កីឡា

លោក McConkey ថា «ក្រុមយើង និងក្រុមកម្ពុជាមួយចំនួនរងគ្រោះពីការផ្លាស់ប្តូរប្រកួតពាន Shopee Cup

បានផុស

២ ខែ មុន

នៅ

ថ្ងៃពុធ ២២ មេសា ២០២៦

ដោយ

លោក Mattew McConkey គ្រូបង្វឹកព្រះខ័នរាជស្វាយរៀង បានសម្តែងការមិនពេញចិត្តចំពោះការផ្លាស់ប្តូរពេលវេលា និងទីកន្លែងប្រកួតនៃពានរង្វាន់ក្លិបអាស៊ាន ASEAN Club Championship។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសន្និសីទសារព័ត៌មានការប្រកួតជាមួយក្លិប Bangkok United កាលពីថ្ងៃទី២១ ខែមេសា ឆ្នាំ ២០២៦ លោក Mattew McConkey បានលើកឡើងពីការផ្លាស់ប្តូរពេលវេលាពីខែធ្នូ ឆ្នាំ ២០២៥ ដល់ខែមករា ឆ្នាំ ២០២៦ ហើយឥឡូវឈានដល់ខែមេសា ឆ្នាំ ២០២៦ និងប្តូរទីកន្លែងមកប្រទេសវៀតណាម។ ការផ្លាស់ប្តូរ និងពន្យារពេលច្រើនសប្តាហ៍រហូតដល់ច្រើនខែបែបនេះពិតជាធ្វើឲ្យលោកមិនយល់ថាតើជានីតិធីអ្វី?

លោកបានលើកឡើងថា ៖««វាជាការរអាក់រអួលដ៏ធំមួយចំពោះក្លិបបាល់ទាត់របស់យើង ទាក់ទឹងការប្រកួតផ្សេងៗទៀតដែលយើងត្រូវលេងត្រៀមខ្លួនបាន។ ដូចខ្ញុំនិយាយអីចឹង ការប្រកួត Shopee Cup ក្នុងពីររដូវកាលចុងក្រោយនេះល្អ ប៉ុន្តែនេះខ្ញុំគិតថា ចាំបាច់ត្រូវមើល ហើយតើការប្រកួតត្រូវកំណត់ពេលឡើងវិញ។ ការផ្លាស់ប្តូរនៅក្នុងការប្រកួតនេះ សម្រាប់ខ្ញុំគឺមិនអាចទទួលយកបាន»។

«ខ្ញុំមិនចង់ចូលទៅក្នុងរឿងនយោបាយទេ ហេតុអ្វីបានជាការប្រកួតនេះត្រូវផ្លាស់ប្តូរ ប៉ុន្តែចំណុចសំខាន់រឿងនេះសម្រាប់ខ្ញុំគឺការដែលគេនិយាយអំពីការផ្លាស់ប្តូរការប្រកួតក្នុងខែធ្នូ។ ប្រាំមួយសប្តាហ៍មុនពេលការប្រកួតពិតជាត្រូវលេង។ បន្ទាប់មកអ្នកទទួលបានពីរខែ បីខែ។ ការត្រៀមខ្លួនមកលេងនៅទីនេះមិនមែនជាបញ្ហានោះទេ តែអ្វីដែលសំខាន់គឺការផ្លាស់ប្តូរទីលាន ដូច្នេះហើយឥឡូវយើងនៅសល់តែពីរសប្តាហ៍ទៀតត្រូវបញ្ចប់រដូវកាលរបស់យើង»។

«តាមពិតទៅមានក្លិបផ្សេងទៀត ក្នុងប្រទេសកម្ពុជាត្រូវកំណត់ពេលប្រកួតឡើងវិញដូចជាពួកគេមិនចង់ធ្វើ។ ដូច្នេះហើយខ្ញុំមិនដឹងថា តើគេមាននីតិវិធីអ្វីសម្រាប់របៀបដែលគេកំណត់ពេលការប្រកួត ហើយត្រូវប្រើពេលយូរដល់ថ្នាក់នឹងមែនទេ? ដូចជាប្រសិនបើអ្នកដឹងហើយថា ការប្រកួតក្នុងខែធ្នូ ហើយបើយើងត្រូវលេងក្នុងខែមករា។ ហេតុអ្វីបានជាវាមិនអាចលេងនៅទីនេះនៅខែមករា។ ខ្ញុំមិនយល់ ហើយវាគ្រាន់តែជាការគិតខ្វះការមើលជាមុន។ អ្នកដែលរងគ្រោះគឺក្រុមយើង និងក្លិបមួយចំនួនទៀតនៅកម្ពុជា»៕