Connect with us

កីឡា

គួរ​​ឲ្យ​​ចាប់​​អារម្មណ៍​ ញាន​ សុស៊ីដាន​ ក្នុង​​លីគ​​ខាប់​​​មុន​​ទៅ​​ហាត់​​នៅ​​ថៃ​​ជា​មួយ​U22

បានផុស

នៅ

ខ្សែ​បម្រើ​​ប្រយុទ្ធ​របស់​ក្លឹប​ក្រសួង​ការពារ​ជាតិ ញាន សុស៊ីដាន ​បង្ហាញ​ខ្លួន​គួរ​ឲ្យ​ចាប់​អារម្មណ៍​ក្នុង​ខេមបូឌានលីគ​ខាប់​រដូវ​កាល​២០២៣​នេះ​ដែល​ទើប​ប្រកួត​បាន​៣​សប្តាហ៍ មុន​ពេល​រូប​គេ​ត្រូវ​បាន​កោះ​ហៅ​ចូល​ជម្រើស​ជាតិ​កម្ពុជា​​អាយុ​ក្រោម​២២​ឆ្នាំ​ដើម្បី​ទៅ​ហ្វឹក​ហាត់​នៅ​ប្រទេស​ថៃ​ត្រៀម​ស៊ីហ្គេម លើក​ទី​៣២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ​ពេល​ក្រសួង​ការពារ​ជាតិ​បាន​យក​ឈ្នះ​កោះ​កុង ដោយលទ្ធផល ១-២ ក្នុង​សប្តាហ៍​ទី​១​នៃ​ពាន​រង្វាន់​ខេមបូឌានលីគ​ខាប់ ញាន សុស៊ីដាន ស៊ុត​ចូល​បាន​១​គ្រាប់ ហើយ​សម្រាប់​ការ​ប្រកួត​សប្តាហ៍​ទី​២ រូប​គេ​ស៊ុត​បាន​២​គ្រាប់​នៅ​ពេល​ក្លឹប​ទ័ព​​​បាន​យក​ឈ្នះ​អគ្គិសនីកម្ពុជា ដោយ​លទ្ធផល ៤-០ នៅ​ក្នុង​ផ្ទះ​របស់​ខ្លួន។

សម្រាប់​ការ​ប្រកួត​សប្តាហ៍​ទី​៣ ក្រសួង​ការពារ​ជាតិ​បាន​យក​ឈ្នះ​​ព្រៃ​វែង ដោយ​លទ្ធផល ២-១ ប៉ុន្តែ​រូប​គេ​មិន​បាន​ស៊ុត​ចូល​ទេ។ ទោះ​ជា​យ៉ាង​ណា រូប​គេ​ជា​តួ​អង្គ​ដ៏​សំខាន់​ដែល​រួម​ចំណែក​ឲ្យ​ក្រុម​ទ័ព​ទទួល​បាន​៣​ពិន្ទុ​បន្ថែម។ ឆ្លង​កាត់​៣​សប្តាហ៍​ ក្រសួង​ការពារ​ជាតិឈ្នះ​ទាំង​៣​ប្រកួត មាន​៩​ពិន្ទុ​ពេញ ដោយ​ឈរ​លើ​កំពូល​តារាង​ពូល A។

ពេល​នេះ ញាន សុស៊ីដាន ​បាន​កំពុង​ស្ថិត​នៅ​ជា​មួយ​ក្រុម​ជម្រើស​ជាតិ​កម្ពុជា​អាយុ​ក្រោម​២២​ឆ្នាំ​ឯ​កោះសាម៉ុយ ប្រទេស​ថៃ​ ដើម្បី​ហ្វឹក​ហាត់​ទាំង​ផ្លូវ​កាយ ចិត្ត និង​ស្មារតី ត្រៀម​ខ្លួន​ឲ្យ​បាន​ល្អ​សម្រាប់​ម្ចាស់​ផ្ទះ​ស៊ីហ្គេម ឆ្នាំ​២០២៣​។

កាល​ស៊ីហ្គេម លើក​ទី​៣១ ឆ្នាំ​២០២១ (លើក​២០២២) នៅ​ប្រទេស​វៀតណាម ញាន សុស៊ីដាន ក៏​បាន​ជាប់​ឈ្មោះ​ក្នុង​បញ្ជី​ជម្រើស​ជាតិ U23 ឆ្នាំ​ដែរ៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម