កីឡា

កីឡាករ ឆោម ចាន់ថន យកការហែលទឹកជាវិធីបំបាត់ការធុញថប់អារម្មណ៍ចំពោះបរិយាកាសជុំវិញខ្លួន

បានផុស

២៨ វិនាទី មុន

នៅ

ថ្ងៃសុក្រ ១០ កក្កដា ២០២៦

ដោយ

កីឡាករជម្រើសជាតិហែលទឹកពាក់ជើង ឆោម ចាន់ថន រាល់ពេលដែលរូបគេមានអារម្មណ៍ធុញថប់ចំពោះបរិយាកាសខាងក្រៅគឺតែងតែយកការហែលទឹកជួយបន្ធូរភាពតានតឹងធ្វើឲ្យប្រសើរឡើងវិញរហូតក្លាយជាទម្លាប់ល្អក្នុងការរស់នៅប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ឆោម ចាន់ថន

កីឡាករ ឆោម ចាន់ថន បានឲ្យដឹងថា រូបគេហ្វឹកហាត់កីឡាហែលទឹកនេះរយៈពេលជាង ១០ឆ្នាំមកហើយ ពោលតាំងពីខ្លួននៅតូចៗមកម្ល៉េះ។ ដោយសារតែមានសាច់ញ្ញាត្តិជាអ្នកកីឡាហែលទឹកនេះទើបធ្វើឲ្យរូបគេមានឱកាស និងបានហ្វឹកហាត់។

សកម្មភាពហ្វឹកហាត់

ម្ចាស់មេដាយស៊ីហ្គេមនៅវៀតណាមរូបនេះបន្ថែមទៀតថា ហែលទឹកនេះគឺពិតជាមានសារសំខាន់ចំពោះសុខភាព និងជួយរូបគេបានច្រើននាពេលកន្លង។ កីឡាហែលទឹកនេះជាដៃគូមួយដ៏ល្អសម្រាប់រូបគេកាត់បន្ថយនៅពេលមានភាពតានតឹងផ្លូវអារម្មណ៍ជាមួយបរិយាកាសខាងក្រៅផ្សេងៗនោះ។ ចាន់ថន តែងតែមកការហែលទឹកដើម្បីឲ្យអារម្មណ៍ស្ងប់រហូតក្លាយជាទម្លាប់ល្អមួយចំពោះរូបគេនៅពេលជួបបញ្ហាដូចនេះ។ លើសពីនេះគឺហែលទឹកអាចជួយឲ្យខ្លួនមានសុខភាពល្អ និងអាចទុកប្រើប្រាស់ជៀសផុតពីការលង់ទឹកជាដើម។

សកម្មភាពហ្វឹកហាត់

បញ្ជាក់ដែរថា ឆោម ចាន់ថន ជាកីឡាករជម្រើសជាតិផ្នែកហែលទឹកពាក់ជើងទា។ រូបគេចូលហ្វឹកហាត់កីឡាហែលទឹកនេះអំឡុងឆ្នាំ២០១៦ មកម្ល៉េះ និងធ្លាប់ឈ្នះមេដាយសំរឹទ្ធ ស៊ីហ្គេម នៅប្រទេសវៀតណាម និងឈ្នះមេដាយស៊ីហ្គេម នៅកម្ពុជា និងធ្លាប់ឈ្នះមេដាយជើងឯកអាស៊ីអាគ្នេយ៍ផងដែរនៅពេលកន្លងទៅនេះ៕

អត្ថបទដោយ៖ នួន ស៊ីណា

Related Topics:កីឡាហែលទឹកពាក់ជើងទា