កីឡា
អតីតវីរបុរស Man Utd ថា Ronaldo នៅតែមិនភ្ញាក់ខ្លួនថាគេមិនមែនអាយុ ២៥ ឆ្នាំទៀតទេ
Cristiano Ronaldo បានចាកចេញពីក្រុម Manchester United បន្ទាប់ពីជួបការលំបាកជាលើកទីពីរ ហើយបានផ្លាស់ទៅលីគអារ៉ាប៊ីសាអូឌីត ដើម្បីចុះហត្ថលេខាជាមួយក្លិប Al Nassr។
Eric Cantona ដែលបានចូលនិវត្តន៍មុនអាយុ ៣១ ឆ្នាំ ជឿជាក់ថា Ronaldo គឺជាកីឡាករបាល់ទាត់មួយប្រភេទផ្សេងពីលោក ដោយសារកីឡាករសញ្ជាតិព័រទុយហ្គាល់រូបនេះមិនព្រមទទួលយកថាគេបានបាត់បង់សមត្ថភាពទៅតាមអាយុ។
Cantona បាននិយាយនៅក្នុងបទសម្ភាសន៍មួយជាមួយ Manchester Evening News ថា «គាត់បានត្រលប់មកទីនេះ ហើយ Manchester United មិនមែនជា Manchester United ដែលគាត់បានចាកចេញទេ ហើយពេលខ្លះគាត់មិនដឹងថាអ្វីៗបានផ្លាស់ប្ដូរទេ ដូច្នេះប្រហែលជាគាត់ភ្ញាក់ផ្អើលនឹងការផ្លាស់ប្ដូរជាច្រើន»។
«ខ្ញុំគិតថាមានកីឡាករពីរប្រភេទនៅចុងបញ្ចប់ នៃអាជីពរបស់ពួកគេ។ ខ្ញុំសម្រេចចិត្តចូលនិវត្តន៍នៅក្មេង នោះជារឿងមួយទៀត។ ហើយអ្នកដែលចង់លេងក៏លេងរហូតដល់អាយុ ៤០ ឆ្នាំ»។
«មានកីឡាករពីរប្រភេទ។ ម្នាក់ចង់លេងគ្រប់ប្រកួត ព្រោះពួកគេនៅតែគិតថាពួកគេមានអាយុ ២៥ ឆ្នាំ ហើយនឹងអ្នកដែលដឹងថាពួកគេមិនមែនអាយុ ២៥ ឆ្នាំទៀតឡើយ ហើយពួកគេមកទីនេះដើម្បីជួយកីឡាករក្មេងៗ។ ពួកគេដឹងថា ពួកគេនឹងមិនលេងគ្រប់ការប្រកួតនោះទេ ពួកគេដឹងថា ពួកគេនឹងលេងហ្គេមមួយចំនួន ប៉ុន្តែការរួមចំណែករបស់ពួកគេគឺដើម្បីជួយដល់កីឡាករវ័យក្មេងដូចជា Zlatan Ibrahimovic នៅតែធ្វើជាមួយ AC Milan ឬ Ryan Giggs ឬ Paolo Maldini បានធ្វើ»។ សម្ដីរបស់ លោក Cantona។
អតីតម្ចាស់អាវលេខ ៧ របស់ Man Utd រូបនេះបន្តទៀតថា «ប៉ុន្តែខ្ញុំគិតថា Ronaldo មិនបានដឹងទេ ហើយគាត់នៅតែមិនដឹងថាគាត់មិនមានអាយុ ២៥ ឆ្នាំទេ។ គាត់ទើបតែចាស់ហើយ គាត់គួរតែដឹងថាជំនួសឲ្យការមិនសប្បាយចិត្តក្នុងការលេងបានតិច មកនិយាយថា “មិនអីទេ ខ្ញុំមិនមានអាយុ ២៥ ឆ្នាំទេ ខ្ញុំមិនអាចលេងគ្រប់ប្រកួតបានទេ ប៉ុន្តែខ្ញុំនឹងជួយកីឡាករក្មេងៗ ហើយទទួលយកស្ថានភាពនោះ ហើយនោះជាស្ថានភាពរបស់ខ្ញុំ»។
Cantona គឺជាវីរបុរសរបស់ Manchester United ពីឆ្នាំ ១៩៩២-១៩៩៧ ដោយបង្ហាញខ្លួនបាន ១៤៣ ប្រកួត ទាត់បញ្ចូលទីបាន ៦៤ គ្រាប់៕
ប្រភព ៖ Marca.com
អត្ថបទ ៖ មន្នីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង