ជំនាញទំនាក់ទំនង Archives - Kampuchea Thmey Daily

ជំនាញ ៥ យ៉ាង ដែលយុវវ័យគួររៀន ដើម្បីឈានទៅរកភាពជោគជ័យ

សាង ស្រីល័ក្ខ — Tue, 16 Aug 2022 03:18:33 +0000

សម្រាប់យុវវ័យដែលទើបតែមានអាយុ២០ឆ្នាំ ការយល់ដឹងអំពីជំនាញពិតជាចាំបាច់បំផុត។ ដំណើរទៅកាន់ពិភពនៃការងារ នឹងកាន់តែខិតជិតមកដល់ ប្រសិនបើយើងមិនបានត្រៀមខ្លួនឲ្យបានឆាប់តាមដែលអាចធ្វើទៅបាន នោះយើងនឹងបាត់បង់ការប្រកួតប្រជែងជាមួយមិត្តភក្តិផ្សេងទៀត។ នេះគឺជាជំនាញមួយចំនួន ដែលអ្នកត្រូវការដើម្បីធ្វើជាម្ចាស់លើវា។

១ សរសេរ

ការសរសេរ មិនមែនសរសេរសៀវភៅ ឬប្រលោមលោកទេ ប៉ុន្តែសមត្ថភាពក្នុងការទំនាក់ទំនងក្នុងការសរសេរ។ មុនពេលអ្នកចូលទៅក្នុងពិភពនៃការងារ រឿងដំបូងដែលអ្នកនឹងត្រូវបានស្នើឲ្យធ្វើគឺធ្វើ Cover Letter ប្រមូលឯកសារ CV និងធ្វើតេស្តសរសេរ។ អ្នកអាចអនុវត្តការសរសេរដោយអនុវត្តការសរសេរអត្ថបទ។ ត្រូវរៀនអ្វីមួយដោយចៃដន្យ ប៉ុន្តែអ្នកអាចឃើញផលប៉ះពាល់នៅថ្ងៃក្រោយវិញ។ សូមចងចាំផងដែរថា ការងារគ្រប់ប្រភេទទាមទារនូវសមត្ថភាពប្រភេទនេះណាស់។

២ ការនិយាយជាសាធារណៈ

ការរៀននិយាយជាសាធារណៈ មានន័យថា រៀនឲ្យមានភាពក្លាហានក្នុងការនិយាយនៅទីសាធារណៈ។ សមត្ថភាពក្នុងការនិយាយជាសាធារណៈ គឺជារឿងមូលដ្ឋានដែលមនុស្សគ្រប់រូបត្រូវតែមាន។ ប៉ុន្តែមិនមែនជាញឹកញាប់ទេ ដែលមនុស្សជាច្រើនមើលស្រាលចំណុចនេះ ហើយជ្រើសរើសដើម្បីចៀសវាងវា។ ការនិយាយជាសាធារណៈ មិនមែនគ្រាន់តែជាការបង្ហាញនោះទេ ប៉ុន្តែត្រូវតែអាចកែសម្រួលកម្រិតសំឡេង ការបញ្ចេញសំឡេង និងកាយវិការ ដើម្បីឲ្យទស្សនិកជនអាចទទួលវាបានល្អ។ ប៉ុន្តែប្រសិនបើអ្នកអាចស្ទាត់ជំនាញនេះបាន នោះវានឹងងាយស្រួលសម្រាប់អ្នកក្នុងការទទួលបានការងារ។

៣ ការទំនាក់ទំនង

ក្នុងនាមជាមនុស្សក្នុងសង្គម យើងត្រូវបានតម្រូវឲ្យមានលទ្ធភាពប្រាស្រ័យទាក់ទងជាមួយមនុស្សដទៃជារៀងរាល់ថ្ងៃ។ តើអ្នកធ្លាប់គិតថា តើជំនាញទំនាក់ទំនងរបស់អ្នកល្អឬអត់? នេះជាអ្វីដែលអ្នកត្រូវវាយតម្លៃ។ នៅក្នុងជីវិត មិនត្រឹមតែនៅក្នុងពិភពនៃការងារនោះទេ អ្នកប្រាកដជានឹងទំនាក់ទំនងជាមួយមនុស្សផ្សេងទៀត។ ការប្រាស្រ័យទាក់ទងមិនល្អ នឹងធ្វើឲ្យការងារមិនល្អបំផុត។ វិធីមួយដែលអ្នកអាចអនុវត្តជំនាញនេះ គឺតាមរយៈការចូលរួមក្នុងសកម្មភាពផ្សេងៗ។ វិធីនោះ អ្នកនឹងជួបមនុស្សជាច្រើន ដែលមានទម្រង់ទំនាក់ទំនងខុសៗគ្នា។

៤ រចនាក្រាហ្វិច កាត់តរូបភាព និងវីដេអូ

នៅក្នុងយុគសម័យឌីជីថលនេះ មានកម្មវិធីជំនួយជាច្រើនសម្រាប់បង្កើតប្លង់ កែសម្រួលរូបថត/វីដេអូ និងអ្វីៗផ្សេងទៀត។ សមត្ថភាពនេះ ក៏ចាំបាច់ខ្លាំងដែរ ជាពិសេសផ្នែកទីផ្សារ ដើម្បីឲ្យវាមើលទៅកាន់តែទាក់ទាញ។ ជំនាញនេះ មិនមែនជាកម្មសិទ្ធិរបស់មនុស្សច្រើនទេ។ ប្រសិនបើអ្នកអាចធ្វើជាម្ចាស់វាឲ្យបានល្អ នោះនឹងធ្វើឲ្យអ្នកមានភាពងាយស្រួលក្នុងការរៀបចំឯកសារធ្វើបទបង្ហាញ ឬបង្កើត CV ។

៥ សហការ

ទោះបីជាវាស្តាប់ទៅដូចជារឿងតូចតាចក៏ដោយ តាមពិតមនុស្សជាច្រើនមិនបានធ្វើវាទេ។ នៅក្នុងពិភពនៃការងារមានមនុស្សច្រើនណាស់ដែលមានតួអង្គផ្សេងៗគ្នា។ អ្នកខ្លះងាយស្រួលគ្រប់គ្រង ខ្លះរឹងរូស ឬខ្លះគ្រាន់តែមានអារម្មណ៍ធម្មតា។ ដើម្បីយកឈ្នះលើចំណុចនេះ អ្នកអាចអនុវត្តដោយស៊ាំនឹងការធ្វើការជាមួយមនុស្សជាច្រើនក្នុងក្រុមមួយ។ ប្រសិនបើអ្នកជាសិស្ស សូមទាញយកអត្ថប្រយោជន៍ពីសកម្មភាពនៅក្នុងបរិវេណសាលា ដូចជាការចូលរួមក្នុងអង្គការជាដើម។ សមត្ថភាពក្នុងការស្ដាប់ ពិភាក្សា ធ្វើតាមការណែនាំ ធ្វើជាអ្នកដឹកនាំ និងត្រូវបានដឹកនាំ នឹងត្រូវបានគោរពនៅក្នុងសកម្មភាពទាំងនេះ។

អ្វីក៏ដោយ មិនដែលយឺតពេលទេក្នុងការចាប់ផ្ដើមដំបូង។ យឺតឬលឿនមិនអាស្រ័យលើអ្នកណាកំណត់ តែអ្នកអាចនឹងចាញ់គេឬនៅក្រោយគេ ប្រសិនបើអ្នកមិនចាប់ផ្ដើមសោះក្នុងថ្ងៃនេះ៕

អត្ថបទ៖ សាង ស្រីល័ក្ខ

ចុចអាន៖ក្នុងពិភពការងារ គួរចៀសវាង ៥ ចំណុចនេះឲ្យមែនទែន

ចុចអាន៖៤ កត្តាធំៗ ជាឧបសគ្គរារាំង ពេលដាក់ពាក្យស្វែងរកការងារ

The post ជំនាញ ៥ យ៉ាង ដែលយុវវ័យគួររៀន ដើម្បីឈានទៅរកភាពជោគជ័យ appeared first on Kampuchea Thmey Daily.

ជំនាញទំនាក់ទំនង៖ និយាយយ៉ាងណាបញ្ចេញសារ ខ្លីតែខ្លឹម បង្កើតការចងចាំ

សាង ស្រីល័ក្ខ — Wed, 12 May 2021 01:47:45 +0000

ជំនាញទំនាក់ទំនងកំពុងពេញនិយមខ្លាំង ព្រោះជាកត្តាកំណត់ជោគជ័យសឹងថាលើគ្រប់បរិបថនៃការងារនិងជីវិត។ មនុស្សខ្សោយទំនាក់ទំនងនឹងបរាជ័យ។

សូមតាមស្អិតជាមួយកម្ពុជាថ្មីហើយវាយពាក្យគន្លឹះ ជំនាញទំនាកទំនង ដើម្បីកសាងជំនាញផ្នែកនេះបន្ថែមមួយទៀត។

តើជំនាញទំនក់ទំនងដែលចាំបាច់ជាងគឺការនិយាយនិយាយចំៗបេះដូង ស៊ីជម្រៅខ្លាំងជាទីពេញចិត្តរបស់អ្នកស្តាប់ត្រូវការអ្វីខ្លះ?

១ ព័ត៌មានច្បាស់់

តើយើងទៅនិយាយអ្វី ឲ្យអ្នកណាស្តាប់បើយើងមិនមានព័ត៌មានគ្រប់គ្រាន់ក្នុងការនិយាយអ្វីដែលយើងកំពុងចង់និយាយនោះផង។ មនុស្សជាច្រើនឲ្យតែបានឡើងនិយាយសូម្បីតែរឿងដែលខ្លួនមិនបានដឹងច្បាស់ឬគ្មានអំណះអំណាងឬជំនាញខ្លួនមិនទាក់ទងសោះនឹងប្រធានបទ យើងនឹងនិយាយអំពីខ្លឹមសារណាមួយឲ្យស៊ីជម្រៅបានទៅ? ត្រូវចេះវិនិយោគជាមួយប្រធានបទណាមួយនាំឱ្យអារម្មណ៍រំជួលចិត្តធ្វើអោយអ្នកទស្សនាចូលស្លុងហើយពិបាកងោគងុយឬដកអារម្មណ៍ចេញ ។

២ ភាសាកាយវិការ

កាយវិកានិងទឹកមុខយកចិត្តទុកដាក់ ពន្លឺភ្នែកសាមញ្ញដាក់ខ្លួន នឹងទទួលបានការកោតសរសើរដែលនាំឲ្យគេព្រមនៅស្តាប់យើងដល់ចប់។ ប្រសិនយើងអាចពត់ឲ្យខ្លួនឯងមានឥរិយាបថសុភាព តែរឹងមាំ និយាយសម្តីពិត តែមិនវាយប្រហារនេះ ញញឹមតែមិនចំអក ទាំងនេះងាយនឹងក្លាយជាអ្នកមានភាពប្រាស្រ័យទាក់ទងខ្ពស់ជាមួយទស្សនិកជន ពេញនិយមពីមនុស្សទូទៅ។ លោកប៊ីលគ្លីនតុនគឺជាបុរសដែលពិភពលោកទទួលស្គាល់ថាគាត់ពូកែទាក់ទងភ្នែក ជាមួយ្ទស្សនិកជនពេលធ្វើសុន្ទរកថាដែលការទាក់ទងភ្នែកធ្វើឲ្យមនុស្សម្នាក់ៗ សប្បាយរំភើប និងមានអារម្មណ៍ផ្ទាល់ខ្លួនហើយងាយត្រូវបានបញ្ចុះបញ្ចូល។

៣ ផ្អែកលើបទពិសោធន៍

កុំសូត្រទ្រឹស្តី។ ការនិយាយពន្យល់ បង្ហាញ ឬអធិប្បាយត្រូវតែនិយាយចេញពីបទពិសោធន៍ផ្ទាល់ បញ្ចេញសារដែលចង់ប្រាប់នោះទៅច្បាស់ និយាយមួយៗ ហើយពន្យល់ម្តងមួយចំណុចៗ។ បើកាលកម្មវិធីឬព្រឹត្តិការណ៍មុនយើងនិយាយពាក្យនោះហើយមិនគួរនិយាយទៀតទេ ព្រោះគេនឹងលែងមកស្តាប់នៅលើកក្រោយ។ ប្រាប់រឿងពិតណាមួយរបស់យើងដែលគួរឲ្យទាក់ទាញអារម្មណ៍មិនមែនសរសើរខ្លួនឯងទេ។ អំណាចនៃការនិទានរឿងជីវិតពិត តែងបង្កើតរូបភាពដែលទស្សនិកជននឹងបង្កើតទុកនៅក្នុងខួរក្បាលជាជាងគ្រាន់តែផ្ទុកព័ត៌មានហត់ៗរឿងរ៉ាវខ្លី ៗដែលមិនធ្លាប់និយាយ និងមិនចម្លងពីinternetនិងដែលពាក់ព័ន្ធប្រធានបទគឺជាឧបករណ៍ដ៏មានឥទ្ធិពល។

៤ សំឡេងនិងការសម្តែង

ប្រើសំឡេងលះ តែមិនស្រែក មិនត្បៀត មិនរអ៊ូទន្ទេញដដែលៗ។ ត្រូវដឹងថាការនិយាយសាធាឬណៈ ជាការចែកចាយការសម្តែងឬកពាជាជាងការនិយាយ។ សុន្ទរកថាមួយដែលប្រើជាចម្បងលើពាក្យត្រូវចេះបន្ថែមការសម្តែងដៃជើងធ្វើឲ្យគេស្លុង។ កាយវិការភាពទឹកមុខពេលតានតឹងនិងដំណោះស្រាយ ឬពេលមានការសង្ស័យអាចនឹងជួយរក្សាការចាប់អារម្មណ៍របស់ទស្សនិកជន ផងដែរ។

លាយបញ្ចូលវាដោយចេតនានូវកម្រិតសំឡេង ល្បឿនឡើងចុះ ទៅតាមស្ថានការណ៍នៃប្រធានបទ។ សម្លេងដែលលះៗ មិនស្រែក មិនបណ្តាល ឲ្យ អ្នកស្តាប់ងងុយបានហើយងាកមកយកចិត្តទុកដាក់។

ប្រែសម្រួល៖សុភា

ប្រភ៖ពAE

ចុចអាន៖លក្ខណៈពិសេស ៤ យ៉ាងសម្រាប់អ្នកគ្រងតំណែងថ្មីដែលត្រូវមានជាចាំបាច់

ចុចអាន៖ប្រកាន់ចំណុចទាំង៥នេះបាន ធានាថាជីវិតការងារតែងតែជោគជ័យ

The post ជំនាញទំនាក់ទំនង៖ និយាយយ៉ាងណាបញ្ចេញសារ ខ្លីតែខ្លឹម បង្កើតការចងចាំ appeared first on Kampuchea Thmey Daily.

ជំនាញទំនាក់ទំនង៖ និយាយយ៉ាងណាកុំឲ្យចាកប្រធាន

សាង ស្រីល័ក្ខ — Mon, 15 Feb 2021 04:36:05 +0000

និយាយត្រង់ទៅរកពាក្យគន្លឹះ ឬកុំឲ្យចាកប្រធានគឺ ត្រូវនិយាយភ្លាមៗថា តើចង់មានន័យបែបណា ដោយមិនចាំបាច់ប្រើវិធីបង្វែរ ពង្វៀង ផ្សេងៗទៀត។

ហេតុអ្វីមនុស្សច្រើននិយាយចាកប្រធាន?

នៅពេលកំពុងព្យាយាមគួរសមឬបង្កើតបរិយាកាស ជារឿងធម្មតាទេដែលយើងច្រើនចង់ប្រើភាសាសិល្បៈបន្ថែមសិន ដូចជានិយាយអំពីអាកាសធាតុ អំពីព័ត៌មានក្តៅលើទំព័រមុខ រឿងលើហ្វេសប៊ុក។ល។ ទោះយ៉ាងណាការនិយាយអំពីរឿងក្រៅរង្វង់(ចាកប្រធាន)មិនគួរយូរជាង១នាទីឡើយពុំនោះ យើងជាមនុស្សចាកប្រធាន។

ដោយសារគ្រប់ការសន្ទនានិងការនិយាយលើឆាកត្រូវការកំណត់ពេលវេលាត្រឹមត្រង់ មនុស្សជោគជ័យច្រើនជ្រើសរើសការចាប់ផ្តើមដែលត្រង់ទៅចំបញ្ហាសំខាន់ដែលពួកគេចង់ពិភាក្សាភ្លាមៗតែម្តង។

សូមរៀនប្រើបច្ចេកទេសទាំងបីខាងក្រោមនេះ បង្កើតអន្ទាក់ទំនាក់ទំនងដែលធ្វើឲ្យអ្នកស្តាប់ភ្លេចរឿងទាំងពួង មកជាប់និងអ្វីដែលយើងកំពុងប្រាប់៖

១. បញ្ឈប់ការចាកប្រធាន

នៅពេលដឹងខ្លួនថា យើងចាប់ផ្តើមបីឃ្លាអំពីការនិយាយក្រៅផ្លូវការហើយនោះ ក៏កុំបណ្តោយឲ្យវាច្រើនទៀតទាន់។ អាចផ្អាកភ្លាមតែម្តងហើយងាកមករឿងគោលរបស់យើងវិញ ដោយនិយាយថា តោះ ចូលរឿងសំខាន់មួយ! ។

មុនពេលអ្នកនិយាយបន្ត ចូរដកដង្ហើមវែងរាប់ដល់ប្រាំហើយប្រមូលគំនិតមកផ្តុំលើពាក្យគន្លឹះ ។ អ្នកជំនាញនិយាយថា ការផ្អាកពី ៣ ទៅ ៥ វិនាទី នោះគឺគ្រប់គ្រាន់ដើម្បីជួយអ្នកនិយាយកែលម្អឡើងវិញនូវកំហុសដែលជ្រុលមុននេះ មកផ្តោតអារម្មណ៍លើប្រធានបទនិងបោះចោលបណ្តាទឹកមុខ កាយវិការ ដែលមុននេះបានស្លុងទៅនិយាយចាកឆ្ងាយព្រោះអាល័យតែមានអារម្មណ៍រំភើបពេក បានជាជម្រុញឱ្យនិយាយលើសឬវៀង។

២ បន្ថយល្បឿន ទម្លាក់សំឡេង

Group of Business People Working on an office Desk

និស្សិតផ្នែកទំនាក់ទំនងនៅប្រទេសនានា ត្រូវបានបង្រៀនឲ្យបន្ទាប មិនលើកឡើង សំឡេងពេលនិយាយទេ ដើម្បីបញ្ជាក់ពីចំណុចជាក់លាក់នឹងផ្លូវការពេលនិយាយជាសាធារណៈ។ អ្នកអានព័ត៌មាននៅប្រទេសតូចៗ និយមស្រែកៗ ចំណែកនៅប្រទេសជឿនលឿនគឺសំឡេងកាន់តែទម្លាក់ទាប កាន់តែមានអំណាច។ ពួកគេក៏ត្រូវបានបង្រៀនផងដែរឲ្យបន្ថយល្បឿននៃការនិយាយ សង្កត់ពាក្យច្បាស់ៗ ដែលជាការផ្តល់សញ្ញាដល់អ្នកស្តាប់ថា អ្វីដែលពួកគេកំពុងប្រាប់គឺ សំខាន់ហើយចាំបាច់ត្រូវរក្សាទុក។ និយាយឱ្យខ្លី ឬនិយាយសារថ្មីពាក្យគន្លឺះនោះ បញ្ជាក់ថាវាសំខាន់ខ្លាំង។

ដំបូងការប្រើវិធីសាស្ត្រនេះ ពិបាកណាស់ចំពោះអ្នកដែលធ្លាប់ស្រែកទៅហើយ ព្រោះនៅឆ្ងាយពីអ្វីដែលពួកគេនិយមធ្វើបណ្តែតអារម្មណ៍មុខក្បាលមេក្រូ ប៉ុន្តែ សម័យកាលកាន់តែវិវត្ត ការនិយាយស្រែកនឹងកាន់តែមើលទៅទើសភ្នែក នឹងបង្ហាញថាអ្នកមិនមែនជាអ្នកនិយាយល្អទេ។ ពិសេសកាន់តែញាប់មានន័យថា រត់មាត់ មិនមែនចេញពីបេះដូង ដែលគ្មានអ្នកណាចង់ស្តាប់ឬទុកថាសំខាន់នឹងការនិយាយរូៗរត់មាត់ឡើយ។

៣ ទទួលខុសត្រូវគ្រប់ម៉ាត់

មានវិធីជាច្រើនដើម្បីរៀបចំសារឲ្យថ្មី សំខាន់ និងចងចាំបាន។ សូមនិយាយអំពីតួលេខ ណាមួយ ដែលចាំបាច់បង្ហាញថា យើងបានស្រាវជ្រាវច្បាស់មុននិយាយ ព្រោះការនិយាយតាមអារម្មណ៍នឹងក្លាយជារឿងដែលត្រូវអ្នកស្តាប់ទាត់ចោល។ ឧទាហរណ៍ អ្នកនិយាយថា បុរសច្រើនតែផិតក្បត់ តើឯណាទិន្នន័យ? បើពើបនឹងសំណួរឬផ្តល់មតិយោបល់បញ្ជាក់ក្នុងពេលប្រជុំអ្នកបានអ្វីជាអំណះអំណាង? ការនិយាយដោយទទួលខុសត្រូវ និងកាត់បន្ថយរបៀបចាកប្រធាន។

សូមជោគជ័យចំពោះការសន្ទនាលើឆាករបស់គ្រប់គ្នាណ៎ា!

ប្រែសម្រួល៖ សុភា

ប្រភព៖ GegMedia

ចុចអាន៖ប្រភេទមនុស្សស្រីដែលមនុស្សប្រុសពិបាកដកចិត្តចេញវិញ

ចុចអាន៖ភាពខុសគ្នាដាច់ស្រលះរវាងចំណង់ចំណូលចិត្តនិងគោលបំណង

The post ជំនាញទំនាក់ទំនង៖ និយាយយ៉ាងណាកុំឲ្យចាកប្រធាន appeared first on Kampuchea Thmey Daily.

ជំនាញទំនាក់ទំនង៖ ដំណោះស្រាយជាមនុស្សយឺតស្ទក់

សាង ស្រីល័ក្ខ — Tue, 02 Feb 2021 02:34:47 +0000

មិនត្រឹមតែត្រូវចាត់ជាបន្ទាន់នូវយុទ្ធសាស្ត្រសម្រាប់បង្កើនល្បឿនការងាររបស់បុគ្គលិកយឺត ៗ ឬដៃគូស្ទក់ៗទេ ប្រសិននៅក្រុមជាមួយគ្នា ហើយបណ្ដែតបណ្ដោយយូរអាចនឹងបរាជ័យទាំងអស់គ្នាបាន។

ដោយមិនអាចគេចរួចពីមនុស្សច្រើនប្រភេទក្នុងសង្គមការងារ ជំនាញទំនាក់ទំនងនឹងជួយយើងឲ្យអាចបត់បែនក្នុងកិច្ចសហការដែលប៉ះចំមនុស្សយឺតស្ទក់៖

១ កំណត់មូលហេតុដែលគេនោះយឺត

បើគ្រាន់តែបានកត់សម្គាល់ឃើញថា ល្បឿនការងាររបស់ពួកគេខ្សោយ យើងប្រហែលជាអាចគិតច្រឡំ។ មនុស្សខ្លះអាចផ្តោតលើព័ត៌មានលម្អិត និងពិចារណាជ្រៅ ជាងយើង ដូច្នេះមុនពេលថាគេយឺត ជំហានដំបូងដែលជួយឲ្យឆ្ពោះទៅរកដំណោះស្រាយបាន គឺកំណត់ពីមូលហេតុសិន។

២ សហការជាមួយពួកគេ

មនុស្សគ្រប់ប្រភេទអាចនឹងមានការផ្លាស់ប្ដូរវិជ្ជមានប្រសិនគេមានអារម្មណ៍ថាមានការគាំទ្រមិនមែនការរិះគន់វាយប្រហារឡើយ។ មិនមែនគ្រាន់តែចង្អុលម្រាមដៃហើយដើរចេញចោទគេឯងថាស្ទក់ធ្វើឲ្យយើងក្លាយជាមនុស្សជោគជ័យឡើយ។ សួរថា “តើយើងអាចធ្វើអ្វីបានដើម្បីធ្វើឲ្យស្ថានភាពនេះប្រសើរឡើង?” នេះជាកាតព្វកិច្ចនិងជាជំនាញទំនាក់ទំនងដែលគ្រប់គ្នាត្រូវចេះ ដើម្បីយកទៅតថ្លៃនឹងស្ថានការណ៍នានាក្នុងជីវិត។

“តើខ្ញុំអាចជួយអ្វីបាន និងដោយរបៀបណា?” គ្រាន់តែសួរត្រូវសំណួរការយឺតស្ទក់នឹងកាត់បន្ថយ។ មិត្តរួមការងារឬដៃគូដែលមានអារម្មណ៍ធុញថប់ អាចនឹងសម្រេចបានជោគជ័យតិចតួច ប៉ុន្តែប្រសិនបើគេមានអ្នកចូលរួមត្រូវគ្នា បំពេញចន្លោះឲ្យគ្នា លទ្ធផលការងារដ៏អស្ចារ្យនឹងការមានឡើង។

