កីឡា

តើកម្ពុជាស្គាល់ជ័យជម្នះលើកដំបូងទេប៉ះឡាវល្ងាចនេះ?

បានផុស

៤ years មុន

នៅ

ថ្ងៃពុធ ១៥ ធ្នូ ២០២១

ដោយ

ក្រុមបាល់ទាត់ជម្រើសជាតិកម្ពុជានឹងត្រូវប្រកួតជាមួយក្រុមជម្រើសជាតិឡាវ វេលាម៉ោង៤:៣០នាទីល្ងាចនេះក្នុងពាន AFF Cup នៅប្រទេសសិង្ហបុរី។

កម្ពុជា និងឡាវមិនទាន់ស្គាល់ជ័យជម្នះម្តងណាឡើយសម្រាប់ការប្រកួតសន្សំពិន្ទុក្នុងពូល B ក្នុងនោះកម្ពុជាចាញ់២ប្រកួតធ្វើឲ្យឱកាសឡើងទៅវគ្គ៤ក្រុមចុងក្រោយស្តួចស្តើង ខណៈឡាវអស់ឱកាសហើយក្រោយចាញ់៣ប្រកួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ប្រកួតរបស់ក្រុមគោព្រៃកម្ពុជាបានចាញ់ម៉ាឡេស៊ី ១-៣ និងចាញ់ឥណ្ឌូណេស៊ី ២-៤។ បរាជ័យទាំងពីរលើកនេះ កម្ពុជាស៊ុតចូលដៃគូបាន៣គ្រាប់ ខណៈដៃគូស៊ុតចូលវិញ៧គ្រាប់។

ចំណែកក្រុមជម្រើសជាតិឡាវវិញរកបានតែ១គ្រាប់ប៉ុណ្ណោះពីបរាជ័យទាំង៣លើក ហើយត្រូវដៃគូស៊ុតចូលវិញ១១គ្រាប់ក្នុងនោះចាញ់វៀតណាម ២-០, ចាញ់ម៉ាឡេស៊ី ៤-០ និងចាញ់ឥណ្ឌូណេស៊ី ៥-១។

ឡាវសម្រាប់ការប្រកួតល្ងាចនេះគឺជាការបញ្ចប់ភារកិច្ចក្នុងពាន AFF Cup 2020 នេះ មុនពេលវិលត្រឡប់ទៅប្រទេសកំណើតវិញ។ ចំពោះកម្ពុជា ថ្ងៃនេះជាការប្រកួតទី៣ និងត្រូវប្រកួតបញ្ចប់វគ្គសន្សំពិន្ទុក្នុងពូលជាមួយក្រុមការពារតំណែងជើងឯកឆ្នាំចាស់ វៀតណាម នៅថ្ងៃទី១៩ ខែធ្នូ។

រហូតដល់ពេលនេះ នៅ B មិនទាន់រកឃើញក្រុមណាឡើងទៅវគ្គពាក់កណ្តាលផ្តាច់ព្រ័ត្រឡើយដោយមាន៣ក្រុមគឺឥណ្ឌូណេស៊ី វៀតណាម និងម៉ាឡេស៊ី មាន៦ពិន្ទុស្មើគ្នា។

រវាងកម្ពុជា និង ឡាវ ប្រសិនបើ ក្រុមណាឈ្នះ ឬក្រុមទាំងពីរស្មើល្ងាចនេះមានន័យថា នឹងស្គាល់ជ័យជម្នះ ឬពិន្ទុជាលើកដំបូង។ នៅវេលាម៉ោង៧:៣០នាទីយប់នេះនៅពូលជាមួយគ្នា វៀតណាម ប្រកួតជាមួយឥណ្ឌូណេស៊ី។

ចំពោះនៅពូល A វិញរកឃើញក្រុមឡើងវគ្គពាក់កណ្តាលផ្តាច់ព្រ័ត្រអស់ហើយគឺ ម្ចាស់ផ្ទះសិង្ហបុរី និងថៃ ខណៈហ្វីលីពីន មីយ៉ាន់ម៉ា និងទីម័រខាងកើតអស់ឱកាសហើយ៕

អត្ថបទ៖ វីរបុត្រ

Related Topics:ក្រុមបាល់ទាត់ជម្រើសជាតិកម្ពុជា