កីឡា

មកដឹងរូបមន្តប្រកួតពានរង្វាន់សម្ដេចតេជោ ហ៊ុន សែន ២០២៣ វគ្គថ្នាក់ខេត្ត ដែលនឹងចាប់ផ្ដើមចុងខែមីនានេះ

បានផុស

៣ ខែ មុន

នៅ

ថ្ងៃព្រហស្បតិ៍ ៩ មីនា ២០២៣

ដោយ

ពានរង្វាន់សម្ដេចអគ្គមហាសេនាបតីតេជោ ហ៊ុន សែន ឆ្នាំ ២០២៣ វគ្គថ្នាក់ខេត្ត នឹងចាប់ផ្ដើមការប្រកួតនៅចុងខែមីនា ឆ្នាំ ២០២៣ នេះ សម្រាប់ការប្រកួតលើកទី ១៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមគណៈកម្មការរៀបចំការប្រកួត បានប្រកាសថា ការប្រកួតនឹងចាប់ផ្ដើមពីថ្ងៃទី ២៨ ខែមីនា ឆ្នាំ ២០២៣ ហើយគ្រោងនឹងបញ្ចប់នៅថ្ងៃទី ០៧ ខែតុលា ឆ្នាំ ២០២៣ បានសេចក្ដីថា ប្រើរយៈពេល ៧ ខែ សម្រាប់ការប្រកួតដែលមាន ៩៤ ប្រកួត។

បញ្ជាក់ថា ឆ្នាំ ២០២៣ នេះ មានក្រុមចំនួន ២០ ចូលរួមប្រកួត ត្រូវបានបែងចែកចេញជា ៤ ពូល ក្នុង ១ ពូល មាន ៥ ក្រុម មានដូចជា៖

-ពូល ក ៖ ភ្នំពេញហ្គាឡាក់ស៊ី, ខេត្តកែប, កំពតអែហ្វស៊ី, ខេត្តព្រះសីហនុ, មន្ទីរអយក ខេត្តកំពង់ស្ពឺ។

-ពូល ខ ៖ ខេត្តកណ្ដាល, មន្ទីរអយក ខេត្តកំពង់ចាម, មន្ទីរអយក ខេត្តកំពង់ឆ្នាំង, មន្ទីរអយក ខេត្តត្បូងឃ្មុំ, ខេត្តស្វាយរៀង។

-ពូល គ ៖ ក្លិបបាល់ទាត់ឈើតុំ ខេត្តពោធិ៍សាត់, យុវជនខេត្តបាត់ដំបង, សូហ្វីយ៉ាប៉ៃលិន, ខេត្តឧត្តរមានជ័យ, ខេត្តបន្ទាយមានជ័យ។

-ពូល ឃ ៖ ក្លិបបាល់ទាត់សន្តិភាព ខេត្តកំពង់ធំ, ព្រះវិហារ អែហ្វស៊ី, មន្ទីរអយក ខេត្តសៀមរាប, អធិរាជដំរីឦសាន ខេត្តរតនគីរី, សមាគមកីឡាខេត្តមណ្ឌលគីរី។

ចំពោះរូបមន្តប្រកួតគឺធ្វើឡើងជាលក្ខណៈវិលជុំសន្សំពិន្ទុចំនួន ២ ជើង ក្នុងដី និងក្រៅដី។ ក្រុមមានពិន្ទុលើគេចំនួន ២ ក្រុម ប្រចាំពូលទាំង ៤ នឹងបានឡើងទៅវគ្គ ៨ ក្រុមចុងក្រោយ ដែលធ្វើការប្រកួត ២ ជើងដូចគ្នា។

សូមរំលឹកថា ក្លិបបាល់ទាត់ភ្នំពេញហ្គាឡាក់ស៊ី គឺជាក្រុមការពារតំណែងជើងឯក បន្ទាប់ពីបានយកឈ្នះខេត្តឧត្តរមានជ័យ ១-០៕

អត្ថបទ ៖ មន្នីរ័ត្ន

កាលវិភាគប្រកួតទាំងស្រុងមានដូចខាងក្រោម ៖