៣ ផ្ដល់ពេលវេលាកំណត់ច្បាស់លាស់

ជាការប្រសើរណាស់ក្នុងការផ្ដល់បញ្ជីការងារដែលមានកំណត់ពេលវេលាច្បាស់លាស់និងបង្កើតអារម្មណ៍ពេញចិត្ត រកឲ្យឃើញនូវអ្វីដែលពួកគេពូកែអារម្មណ៍ថាមានតុល្យភាពនៃការបំពេញនិងការប្រកួតប្រជែង អាចនឹងជួយជំរុញសន្ទុះផលិតភាពយ៉ាងមានលទ្ធផលបំផុត។

៤ ផ្ដល់យោបល់ត្រឡប់

ដូច្នេះពេលជំពប់ជួបជាមួយបុគ្គលិកយឺតឬដៃគូស្ទក់យឺតទម្លាប់ពន្យា ត្រូវស្វែងយល់ថាតើពួកគេកំពុងមានបញ្ហាអ្វីខ្លះ ពួកគេមិនយល់?ភ័យ?មិនចេះ?ឬកំពុងមានវិបត្តិ? ហើយយើងនេះឯងដែលត្រូវបង្កើតផែនការដើម្បីពន្លឿនការបញ្ចប់ការងាររបស់ពួកគេ។ ជំហានចុងក្រោយមួយដ៏សំខាន់គឺការតាមដានព្រមជាមួយការរៀបចំផែនការប្រជុំជាបន្តបន្ទាប់ដើម្បីពិភាក្សាពីវឌ្ឍនភាពជារួមទាំងអស់គ្នា។ អាចមានសារៈសំខាន់ផងដែរក្នុងការកំណត់គោលដៅបន្ថែម៕

ប្រែសម្រួល៖ស្រស់

ប្រភព៖ BFJob

ចុចអាន៖ចៅហ្វាយពេញចិត្តការងារ ឬមានចិត្តស្នេហា មើលម៉េចដឹង?

ចុចអាន៖រវាងវិជ្ជាជីវៈនិងអាជីពមានភាពខុសគ្នាម៉េចខ្លះ?

The post ជំនាញទំនាក់ទំនង៖ ដំណោះស្រាយជាមនុស្សយឺតស្ទក់ appeared first on Kampuchea Thmey Daily.

ជំនាញទំនាក់ទំនង៖ ៥ ជំហានធ្វើឲ្យការជជែកនានាមានប្រសិទ្ធភាពខ្ពស់

Sonya — Wed, 27 Jan 2021 06:33:56 +0000

ការនិយាយ ជាជំនាញទំនាក់ទំនងសំខាន់មួយ ដែលមនុស្សត្រូវចេះមិនអាចខានបាន។ មិនថាអ្នកនោះ ជាសិស្ស-និស្សិត បុគ្គលិកបម្រើការតាមស្ថាប័នានា ឬថ្នាក់ដឹកនាំណាមួយក្ដី ចេះនិយាយបានល្អជាមួយគូសន្ទនាធ្វើឲ្យទំនាក់ទំនងរបស់ខ្លួនកាន់តែប្រសើរ។

ក្នុងនោះ ការនិយាយឬជជែកគេបែងចែកតាមថ្នាក់ធំនិងតូច។ អត្ថបទនេះនឹងបកស្រាយអំពីការជជែកខ្នាតតូចឬក្រុមតូច ធ្វើយ៉ាងណាឲ្យមានប្រសិទ្ធិភាពជាមួយដៃគូ។

១. សង្កេតមើលភាសារាងកាយ

នៅពេលជជែកគ្នា យើងមិនអាចត្រឹមតែស្ដាប់នោះទេ ការសង្កេតមើលភាសារាងកាយរបស់ដៃគូក៏ជារឿងចាំបាច់មួយដែរ។ គួរសង្កេតភ្នែក ឬកាយវិការដទៃទៀត ដើម្បីយល់ថាគូសន្ទនាយកចិត្តទុកចិត្តឬអត់។

២. ធ្វើជាអ្នកស្ដាប់

ជជែកគ្នា មិនមែនជារឿងប្រកែកយកឈ្នះឬចាញ់ឡើយ ដូចនេះមានពេលនិយាយ ហើយក៏មានពេលស្ដាប់ដែរ។ ពេលដៃគូនិយាយ យើងគួរធ្វើជាអ្នកស្ដាប់ដ៏ល្អ ទើបការជួបជជែកដើរដោយរលូនទៅបាន។

៣. ប្រើកាយវិការឆ្លើយតប

ដូចបានបញ្ជាក់ខាងលើ និយាយគ្នា មិនមែនត្រឹមតែនិយាយ តែដើម្បីបង្ហាញការគោរពដល់គូសន្ទនា យើងត្រូវមានកាយវិការឆ្លើយតបដូចជា ងក់ក្បាល ឬញញឹមជាដើម។ ក្រៅពីនោះ ការបង្ហាញការធុញទ្រាន់ រសាប់រសល់ មុខក្រញែក្រញូវ មិនគួរបញ្ចេញមកក្រៅនោះទេ ព្រោះវាសញ្ញានៃការបញ្ចប់ការសន្ទនាដោយប្រយោល។

