កីឡា

នេះហើយរថយន្តទី៣ រហ័ស្សនាម «កណ្ដុរក្រហមភ្នំត្បែង» ដែលទៅប្រកួត OFF ROAD នៅឡាវ

បានផុស

៨ ខែ មុន

នៅ

ថ្ងៃអង្គារ ៤ វិច្ឆិកា ២០២៥

ដោយ

បន្ទាប់ពី កម្ពុជាថ្មី បានបង្ហាញរថយន្តទី១ ទី២ រួចមកឥលូវនេះជារថយន្ត OFF ROAD ទី៣ «កណ្ដុរក្រហមភ្នំត្បែង» ដែលជាគ្រឿងចុងក្រោយហើយត្រូវចូលរួមប្រកួតក្នុងព្រឹត្តិការណ៍ Gold Sepon OFF Road challenge ពីថ្ងៃទី៦ ដល់ ៩ ខែវិច្ឆិកា ២០២៥ នៅឯប្រទេសឡាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«កណ្ដុរក្រហមភ្នំត្បែង»

លោក គីម សំអឿន ដែលជាម្ចាស់រថយន្ត និងជាអ្នកបើកបរផ្ទាល់បានឲ្យដឹងថា ឡានដែលលោកយកទៅចូលរួមការប្រកួតនៅឡាវលើកនេះគឺប្រភេទ Toyota Hilux 1994 ដែលបានកែឆ្នៃ និងបំពាក់គ្រឿងបន្លាស់ក្លាយជារថយន្តសម្រាប់ប្រណាំងរួចរាល់ហើយ។

«កណ្ដុរក្រហមភ្នំត្បែង»

កីឡាករមកពីខេត្តព្រះវិហារខាងលើបន្តទៀតថា រថយន្តរហ័ស្សនាម «កណ្ដុរក្រហមភ្នំត្បែង» មួយនេះពីមួយប្រកួតទៅមួយប្រកួតគឺតែងតែកែច្នៃ និងបំពាក់គ្រឿងបន្លាស់ឲ្យកាន់តែសមស្របឡើងៗដើម្បីឲ្យដំណើរការប្រកួតទទួលបានលទ្ធផលកាន់តែល្អ។

យ៉ាងណាសម្រាប់ការចេញទៅប្រកួតនៅឡាវនេះរូបលោក និងក្រុមការងារបានត្រៀមខ្លួនរួចរាល់ហើយក្នុងការប្រជែងយកជ័យជម្នះជូនជាតិមាតុភូមិ។ មិនថាសម្ភារ គ្រឿងបន្លាស់ និងផ្នែកជួលជុល (Support) គឺបានត្រៀមជាស្រេចមិនមានបញ្ហាចោទអ្វីនោះឡើយ។ ចំពោះរូបលោកផ្ទាល់គឺមានអារម្មណ៍ថាចង់ឲ្យការប្រកួតកាន់តែឆាប់មកដល់ដើម្បីបានប្រកួតសាកល្បងសមត្ថភាពជាមួយឡានខ្លាំងៗរបស់ប្រទេសដទៃផង និងចង់ដឹងពីចំណុចខ្លាំង ចំណុចខ្វះខាតរបស់ក្រុមលោកផង។

«កណ្ដុរក្រហមភ្នំត្បែង»

បញ្ជាក់ដែរថា រថយន្ត OFF ROAD ក្រុមទី៣ នេះគឺឈ្មោះថា ភ្នំត្បែងរីសត ខេត្តព្រះវិហារ ដែលបើកបរដោយលោក គីម សំអឿន និងជំនួយការបើកបរលោក នា ឧត្ដម។ ក្រុមទាំង៣គឺបានធ្វើដំណើរទៅដល់ប្រទេសឡាវហើយរង់ចាំការប្រកួតមកដល់ចាប់ពីថ្ងៃទី៦ ដល់ ៩ ខែវិច្ឆិកា ឆ្នាំ២០២៥។ តាមដានទាំងអស់គ្នាថាក្រុមប្រណាំងរថយន្តឆ្លងកាត់ឧបសគ្គ (OFF ROAD) របស់កម្ពុជាចូលរួមប្រកួតនៅឡាវលើកនេះទទួលបានលទ្ធផលយ៉ាងណា៕