កីឡា

ម្ចាស់មេដាយពិភពលោក ស្រ៊ិន រាជ្យ បង្ហើបពីគម្រោងរៀបការក្រោយស្វែងយល់ចិត្តគ្នាហើយ

បានផុស

៧ ខែ មុន

នៅ

ថ្ងៃអង្គារ ២៣ ធ្នូ ២០២៥

ដោយ

កីឡាករកាយវប្បកម្ម និងជាម្ចាស់កម្រិតពិភពលោក ២ជំនាន់ ស្រ៊ិន រាជ្យ ថាបន្ទាប់ពីខ្លួន និងគូដណ្ដឹងបានភ្ជាប់ពាក្យរួចហើយនេះគ្រោងនឹងរៀបការអំឡុងខែឧសភា ឆ្នាំ២០២៦ ខាងមុខនេះហើយបន្ទាប់ពីបានស្វែងយល់ចិត្តគ្នារួចរាល់នាពេលកន្លងមក។

ស្រ៊ិន រាជ្យ ពេលឈ្នះមេដាយកន្លងមក

ម្ចាស់មេដាយសំរឹទ្ធពិភពលោកនៅប្រទេសឥណ្ឌូណេស៊ី កីឡាករ ស្រ៊ិន រាជ្យ បានឲ្យដឹងថា គូដណ្ដឹងរបស់ខ្លួននេះគឺបានស្គាល់គ្នានៅកន្លែងហាត់ប្រាណ Elite Fintess បណ្ដោយផ្លូវវេងស្រេង រាជធានីភ្នំពេញ អំឡុងពេលខ្លួនហ្វឹកហាត់យកសាច់ត្រៀមប្រកួតកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ស៊្រិន រាជ្យ និងគូដណ្ដឹង

ដោយមានចំណងចំណូលចិត្តខាងផ្នែកកីឡាពិសេសសហាត់ប្រាណយកសាច់ដូចគ្នាផងនោះ និងជានិស្ស័យផងទើបជំរុញឲ្យខ្លួនបានចាប់ផ្ដើមស្វែងយល់ចិត្តគ្នារហូតសម្រេចភ្ជាប់ពាក្យរួចរាល់ហើយកាលពីពេលថ្មីៗនេះ។ កីឡាករជម្រើសជាតិផ្នែកកីឡាកាយវប្បកម្មវរូបនេះគ្រោងនឹងចូលរោងការនៅថ្ងៃទី១៤-១៥ ខែឧសភា ឆ្នាំ២០២៥ នៅរាជធានីភ្នំពេញ។

កីឡាករ ស៊្រិន រាជ្យ និងគូដណ្ដឹង

បញ្ជាក់ដែរថា ស្រ៊ិន រាជ្យ ជាកីឡាករជម្រើសជាតិផ្នែកកីឡាកាយវប្បកម្មកម្ពុជា និងជាធនធានសំខាន់មួយរូបសម្រាប់សហព័ន្ធទាំងការចេញទៅប្រកួត និងចូលរួមបណ្ដុះបណ្ដាលថ្នាលបន្តវេនទៀត។ រូបគេធ្លាប់ឈ្នះមេដាយសំរឹទ្ធពិភពលោក ២គ្រឿងអមជាមួយពាន ធ្លាប់ឈ្នះមេដាយប្រាក់អាស៊ីអាគ្នេយ៍ ១គ្រឿងអមដោយពាន។ កាលពីថ្ងៃទី២១ ខែធ្នូ ឆ្នាំ២០២៥ នេះរូបគេនិងកញ្ញា លីម កាំម៉ី បានភ្ជាប់ពាក្យរួចរាល់ផងដែរ៕