៤. ចូលប្រធានបទ

ក្នុងវិស័យការងារ ការសន្ទនាទោះធ្វើឡើងតាមរូបតូចឬធំក្ដី ត្រូវធ្វើជាលក្ខណៈផ្លូវការ។ កុំបង្វែររឿងវែងឆ្ងាយបង្ហិនពេល និងចៀសវាងការលេងសើចជ្រុលនាំឲ្យគ្មានបានសាច់ការអ្វី។ អ្នកអាជីព គេគ្មានពេលអូសបន្លាយនិយាយរឿងកំប៉ិកកំប៉ុកនោះទេ ដូច្នេះចូលប្រធានបទចំៗ ទើបឆាប់ចប់សេចក្ដី។

៥. សង្ខេបឡើងវិញ

ទោះការនិយាយគ្នា មិនដូចជាការតែងសេចក្ដីក៏ដោយ តែមុនលាគ្នាឬបញ្ចប់ការជជែក យើងគួរសង្ខេបខ្លឹមសារសំខាន់ៗនៃការជួបលើកនេះ ទើបជាការល្អទាំងសងខាង៕

ប្រែសម្រួល៖ សន្យា

ប្រភព៖ EF

ចុចអាន៖ ជំនាញទំនាក់ទំនង៖ កសាងមិត្តភាពល្អនៅកន្លែងធ្វើការ

ចុចអាន៖ ហេតុអ្វីធ្វើការប្រហែលគ្នាសោះគេមានគុណសម្បត្តិច្រើនជាងខ្ញុំ?

The post ជំនាញទំនាក់ទំនង៖ ៥ ជំហានធ្វើឲ្យការជជែកនានាមានប្រសិទ្ធភាពខ្ពស់ appeared first on Kampuchea Thmey Daily.

ជំនាញទំនាក់ទំនង៖ កសាងមិត្តភាពល្អនៅកន្លែងធ្វើការ

Sonya — Tue, 19 Jan 2021 06:48:40 +0000

ការកសាងវប្បធម៌ល្អក្នុងទំនាក់ទំនងជាមួយមិត្តរួមការងារ ពិតជាសំខាន់។ កន្លែងធ្វើការ ប្រៀបបាននឹងផ្ទះ រីឯមិត្តរួមការងារ ប្រៀបដូចបងប្អូន។ ពួកយើងត្រូវការជំនួយគ្នាទៅវិញទៅមក ទើបទទួលលទ្ធផលល្អ ក៏ដូចជាកសាងទំនាក់ទំនងក៏កាន់តែស្អិតរមួត។

១. ចេះស្ដាប់គ្នាទៅវិញទៅមក

ចេះស្ដាប់អ្នកដទៃ មិនថាការជជែក ឬរយោបល់ នាំឱ្យធ្វើការបានយូរ។ មនុស្សម្នាក់ៗតែងមានវិធីក្នុងការឆ្លើយតបទៅនឹងបុគ្គលដែលពិតជាចង់ស្តាប់នូវអ្វីដែលខ្លួននិយាយ។ នៅពេលចៅហ្វាយឬមិត្តរួមការងារកំពុងនិយាយជាមួយ សូមយកចិត្តទុកដាក់ស្ដាប់ ពួកគេនឹងចាត់ទុកអ្នកថា ជាមនុស្សទៀងត្រង់ គួរឱ្យទុកចិត្ត និងផ្ដល់ការគោរពមកវិញ។

២. ធ្វើការគួរសមសាមញ្ញៗ

ការអនុវត្តការគួរសមសាមញ្ញដូចជាការនិយាយថា “អរុណសួស្ដី” នៅពេលព្រឹក ការសំឡឹងមើលភ្នែកនៅពេលជជែក ឬញញឹមញញែម ពិតជាអាចជួយដល់ការកសាងទំនាក់ទំនងល្អជាមួយមិត្តរួមការងារ។ ការគួរសមដោយសាមញ្ញៗត្រូវបានគេចាត់ទុកជាផ្នែកមួយដ៏សំខាន់ដែលគួរបន្តអនុវត្តឲ្យបានរាល់ថ្ងៃ។

៣. រក្សាឥរិយាថវិជ្ជមាន

គ្មាននរណាម្នាក់ចូលចិត្តនៅជាមួយបុគ្គលដែលតែងតែមានអាកប្បកិរិយាអវិជ្ជមានទៅកាន់អ្នកជុំវិញខ្លួនគេនោះទេ។ ដូច្នេះ ប្រសិនបើចង់ឲ្យមិត្តរួមការងាររាប់អាន គួររក្សាខ្លួនជាបុគ្គលដែលមានគំនិតវិជ្ជមាន ពាក្យសម្ដីសមរម្យ និងអាកប្បកិរិយាល្អជានិច្ច។

៤. បុគ្គលផ្សេងៗគ្នា ប្រើវិធីទាក់ទងខុសគ្នា

បុគ្គលផ្សេងគ្នាតែងចូលចិត្តវិធីសាស្រ្តក្នុងការទំនាក់ទំនងផ្សេងៗពីគ្នា។ មិត្តរួមការងារមួយចំនួនប្រហែលជាចូលចិត្តទំនាក់ទំនងតាមរយៈអ៊ីម៉ែល ព្រោះវាផ្តល់នូវកំណត់ត្រាជាលាយលក្ខណ៍អក្សរ ខណៈពេលដែលអ្នកខ្លះទៀតអាចចូលចិត្តការនិយាយទូរសព្ទ ដើម្បីឱ្យវាកាន់តែងាយស្រួល។ ដូច្នេះ គួរប្រើមធ្យោបាយទំនាក់ទំនងណាដែលមិត្តរួមការងារ ទម្លាប់ប្រើដើម្បីទាក់ទាញនូវចំណាប់អារម្មណ៍របស់ពួកគេ។

