Connect with us

កីឡា

៤​ក្រុម​​នេះ​​រំពឹង​​ខ្ពស់​​ឡើង​​វគ្គ​​៨​​ក្រុម​​​ពាន​​​សម្តេច​តេជោ​​ ហ៊ុន​ សែន​ ថ្នាក់​​ជាតិ​

បានផុស

នៅ

ថ្ងៃ​នេះ ក្រុម​ខ្លាំង​​៤​​កំពុង​លេង​ជម្រើស​ជើង​ឯក​ខេម​បូឌានព្រីមៀរ​លីគ​រំពឹង​ខ្ពស់​ជាង​គេ​​ក្នុង​ការ​ឡើង​ទៅ​វគ្គ​​៨​ក្រុម​ចុង​ក្រោយ​នៃ​ពាន​រង្វាន់​សម្តេច​អគ្គមហា​សេនាបតី​តេជោ ហ៊ុន សែន ថ្នាក់​​ជាតិ​ លើក​ទី​១៦ ឆ្នាំ​២០២២ បន្ទាប់​ពី​ជើង​ទី១​សុទ្ធ​តែ​ទទួល​បាន​ជ័យជម្នះ​ដូច​គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះ​ខ័ន​រាជ​ស្វាយរៀង ​សង្ឃឹម​ខ្ពស់​ក្នុង​ការ​ឡើង​ទៅ​វគ្គ​​៨​ក្រុម​ចុង​ក្រោយ​នៃ​ពាន​រង្វាន់​សម្តេច​តេជោ ហ៊ុន សែន បន្ទាប់​ពី​ជើង​ទី​១​បាន​យក​ឈ្នះ​ក្រុម​សូលទីឡូ​អង្គរ​ដោយ​លទ្ធផល​តឹង​តែង​ ១-០។ សម្រាប់​ការ​ប្រកួត​ជើង​ទី​២ ថ្ងៃ​នេះ​ធ្វើ​នៅ​កីឡដ្ឋាន​ខេត្ត​ស្វាយរៀង វេលា​ម៉ោង​៦:៣០​នាទី​ល្ងាច។ ព្រះ​ខ័ន​រាជ​ស្វាយរៀង​សំបូរ​កីឡាករ​​ក្នុង​ស្រុក​ល្អ​ៗ និង​បទ​ពិសោធ​ច្រើន ហើយ​ក៏​ជាប់​ជម្រើស​ជាតិ​ច្រើន​ដែរ ប្រៀប​ធៀប​​នឹង​សូលទីឡូ​អង្គរមិន​សូវ​មាន​កីឡាករ​ជាប់​ជម្រើស​ជាតិ។  ការ​ប្រកួត​នេះ​ផ្សាយ​ផ្ទាល់​តាម​រយៈ BTV។

នៅ​កីឡដ្ឋាន​ព្រីនស៍ វេលា​ម៉ោង​៣:៣០នាទី​រសៀល វិសាខា ​ទទួល​ក្រុម​​​ក្រុម​បាល់ទាត់​សៀម​រាប។ ​វិសាខា ទទួល​បាន​ជ័យជម្នះ​យ៉ាង​ធំធេង​កាល​ពី​ជើង​ទី​១​ដោយ​គ្រាប់​បាល់​បច្ចេកទេស ៦-០ ដូច្នេះ​សម្រាប់​ការ​ប្រកួត​ជើង​ទី​២​នេះ​មិន​បាក​សម្រាប់​វិសាខា​ឡើយ។ បើ​ប្រៀប​ធៀប​ពី​សមត្ថភាព និង​ជំនាញ​លកីឡាករ​ម្នាក់​ៗ​គឺ​ក្រុម​ទាំង​ពីរ​ខុស​គ្នា​ឆ្ងាយ។ ទោះ​បី​ជា​ឈ្នះ​ច្រើន​គ្រាប់​កាល​ពី​ជើង​ទី​១ ក៏​វិសាខាមិន​បន្ធូរ​ជើង​ឡើយ ខណៈ​ខ្សែ​បម្រើ​ប្រយុទ្ធ កែវ សុខផេង កំពុង​នាំ​គេ​ក្នុង​​តារាង​អ្នក​រក​គ្រាប់​បាល់ ដូច្នេះ​រូប​គេ​នឹង​​ព្យាយាម​រក​គ្រាប់​បាល់​ឲ្យ​ច្រើន​ថែម​ទៀត​ដើម្បី​​ប្រជែង​ស្បែង​ជើង​មាស។ ការ​ប្រកួត​នេះ​ផ្សាយ​ផ្ទាល់​តាម​រយៈ​ BTV។

