត្ថកិច្ច
ជនសង្ស័យម្នាក់ បានខ្ចីម៉ូតូ និងទូរស័ព្ទរបស់ថៅកែ ដើម្បីយកអីវ៉ាន់ឱ្យភ្ញៀវ បែរជាយកទៅបញ្ចាំ គេចខ្លួន ២ ថ្ងៃ ត្រឡប់មកវិញ ជនរងគ្រោះឃាត់ខ្លួនប្រគល់ជូនសមត្ថកិច្ច កាលពីវេលាម៉ោង ៨ យប់ ថ្ងៃទី ២៤ ខែតុលា ឆ្នាំ ២០២៤ ស្ថិតនៅភូមិត្រពាំងថ្លឹង ៤ សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យឈ្មោះ លន់ វាសនា ភេទប្រុស អាយុ ៣៥ ឆ្នាំ មុខរបរជាងដេរ ស្នាក់នៅផ្ទះលេខ ១០ ភូមិត្រពាំងថ្លឹង ៤ សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ។ ចំណែកជនរងគ្រោះ ឈ្មោះ វ៉ាន សុភារី ភេទស្រី អាយុ ៤០ ឆ្នាំ មុខរបរលក់ដូរ ស្នាក់នៅផ្ទះលេខ ១០ ភូមិត្រពាំងថ្លឹង ៤ សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ។
ដោយឡែកសម្ភារៈបាត់បង់រួមមាន ៖ ម៉ូតូ ១ គ្រឿង ម៉ាក HONDA TODAY ពណ៌ទឹកប្រាក់ ស្លាកលេខភ្នំពេញ 1HE-8513 ស៊េរីឆ្នាំ 2011 / ទូរស័ព្ទ ១ គ្រឿង ម៉ាក SAMSUNG។
សមត្ថកិច្ចបានឱ្យដឹងថា កាលពីថ្ងៃទី ២២ ខែតុលា ឆ្នាំ ២០២៤ វេលាម៉ោង ១៦ និង ០០ នាទី ជនរងគ្រោះកំពុងតែហូបបាយក្នុងផ្ទះលេខ ១០ ស្ថិតនៅភូមិត្រពាំងថ្លឹង ៤ សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ ពេលនោះជនសង្ស័យដែលត្រូវជាកូនជាងបានខ្ចីម៉ូតូ ១ គ្រឿង ម៉ាក HONDA TODAY ពណ៌ទឹកប្រាក់ ស្លាកលេខភ្នំពេញ 1HE-8513 ស៊េរីឆ្នាំ 2011 និងទូរស័ព្ទ ១ គ្រឿង ម៉ាក SAMSUNG ដោយប្រាប់ជនរងគ្រោះថា យកអីវ៉ាន់ទៅឱ្យភ្ញៀវ និងដើររកភ្ញៀវបន្ត។
សមត្ថកិច្ចបានឱ្យដឹងបន្តថា ពេលនោះជនរងគ្រោះក៏បានឱ្យម៉ូតូ និងទូរស័ព្ទទៅជនសង្ស័យដែលស្ថិតនៅទីតាំងខាងលើ។ បន្ទាប់មក ជនសង្ស័យបានជិះម៉ូតូចេញទៅបាត់មិនឃើញត្រឡប់មកវិញ ជនរងគ្រោះក៏មកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលចោមចៅទី ១។ រហូតមកដល់ថ្ងៃទី ២៤ ខែតុលា ឆ្នាំ ២០២៤ វេលាម៉ោង ៨ យប់ ជនសង្ស័យបានត្រឡប់មកផ្ទះវិញ ហើយជនរងគ្រោះនិងគ្រួសារ ឃើញបានឃាត់ជនសង្ស័យប្រគល់ឱ្យសមត្ថកិច្ចប៉ុស្តិ៍នគរបាលរដ្ឋបាលចោមចៅទី ១ សួរនាំ។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ខ្លួនពិតជាបានខ្ចីម៉ូតូ និងទូរស័ព្ទពីជនរងគ្រោះ ហើយយកទៅបញ្ចាំពិតមែន។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកជំនាញព្រហ្មទណ្ឌ នៃអធិការដ្ឋាននគរបាលខណ្ឌពោធិ៍សែនជ័យចាត់ការតាមនីតិវិធី៕
អត្ថបទ ៖ សុខា
-
ព័ត៌មានអន្ដរជាតិ៧ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សន្តិសុខសង្គម៧ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ១ សប្តាហ៍ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា២ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៧ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
ព័ត៌មានជាតិ៤ ថ្ងៃ agoអភិបាលស្រុកសំរោង ចុះពិនិត្យស្ពាន «កាប់នឹម» បាក់ស្រុតធ្ងន់ សិក្សាលទ្ធភាពជួសជុលឡើងវិញ ដើម្បីធានាសុវត្ថិភាពពលរដ្ឋ
-
កីឡា៦ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានអន្ដរជាតិ២ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន