កីឡា
មកស្គាល់ម្ចាស់ស្បែកជើងមាសទាំង១៦លើកក្នុងពានសម្តេចតេជោ
ពានរង្វាន់សម្តេចអគ្គមហាសេនាបតីតេជោ ហ៊ុន សែន ដែលជាព្រឹត្តិការណ៍ប្រកួតបាល់ទាត់ធំបំផុតលំដាប់ទី២នៅកម្ពុជាមានរយៈ១៧រដូវកាលហើយគិតទាំងរដូវកាល២០២៣-២៤ គិតចាប់តាំងពីបានបង្កើតឡើងជាផ្លូវការនៅឆ្នាំ២០០៧។
![](https://www.kampucheathmey.com/wp-content/uploads/2024/04/visakha-fc-1-1024x683.jpg)
សម្រាប់រយៈពេល១៦លើកកន្លងទៅមានក្លិបបាល់ទាត់៨ផ្សេងគ្នាដែលបានឈ្នះជើងឯកគឺ ព្រះខ័នរាជស្វាយរៀង៤ដង ក្រសួងការពារជាតិ៣ដង វិសាខា៣ដង ភ្នំពេញក្រោន២ដង ខណៈ ណាហ្គាវើលដ៍ អគ្គស្នងការដ្ឋាននគរបាលជាតិ បឹងកេត និងខេមាកីឡាបានឈ្នះ១ដងម្នាក់ដូចគ្នា។
![](https://www.kampucheathmey.com/wp-content/uploads/2024/04/khoun-laboravy1.jpg)
ក្នុងរយៈពេល១៦លើកកន្លងទៅនេះ មានកីឡាករ១៣នាក់ដែលបានឈ្នះស្បែកជើងមាសក្នុងនាមជាកីឡាកររកបានគ្រាប់បាល់ច្រើនជាងគេប្រចាំព្រឹត្តិការណ៍នីមួយៗ។ នៅរដូវកាលដំបូងក្នុងឆ្នាំ២០០៧ លោក ហុក សុជីវន្ត ជាអ្នករកបានគ្រាប់បាល់ច្រើនជាងគេ ប៉ុន្តែនៅពេលនោះមិនដឹងច្បាស់ពីចំនួនគ្រាប់បាល់ទេនៅពេលលោកលេងឲ្យភ្នំពេញក្រោន។
![](https://www.kampucheathmey.com/wp-content/uploads/2024/04/kouch-sokumpheak-1024x683.jpg)
ឃួន ឡាប៊ូរ៉ាវី កំពុងកាន់កំណត់ត្រាជាកីឡាករឈ្នះស្បែកជើងមាសច្រើនជាងគេបំផុត (៣លើក) ក្នុងពានរង្វាន់សម្តេចតេជោគឺឆ្នាំ២០១១ ២០១២ នៅព្រះខ័នរាជស្វាយរៀង និង២០១៤ នៅបឹងកេត។ គួច សុកុម្ភៈ ធ្លាប់ឈ្នះបាន២លើក ហើយកីឡាករផ្សេងទៀតស៊ុតតែឈ្នះ១ដងម្នាក់ដូចគ្នា។
![](https://www.kampucheathmey.com/wp-content/uploads/2024/04/Boeung-Ket-4-2-Visakha-Week-4-Cambodian-Premier-League-2023-24-KPT-Sport-News-25-1024x683.jpg)
សួង វីរៈ ជាកីឡាករដែលកាន់កំណត់ត្រាគ្រាប់បាល់ច្រើនជាងគេបំផុតនៅពេលលោករកបាន២៥គ្រាប់ឲ្យអង្គរថាយហ្គឺរក្នុងឆ្នាំ២០១៦។ យ៉ាងណា គិតចាប់តាំងពីពានរង្វាន់សម្តេចតេជោត្រូវបានចែកជាពីរដំណាក់កាលគឺថ្នាក់ខេត្ត និងថ្នាក់ជាតិមក ម្ចាស់ស្បែងជើងមាសក៏ត្រូវបានកំណត់ជាពីរដំណាក់កាលដែរ ដូច្នេះគ្រាប់បាល់ក៏រកមិនសូវបានច្រើនដូចមុនដែរ។
![](https://www.kampucheathmey.com/wp-content/uploads/2024/04/sieng-chanthea-kpt-football-sport-news1-1024x683.jpg)
សម្រាប់រដូវកាល២០២៣-២៤ នឹងរកឃើញម្ចាស់ជើងឯកនៅថ្ងៃទី២៨ ខែមេសា ឆ្នាំ២០២៤ រវាងព្រះខ័នរាជស្វាយរៀង និងភ្នំពេញក្រោន ខណៈម្ចាស់ស្បែកជើងមាសក៏មិនទាន់ដឹងឡើយ។
![](https://www.kampucheathmey.com/wp-content/uploads/2024/04/Prak-Munyodum-Cambodian-player-1024x683.jpg)
ម្ចាស់ស្បែកជើងមាសទាំង១៦រដូវកាល
- ២០០៧៖ ហុក សុជីវ័ន្ត លេងឲ្យ ភ្នំពេញក្រោន
- ២០០៨៖ សុខ ចន្ទរស្មី រកបាន១២គ្រាប់ ឲ្យក្លិប Spart FC
- ២០០៩៖ គួច សុកុម្ភៈ រកបាន២១គ្រាប់ ឲ្យខេមរាកីឡា
- ២០១០៖ គួច សុកុម្ភៈ (ខមរាកីឡា) និង ស្រី វាសនា (ភ្នំពេញក្រោន) រកបាន២០ គ្រាប់ដូចគ្នា
- ២០១១៖ ឃួន ឡាប៊ូរ៉ាវី រកបាន២២គ្រាប់ ឲ្យព្រះខ័នរាជស្វាយរៀង
- ២០១២៖ ឃួន ឡាប៊ូរ៉ាវី រកបាន២២គ្រាប់ ឲ្យព្រះខ័នរាជស្វាយរៀង
- ២០១៣៖ ចាន់ វឌ្ឍនាកា រកបាន១១គ្រាប់ ឲ្យបឹងកេត
- ២០១៤៖ ឃួន ឡាប៊ូរ៉ាវី រកបាន១២គ្រាប់ ឲ្យបឹងកេត
- ២០១៥៖ ប្រាក់ មុន្នីឧត្តម រកបាន២៤គ្រាប់ ឲ្យព្រះខ័នរាជស្វាយរៀង
- ២០១៦៖ សួង វីរៈ រកបាន២៥គ្រាប់ ឲ្យអង្គរថាយហ្គឺរ
- ២០១៧៖ ឃួន ឡាប៊ូរ៉ា រកបាន១៦គ្រាប់ ឲ្យបឹងកេត
- ២០១៨៖ នួន បូរី រកបាន៩គ្រាប់ ឲ្យអគ្គស្នងការដ្ឋាននគរបាលជាតិ
- ២០១៩៖ វ៉ា សុថន រកបាន១១គ្រាប់ ឲ្យភ្នំពេញក្រោន
- ២០២០៖ វុធ តុលា រកបាន៦គ្រាប់ ឲ្យព្រៃវែង
- ២០២១៖ កែវ សុខផេង រកបាន៧គ្រាប់ ឲ្យវិសាខា
- ២០២២៖ សៀង ចន្ធា រកបាន៦គ្រាប់ ឲ្យបឹងកេត
អត្ថបទ៖ វីរបុត្រ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៦ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ៣ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៥ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម៧ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៥ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា