កីឡា
៤គូពានសម្តេចតេជោថ្ងៃនេះតឹងតែងខ្លាំងដើម្បីវគ្គ៨ក្រុម
ពានរង្វាន់ សម្តេចអគ្គមហាសេនាបតីតេជោ ហ៊ុន សែន ថ្នាក់ជាតិ លើកទី១៦ ឆ្នាំ២០២២ នឹងរកឃើញ៤ក្រុមទៀតឡើងវគ្គ៨ក្រុមចុងក្រោយនាល្ងាចថ្ងៃពុធ ទី១៧ ខែសីហានេះ បន្ទាប់ពីបានរកឃើញ៤ក្រុមកាលពីសប្តាហ៍មុន។
សម្រាប់ការប្រកួត៤គូថ្ងៃនេះនឹងក្លាយជាសមរភូមិវាលស្មៅតឹងតែងបំផុត បន្ទាប់ពីជើងទី១ទទួលបានលទ្ធផលឈ្នះចាញ់ដោយមិនដាច់ឆ្ងាយគ្នានោះទេ។
វេលាម៉ោង ៣:៣០នាទីរសៀលថ្ងៃនេះ អង្គរថាយហ្គឺរ បើកទ្វារកីឡដ្ឋាន ហនុមាន ទទួលស្វាគមន៍ក្រុមភ្ញៀវកំពុងមានមហិច្ឆតា កោះកុង អេហ្វស៊ី សម្រាប់ការប្រកួតជើងទី២។ ការប្រកួតនេះផ្សាយផ្ទាល់តាមផេក Hun Sen Cup។ កាលពីជើងទី១ អង្គរថាយហ្គឺរ ទទួលបានជ័យជម្នះដោយលទ្ធផល ២-១។
នៅម៉ោងដំណាលគ្នានេះដែរ គិរីវង់សុខសែនជ័យ ទទួលស្វាគមន៍ក្រុម អគ្គិសនីកម្ពុជា នៅកីឡដ្ឋាន គិរីវង់ សម្រាប់ការប្រកួតជើងទី២។ ប្រកួតនេះផ្សាយផ្ទាល់តាមផេក Hun Sen Cup។ កាលពីជើងទី១ អគ្គិសនីកម្ពុជាបានយកឈ្នះដោយលទ្ធផល ៣-២ ដូច្នេះអគ្គិសនីកម្ពុជាបានក្លាយជាក្រុមតែមួយគត់មកពីលីគទី២បានយកឈ្នះក្រុមនៅលីគកំពូល។
បន្ទាប់មក វេលាម៉ោង៦:៣០នាទីល្ងាចថ្ងៃដដែលនេះ ភ្នំពេញក្រោន ត្រូវប្រកួតជាមួយក្រុមល្អសំបូរយុវជន ព្រៃវែង អេហ្វស៊ី នៅកីឡដ្ឋាន ស្មាត អេអសអិន ក្នុងរាជធានីភ្នំពេញ។ ប្រកួតនេះផ្សាយផ្ទាល់តាម BTV។ ។ កាលពីជើងទី១ ភ្នំពេញក្រោន បានយកឈ្នះដោយលទ្ធផល ១-០។
អ្វីដែលគួរឲ្យចាប់អារម្មណ៍មួយគូទៀតនោះគឺ ក្រុមនគរបាលជាតិ ធ្វើដំណើរទៅសួរសុខទុកម្ចាស់ផ្ទះ ក្រុមកងយោធពលខេមរភូមិន្ទ នៅកីឡដ្ឋានស្តាតចាស់ វេលាម៉ោង៦:៣០នាទីល្ងាចនេះ។ ប្រកួតនេះផ្សាយផ្ទាល់តាម BTV។ ។ ចាំថា កាលពីជើងទី១ កងយោធពលខេមរភូមិន្ទ បានយកឈ្នះដោយលទ្ធផល ២-១។
សូមបញ្ជាក់ថា រហូតដល់ពេលនេះពានរង្វាន់សម្តេចតេជោ ថ្នាក់ជាតិលើកទី១៦ នេះរកឃើញ៤ក្រុមហើយឡើងវគ្គ៨ក្រុមចុងក្រោយគឺ វិសាខា ណាហ្គាវើលដ៍ បឹងកេត និង ព្រះខ័នរាជស្វាយរៀង៕
អត្ថបទ៖ វីរបុត្រ
-
ព័ត៌មានជាតិ២ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម២ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ៥ ថ្ងៃ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ព័ត៌មានជាតិ៤ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានអន្ដរជាតិ៥ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ៣ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ជីវិតកម្សាន្ដ៥ ថ្ងៃ ago
Carman Lee ត្រូវគេរើសអើង ពេលនៅលីវ និងគ្មានកូនដូចគេក្នុងអាយុ ៥៨ ឆ្នាំ
-
ព័ត៌មានជាតិ៦ ថ្ងៃ ago
អាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