កីឡា

យប់នេះដល់វេន ព័រទុយហ្គាយ និង អង់គ្លេស បង្ហាញសាច់ដុំនៅ World Cup

បានផុស

២៦ វិនាទី មុន

នៅ

ថ្ងៃពុធ ១៧ មិថុនា ២០២៦

ដោយ

ក្រុមដែលអ្នកគាំទ្រទន្ទឹមរង់ចាំនឹងឈានមកដល់យប់នេះហើយនៅពេលក្រុមតោកំណាច អង់គ្លេស និងបញ្ចខែល ព័រទុយហ្គាល់ បង្ហាញសាច់ដុំដើម្បីរកគ្រាប់បាល់ក្នុងព្រឹត្តិការណ៍ World Cup ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅវេលាម៉ោង ១២ យប់អាធ្រាត្រ ថ្ងៃទី១៧ ឈានចូលថ្ងៃទី១៨ ខែមិថុនា ព័រទុយហ្គាល់ ត្រូវតទល់នឹង ក្រុមជម្រើសជាតិ កុងហ្គោ វគ្គសន្សំពិន្ទុក្នុងពូល K។ អ្នកគាំទ្រស្គាល់យ៉ាងច្បាស់ពីសមត្ថភាពរបស់ក្រុម ព័រទុយហ្គាល់ ជាពិសេសចង់ឃើញ Crisitano Ronaldo រកបានគ្រាប់បាល់ដើម្បីបង្កើតកំណត់ត្រាថ្មីៗបន្ថែមទៀត។ ចំណែក ក្រុម កុងហ្គោ វិញមិនសូវបានអ្នកគាំទ្រស្គាល់ច្រើនឡើយពីកីឡាកររបស់ពួកគេ។

វេលាម៉ោង ៣ យប់អាធ្រាត្រ ថ្ងៃទី១៨ ជាការប្រកួតរបស់ តោកំណាចអង់គ្លេស ទល់នឹង ក្រូអាត វគ្គសន្សំពិន្ទុក្នុងពូល L។ នៅក្នុងពូលនេះ អ្នកគាំទ្រ ក៏ដូចជាអ្នកជំនាញទូទាំងពិភពលោកយល់ ថា ក្រុម អង់គ្លេស និង ក្រូអាត ទំនងជាក្រុមនឹងឈរនៅលេខ ១ និងលេខ ២ ក្នុងពូល ដើម្បីឡើងទៅវគ្គ ៣២ ក្រុមចុងក្រោយ។

អង់គ្លេស មានកីឡាករឆ្នើមៗជាច្រើន ដូចជា Harry Kane, Jude Bellingham, Bukayo Saka, Marcus Rashford និង Declan Rice ជាដើម។ ចំណុចគួរឱ្យចាប់អារម្មណ៍បំផុតមួយទៀត គឺ អង់គ្លេស បានឆ្លងកាត់ការប្រកួតជម្រុះក្នុងទ្វីប អឺរ៉ុប ៨ ប្រកួត ដោយមិនចាញ់សោះ ហើយថែមទាំងមិនរបូតគ្រាប់បាល់ថែមទៀត។

ប្រវត្តិជួបគ្នាវិញ ក៏ អង់គ្លេស ធ្វើបានល្អជាងផងដែរ ដោយការជួបគ្នា ១១ លើកពីឆ្នាំ ១៩៩៦ ដល់ ២០២១ គឺ អង់គ្លេស ឈ្នះ ៦ ស្មើ ២ និងចាញ់ ៣។ ទោះបីជាយ៉ាងណា ក្រអាត បច្ចុប្បន្នក៏កំពុងល្អខ្លាំងគួរឱ្យកត់សម្គាល់ផងដែរ។ ពួកគេមិនសូវមានគេនិយាយច្រើនទេ ប៉ុន្តែតែងតែធ្វើបានល្អនៅព្រឹត្តិការណ៍ធំៗដូចជា ឡើងដល់វគ្គផ្តាច់ព្រ័ត្រ World Cup ឆ្នាំ ២០១៨ និងនៅឆ្នាំ ២០២២ ឡើងដល់វគ្គពាក់កណ្តាលផ្តាច់ព្រ័ត្រ៕

ចុងក្រោយសម្រាប់ការប្រកួតជុំទី១ គឺ ហ្គាណា និង ប៉ាណាម៉ា នៅម៉ោង ៦ ព្រឹក និងកូឡុំប៊ី ប្រកួតជាមួយ អ៊ូបេគីស្ថាន ម៉ោង ៩ ព្រឹក ថ្ងៃទី១៨ ខែមិថុនា ឆ្នាំ ២០២៦។ សម្រាប់ការប្រកួតបន្ទាប់ឈានចូលថ្ងៃទី១៩ ខែមថុនា ដល់ពេលការប្រកួតលើកទី២ វគ្គសន្សំពិន្ទុក្នុងពូលចាប់ពីពូល A ឡើងវិញ៕