កីឡា

អបអរសារទរ! ក្រុមកីឡាហាប់គីដូកម្ពុជា ឈ្នះមេដាយ ២៣គ្រឿងក្នុងការប្រកួតនៅឥណ្ឌូណេស៊ី

បានផុស

១ year មុន

នៅ

ថ្ងៃចន្ទ ១៦ មិថុនា ២០២៥

ដោយ

មោទកភាពជាខ្លាំងក្រុមកីឡាហាប់គីដូកម្ពុជា ឈ្នះមេដាយរហូត ២៣គ្រឿងក្នុងការប្រកួតជ្រើសរើសជើងឯកអាស៊ីអាគ្នេយ៍ លើកទី២ ដែលធ្វើឡើងរយៈពេល ២ថ្ងៃចាប់ពីថ្ងៃទី១៤-១៥ ខែមិថុនា ឆ្នាំ២០២៥ នៅឯប្រទេសឥណ្ឌូណេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គង់ ចាន់ធីណា

នេះបើតាមការឲ្យដឹងពីលោក គង់ ចាន់ធីណា អគ្គលេខាធិការសហព័ន្ធមកថា ការប្រកួតបានបញ្ចប់ជាផ្លូវការហើយកាលពីថ្ងៃទី១៥ ខែមិថុនា ឆ្នាំ២០២៥ ម្សិលមិញនេះ។ រយៈពេល ២ថ្ងៃនេះកម្ពុជាឈ្នះមេដាយសរុប ២៣គ្រឿង មាស៤ ប្រាក់៧ សំរឹទ្ធ១២ គ្រឿង។

ទិដ្ឋភាពនៅឥណ្ឌូណេស៊ី

អគ្គលេខាធិការ និងជាគ្រូបង្វឹកជើងចាស់រូបនេះបន្ថែមទៀតថា ជ័យជម្នះមួយនេះជូនដល់ប្រជាជនកម្ពុជាទាំងអស់។ ក្នុងនាមលោកជាគ្រូបង្វឹកសូមថ្លែងអំណរគុណប្រធានសហព័ន្ធលោក សៅ សេងហាក់ អនុប្រធាន គួច ហុងចៀក សមាជិកគណៈកម្មាធិការប្រតិបត្តិ និងក្រសួងអប់រំ គណៈកម្មាធិការជាតិអូឡាំពិកកម្ពុជា (NOCC) ដែលបានផ្ដល់ឱកាស និងជំរុញអភិវឌ្ឍន៍វិស័យកីឡាហាប់គីដូនេះ។

ទិដ្ឋភាពនៅឥណ្ឌូណេស៊ី

បញ្ជាក់ដែរថា ក្រុមជម្រើសជាតិខ្មែរកីឡាហាប់គីដូ បានបញ្ចប់ការប្រកួតជាផ្លូវការហើយក្នុងព្រឹត្តិការណ៍ជ្រើសរើសជើងឯកអាស៊ីអាគ្នេយ៍ លើកទី២ រយៈពេលពីរថ្ងៃនៅឯប្រទេសឥណ្ឌូណេស៊ីនេះ។ កម្ពុជាឈ្នះមេដាយសរុប ២៣គ្រឿង មាស៤ ប្រាក់៧ សំរឺទ្ធ១២។ ក្រុមជម្រើសជាតិកម្ពុជានឹងវិលត្រឡប់មកមាតុភូមិវិញនៅថ្ងៃទី១៨ ខែមិថុនា ឆ្នាំ២០២៥៕