ស្រប​ពេល​ជា​មួយ​គ្នា​នេះ ក្រុម​ណាហ្គាវើលដ៍​ក៏​មិន​បាក​ខ្លាំង​ដែរ​សម្រាប់​ការ​ប្រកួត​ជើង​ទី​២​ថ្ងៃ​នេះ បន្ទាប់​ពី​កាល​ពី​ជើង​ទី​១​បាន​យក​ឈ្នះ​ដោយ​លទ្ធផលត្រចះ​ត្រចង់ ៤-០រួច​ទៅ​ហើយ។ ជើង​ទី​២​នេះ ក្រុម​ទាំង​ពីរ​តតាំង​គ្នា​នៅ​​កីឡដ្ឋាន អេអ៊ីយូ ស្ពត​ផាក។ បើ​និយាយ​ពី​សមត្ថភាព​ក្រុម​ទាំង​ពីរ​គឺ​បទ​ពិសោធ​ជោកជាំ​​ដូច​គ្នា​នៅ​លីគ​កំពូល​កម្ពុជា ប៉ុន្តែ​ទើប​តែ​​រដូវ​កាល​២០២២​នេះ​ទេ​ដែល អាស៊ីអឺរ៉ុប​ត្រូវ​បាន​​ឲ្យ​ទៅ​លេង​លីគ​ទី​២។ ការ​ប្រកួត​នេះ​ផ្សាយ​ផ្ទាល់​តាម​រយៈ BTV។

ចំណែក​ក្លឹប​ដែល​មាន​មូលដ្ឋាន​នៅ​រាជធានី​ភ្នំពេញ បឹងកេត ​ក៏មាន​ក្តី​រំពឹង​ក្នុង​ការ​ឡើង​ទៅ​វគ្គ​៨​ក្រុម​ចុង​ក្រោយ​ដែរ បន្ទាប់​ពី​​ជើង​ទី​១បាន​យក​ឈ្នះ​​ អាយអេស​អាយ ដង្កោ​សែន​ជ័យ ដោយ​លទ្ធផល ២-០។ យ៉ាង​ណា ការ​ប្រកួត​មិន​មែន​ជា​ការ​ងាយ​ស្រួល​ទេ ដោយ​សារ​ក្រុម​អាយអេសអាយ​ដង្កោ​សែន​ជ័យ​កំពុង​ពង្រឹង និង​អភិវឌ្ឍ​ក្រុម​គួរ​ឲ្យ​ចាប់​អារម្មណ៍ ខណៈ​ក្រុម​នេះ​ដាក់​គោល​ដៅ​ឡើង​មក​លេង​លីគ​កំពូល​កម្ពុជា។ ការ​ប្រកួត​នេះ​ផ្សាយ​ផ្ទាល់​តាម​រយៈផេក Hun Sen Cup – ពានរង្វាន់សម្តេច ហ៊ុន សែន។

បន្ទាប់​ពី​រក​ឃើញ​៤​ក្រុម​ឡើង​ទៅ​វគ្គ​៨​ក្រុម​ចុង​ក្រោយ​មុន​គេ​នៅ​ថ្ងៃ​នេះ ក្រុម​៨​ផ្សេង​ទៀត​នឹង​ប្រកួត​ជើង​ទី​២​​នៅ​ថ្ងៃ​ទី​១៧ ខែ​សីហា ​ដើម្បី​រក​ក្រុម​៤​ឡើង​ទៅ​វគ្គ​​៨​ក្រុម​ដែរ។ ការ​ប្រកួត​វគ្គ​​៨​ក្រុម​ចុង​ក្រោយ​​​នឹង​​ធ្វើ​​នៅ​ថ្ងៃ​ទី​២៤ ខែ​សីហា ឆ្នាំ​២០២២​៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម