កីឡា

៤គូពានសម្តេចតេជោថ្ងៃនេះតឹងតែងខ្លាំងដើម្បីវគ្គ៨ក្រុម

បានផុស

២ years មុន

នៅ

ថ្ងៃពុធ ១៧ សីហា ២០២២

ដោយ

ពានរង្វាន់ សម្តេចអគ្គមហាសេនាបតីតេជោ ហ៊ុន សែន ថ្នាក់ជាតិ លើកទី១៦ ឆ្នាំ២០២២ នឹងរកឃើញ៤ក្រុមទៀតឡើងវគ្គ៨ក្រុមចុងក្រោយនាល្ងាចថ្ងៃពុធ ទី១៧ ខែសីហានេះ បន្ទាប់ពីបានរកឃើញ៤ក្រុមកាលពីសប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួត៤គូថ្ងៃនេះនឹងក្លាយជាសមរភូមិវាលស្មៅតឹងតែងបំផុត បន្ទាប់ពីជើងទី១ទទួលបានលទ្ធផលឈ្នះចាញ់ដោយមិនដាច់ឆ្ងាយគ្នានោះទេ។

វេលាម៉ោង ៣:៣០នាទីរសៀលថ្ងៃនេះ អង្គរថាយហ្គឺរ បើកទ្វារកីឡដ្ឋាន ហនុមាន ទទួលស្វាគមន៍ក្រុមភ្ញៀវកំពុងមានមហិច្ឆតា កោះកុង អេហ្វស៊ី សម្រាប់ការប្រកួតជើងទី២។ ការប្រកួតនេះផ្សាយផ្ទាល់តាមផេក Hun Sen Cup។ កាលពីជើងទី១ អង្គរថាយហ្គឺរ ទទួលបានជ័យជម្នះដោយលទ្ធផល ២-១។

នៅម៉ោងដំណាលគ្នានេះដែរ គិរីវង់សុខសែនជ័យ ទទួលស្វាគមន៍ក្រុម អគ្គិសនីកម្ពុជា នៅកីឡដ្ឋាន គិរីវង់ សម្រាប់ការប្រកួតជើងទី២។ ប្រកួតនេះផ្សាយផ្ទាល់តាមផេក Hun Sen Cup។ កាលពីជើងទី១ អគ្គិសនីកម្ពុជាបានយកឈ្នះដោយលទ្ធផល ៣-២ ដូច្នេះអគ្គិសនីកម្ពុជាបានក្លាយជាក្រុមតែមួយគត់មកពីលីគទី២បានយកឈ្នះក្រុមនៅលីគកំពូល។

បន្ទាប់មក វេលាម៉ោង៦:៣០នាទីល្ងាចថ្ងៃដដែលនេះ ភ្នំពេញក្រោន ត្រូវប្រកួតជាមួយក្រុមល្អសំបូរយុវជន ព្រៃវែង អេហ្វស៊ី នៅកីឡដ្ឋាន ស្មាត អេអសអិន ក្នុងរាជធានីភ្នំពេញ។ ប្រកួតនេះផ្សាយផ្ទាល់តាម BTV។ ។ កាលពីជើងទី១ ភ្នំពេញក្រោន បានយកឈ្នះដោយលទ្ធផល ១-០។

អ្វីដែលគួរឲ្យចាប់អារម្មណ៍មួយគូទៀតនោះគឺ ក្រុមនគរបាលជាតិ ធ្វើដំណើរទៅសួរសុខទុកម្ចាស់ផ្ទះ ក្រុមកងយោធពលខេមរភូមិន្ទ នៅកីឡដ្ឋានស្តាតចាស់ វេលាម៉ោង៦:៣០នាទីល្ងាចនេះ។ ប្រកួតនេះផ្សាយផ្ទាល់តាម BTV។ ។ ចាំថា កាលពីជើងទី១ កងយោធពលខេមរភូមិន្ទ បានយកឈ្នះដោយលទ្ធផល ២-១។

សូមបញ្ជាក់ថា រហូតដល់ពេលនេះពានរង្វាន់សម្តេចតេជោ ថ្នាក់ជាតិលើកទី១៦ នេះរកឃើញ៤ក្រុមហើយឡើងវគ្គ៨ក្រុមចុងក្រោយគឺ វិសាខា ណាហ្គាវើលដ៍ បឹងកេត និង ព្រះខ័នរាជស្វាយរៀង៕