កីឡា

ស្រិន រាជ្យ ប្រាប់ពីគម្រោងបន្តនៅជាមួយកីឡាកាយវប្បកម្ម ឬទេបន្ទាប់ពីរៀបការអំឡុងខែឧសភានេះហើយ

បានផុស

២ ខែ មុន

នៅ

ថ្ងៃពុធ ២៩ មេសា ២០២៦

ដោយ

កីឡាករ ស្រិន រាជ្យ ដែលជាម្ចាស់មេដាយសំរឹទ្ធកីឡាកាយវប្បកម្មពិភពលោក ២ជំនាន់ថា បើទោះជារៀបការរួចនៅពេលឆាប់ខាងមុខនេះក៏ដោយរូបគេនៅបន្តហ្វឹកហាត់ ឬលេងកីឡាមួយនេះតទៀតបន្ទាប់ពីមានការផ្ដល់កម្លាំងចិត្តពីគូដណ្ដឹងឲ្យបន្ត ព្រោះមានអ្នកស្រឡាញ់គាំទ្រ និងស្គាល់រូបគេច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ស្រិន រាជ្យ

កីឡាករ ស្រិន រាជ្យ បានឲ្យដឹងថា រូបគេនឹងចូលរោងការនៅពាក់កណ្ដាលខែឧសភា ឆ្នាំ២០២៦ ខែក្រោយនេះហើយនៅរាជធានីភ្នំពេញ។ យ៉ាងណាការប្រកួតកម្រិតអន្តរជាតិមួយចំនួនអំឡុង ២-៣ខែនេះរូបគេមិនបានចូលរួមនោះឡើយ ព្រោះជួនចំពេលរៀបការផង និងមិនមានពេលវេលាហ្វឹកហាត់គ្រប់គ្រាន់ ឬធ្វើសាច់នោះឡើយ។

ជើងខ្លាំងផ្នែកកាយវប្បកម្មរូបនេះបន្ថែមទៀតថា តាមគម្រោងរបស់លោកបន្ទាប់ពីរៀបការរួចនឹងបន្ថយការចេញប្រកួត ប៉ុន្តែគូដណ្ដឹងមិនចង់ឲ្យធ្វើបែបនេះឡើយ។ «បងមានគេស្គាល់ដោយសារកីឡាមួយនេះ បងតស៊ូជាមួយកីឡានេះយូរហើយ បើបងឈប់ បងនឹងបាត់បង់អ្វីគ្រប់យ៉ាងដែលមានកន្លងមក» សម្ដីគូដណ្ដឹង ស្រិន រាជ្យ។

ដូច្នេះកីឡាករជម្រើសជាតិផ្នែកកាយវប្បកម្មរូបគេនឹងនៅតែបន្តហ្វឹកហាត់ ឬចេញប្រកួតតទៅទៀតបើទោះជារូបគេរៀបការនៅអំឡុងខែឧសភាព ២០២៧ ខាងមុខនេះយ៉ាងណាក្ដី។

រាជ្យ និងគូដណ្ដឹង (រូបភាពលើហ្វេសបុក រាជ្យ)

បញ្ជាក់ដែរថា ស្រិន រាជ្យ ជាកីឡាករជម្រើសជាតិកម្ពុជាផ្នែកកីឡាកាយវប្បកម្ម និងធ្លាប់ឈ្នះមេដាយសំរឹទ្ធពិភពលោក ២គ្រឿង និងធ្លាប់មេដាយកម្រិតតំបន់ជាច្រើនគ្រឿងទៀតផងដែរ។ រូបគេបច្ចប្បន្ននេះជាកីឡាករចាស់វស្សាមួយរូបក្នុងសហព័ន្ធ និងបានជួយបង្ហាត់បង្រៀនអ្នកជំនាន់ក្រោយរួមទាំងសិស្សប្អូនផងដែរជាការរួមចំណែកពង្រីកផ្សព្វផ្សាយកីឡាមួយនេះ៕