កីឡា

អ្នកជំនាញកីឡាកាយវប្បកម្ម និយាយពីការដុះក្បាលពោះរបស់ប្រជាជនកម្ពុជានាពេលបច្ចុប្បន្ន

បានផុស

៥ ខែ មុន

នៅ

ថ្ងៃអង្គារ ២៧ មករា ២០២៦

ដោយ

អ្នកជំនាញកីឡាកាយវប្បកម្ម និងជាកីឡាករជម្រើសជាតិកម្ពុជាមួយរូប ថាដូចបានឃើញទាំងអស់គ្នាឥលូវនេះមានអ្នកដុះក្បាលពោះច្រើននៅកម្ពុជាដែលកក្តានេះគឺបណ្ដាលមកពីការញុំអាហារមិនសមស្រប ញុំលើសកំណត់ និងញុំជាតិអាកុលច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពតំណាង

កីឡាករ ស្រ៊ិន រាជ្យ បានឲ្យដឹងថា ដូចទៅហ្នឹងអ្នកគ្រប់គ្នាឃើញអីចឹងដែរមនុស្សប្រុសភាគច្រើនឥលូវនេះនៅកម្ពុជាមានដុះក្បាលពោះធំៗដែលបញ្ហាមួយនេះវានឹងផ្ដល់ការលំបាក ឬមានផលប៉ះពាល់ខ្លាំងដល់សុខភាពរស់នៅប្រចាំថ្ងៃតែម្ដង។

ម្ចាស់មេដាយសំរឹទ្ធពិភពលោករូបនេះបន្តទៀតថា កក្តាដែលធ្វើឲ្យមានដុះក្បាលពោះធំៗបែបនេះគឺដោយសារតែរបបអាហារញុំហួសប្រមាណ និងការញុំជាតិអាកុលផងដែរ។ អាហារដែលនាំឲ្យដុះក្បាលពោះនេះរួមមានញុំគ្រឿងផ្អែមច្រើន ញុំគ្រឿងបំពងច្រើន ញុំអាហារសម្រេចរូប ញុំសាច់ជាប់ខ្លាញ់ច្រើន និងញុំគ្រឿងអាកុលច្រើនផងដែរ។

កីឡាករ ស្រ៊ិន រាជ្យ

កីឡាករជម្រើសជាតិ និងជាគ្រូបង្ហាត់បែបសុខភាពរូបនេះបន្តទៀតថា បើតាមបទពិសោធបង្ហាត់សិស្សកន្លងមកអ្នកដែលចង់សម្រកក្បាលពោះនេះគឺចំណាយពេលចាប់ពី ៤ខែ ទៅ ៦ខែ ឬឈានដល់ទៅមួយឆ្នាំអាស្រ័យលើការតមអាហាររបស់អ្នកហ្វឹកហាត់ម្នាក់ៗ។

រូបភាពតំណាង

បញ្ជាក់ដែរថា នៅកម្ពុជានាពេលបច្ចុប្បន្ននេះគេសង្កេតឃើញថាមានអ្នកដុះក្បាលពោះច្រើនពិសេសនោះគឺបុរសៗតែម្ដង។ កីឡាករ ស្រ៊ិន រាជ្យ ជាអ្នកជំនាញមួយរូបលើប្រភេទកីឡាកាយវប្បកម្មនេះ និងមានបទពិសោធហ្វឹកហាត់ និងបង្ហាត់សិស្សជាច្រើនឆ្នាំមកហើយរួមទាំងផ្នែកសម្រកក្បាលពោះកន្លងមក៕

អត្ថបទដោយ៖ នួន ស៊ីណា