កីឡា

ក្លឹបហាប់គីដូបាក់ទូក ប្រឡងដំឡើងខ្សែក្រវាត់ដល់សិស្សៗក្រោយបើក និងហ្វឹកហាត់បានរយៈពេល ៦ខែ

បានផុស

៦ ខែ មុន

នៅ

ថ្ងៃអង្គារ ២០ មករា ២០២៦

ដោយ

ក្លឹបហាប់គីដូបាក់ទូកដែលបើកដំណើរការបាន ៦ខែកន្លងទៅនេះបានប្រឡងដំឡើងខ្សែក្រវាត់ដល់សិស្សគុនចំនួន ១៦នាក់ដែលបានខំប្រឹងប្រែងហ្វឹកហាត់យ៉ាងសកម្ម និងយកចិត្តទុកដាក់កន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពថ្ងៃប្រឡងខ្សែក្រវាត់

លោក គង់ ចាន់ធីណា អគ្គលេខាធិការសហព័ន្ធខ្មែរកីឡាហាប់គីដូ បានឲ្យដឹងថា កម្មវិធីប្រឡងនេះគឺដំឡើងខ្សែក្រវាត់ទឹកក្រូចដល់សិស្សគុនចំនួន ១៦នាក់ក្នុងនោះកីឡាករ ៨នាក់ និងកីឡាការិនី ៨នាក់។ កម្មវិធីប្រឡងនេះធ្វើឡើងនៅកន្លែងហ្វឹកហាត់ក្នុងនៃសាលាបឋមសិក្សាបាក់ទូកតែម្ដង។

គ្រូបង្វឹកជើងចាស់រូបនេះបានលើកទឹកចិត្តដល់កីឡាករ កីឡាការនី ទាំងអស់ដែលទើប និងប្រឡងឡើងខ្សែក្រវ៉ាត់ពណ៌ទឹកក្រូចឱ្យបន្តខិតខំប្រឹងប្រែងហ្វឹកហាត់រក្សាវិន័យ និងប្រើប្រាស់ជំនាញក្បាច់គុនឱ្យបានត្រឹមត្រូវសម្រាប់ការពារខ្លួន និងលើកកម្ពស់កិត្តិយសកីឡាជាតិខ្មែរ។

ទិដ្ឋភាពថ្ងៃប្រឡងខ្សែក្រវាត់

នាឱកាសនោះលោកនាយកសាលាបឋមសិក្សាបាក់ទូ បានសរសើរចំពោះការរីកចម្រើនរបស់សិស្សានុសិស្សដែលមិនត្រឹមតែខិតខំក្នុងការសិក្សាទេ ប៉ុន្តែថែមទាំងយកចិត្តទុកដាក់ក្នុងការហ្វឹកហាត់កីឡា ជួយអភិវឌ្ឍទាំងសុខភាពរាងកាយ វិន័យ និងស្មារតីកីឡា។

ទិដ្ឋភាពថ្ងៃប្រឡងខ្សែក្រវាត់

បញ្ជាក់ដែរថា ក្លឹបហាប់គីដូសាលាបឋមសិក្សាបាក់ទូក ជាក្លឹបថ្មីមួយដែលទើបបើកដំណើរការ និងកំពុងទទួបានការគាំទ្រច្រើនពីសំណាក់សិស្សៗនៅទីនោះផងដែរ។ កម្មវិធីប្រឡងដំឡើងខ្សែក្រវាត់នេះធ្វើឡើងកាលពីថ្ងៃទី១៨ ខែមករា ឆ្នាំ២០២៦ នៅក្នុងបរិវេណហ្វឹកហាត់របស់ក្លឹបផ្ទាល់តែម្ដង។ កម្មវិធីនេះក៏មានការចូលរួមពីលោក គង់ ចាន់ធីណា អគ្គលេខាធិការសហព័ន្ធ គ្រូបង្វឹក និងលោកនាយកសាលាបឋមបាក់ទូក រួមទាំងសិស្សគុនជាច្រើននាក់ផងដែរ៕

អត្ថបទដោយ៖ នួន ស៊ីណា

Related Topics:កីឡាហាប់គីដូ