៥. ចេះគោរពសិទ្ធអ្នកដទៃ

នរណាៗក៏ត្រូវការពេលវេលា និងសិទ្ធិផ្ទាល់ខ្លួនដែរ។ ការមិនគោរពព្រំដែនផ្ទាល់ខ្លួនអាចជាមធ្យោបាយមួយដែលបំផ្លាញទំនាក់ទំនងពិបាកប៉ះប៉ូវ។ ដោយហេតុផលនេះ ត្រូវដឹងពីព្រំដែនផ្ទាល់ខ្លួនរបស់អ្នកដទៃ ដូច្នេះអ្នកនឹងមិនបំពានព្រំដែនគេនោះទេ។

៦. តែងតែលើកសរសើរមនុស្សជុំវិញខ្លួន

គ្រប់គ្នារមែងចង់ទទួលបានការកោតសរសើរចំពោះការងាររបស់ខ្លួន ទោះបីតិចតួចក្ដី។ ដូច្នេះ គួរចេះកោតសរសើរសម្រាប់ការខិតខំរបស់មិត្តរួមការងារ។ សូម្បីតែការនិយាយថា “សូមអរគុណ” ក៏អាចចាត់ទុកថាជាការកោតគោរពដែរ។ ការធ្វើបែបនេះអាចធ្វើឱ្យមានការគោរពគ្នាទៅវិញទៅមកនៅក្នុងកន្លែងធ្វើការ៕

ប្រែសម្រួល៖ សន្យា

ប្រភព៖ Entrepreneur

ចុចអាន៖ មូលហេតុដែលមិនគួរយកមិត្តភក្ដិ មកចូលធ្វើការជាមួយ ឬមកជាកូនចៅ

ចុចអាន៖ តាមពិត ជោគជ័យ ឬបរាជ័យក្នុងអាជីព អាចទស្សន៍ទាយដឹងមុនបាន

The post ជំនាញទំនាក់ទំនង៖ កសាងមិត្តភាពល្អនៅកន្លែងធ្វើការ appeared first on Kampuchea Thmey Daily.

ជំនាញទំនាក់ទំនងក្នុងអង្គភាពនៅទន់ខ្សោយ? តោះមកអានវិធីកែលំអ

សាង ស្រីល័ក្ខ — Wed, 16 Dec 2020 03:33:11 +0000

ជាមួយនឹងបទពិសោធន៍ អនុវត្តរាល់ថ្ងៃ យើងអាចរៀនឬបង្កើនកម្រិតនីមួយៗនៃជំនាញទំនាក់ទំនងបានដោយ ចាប់ផ្ដើមកំណត់ភាពខ្លាំងបន្ទាប់មកអនុវត្តសន្សឹមៗ ឧទាហរណ៍ប្រសិនបើយើងពូកែនិយាយ ចាប់ផ្ដើមរៀននិយាយពាក្យបន្ថែមដែលមិនរត់មាត់ដូចសេក និងមិនដដែលៗ។

ចំណែកផ្នែកខ្សោយ ដូចជា និយាយមិនច្បាស់ ឬទឹកមុខភ័យពេលនិយាយចូលដល់រឿងសំខាន់ៗក៏រកគន្លឹះអភិវឌ្ឍចំណុចអស់ទាំងនោះដោយនិយាយហ្វឹកនៅមុខញាតិមិត្ត។

ការស្នើសុំមិត្តភ័ក្ដិជិតស្និទ្ធឬមិត្តរួមការងារមករៀនជំនាញទំនាក់ទំនងជាមួយគ្នាជាការប្រសើរ ហើយមិនចម្លែកទេសម្រាប់ជំនាញទំនាក់ទំនងផ្ទាល់ខ្លួន ដោយឡែកសម្រាប់អង្គភាពត្រូវការប្រព័ន្ធទំនាក់ទំនងដែលរឹងមាំ។ ជាទូទៅគ្រប់យ៉ាងឈានចាប់ផ្ដើមពីបុគ្គលសិន ទើបដល់ក្រុមជាក្រោយ។

ជាជាងលេងហ្វេសប៊ុកដែលមិននិយាយរកគ្នា ពេលបាយចប់ គួរឆ្លៀតពេលកន្លះម៉ោងបង្វឹកការនិយាយ។ បើកចំហចិត្តសម្រាប់ទទួលយកការរិះគន់ក្នុងន័យស្ថាបនាពេលកំពុងហ្វឹកហាត់។

១ អនុវត្តការកែលំអទម្លាប់នៃការប្រាស្រ័យទាក់ទង

ជំនាញប្រាស្រ័យទាក់ទងជាច្រើន គឺជាទម្លាប់ដែលយើងអាចអភិវឌ្ឍតាមពេលវេលា។ គ្រប់គ្នាអាចបង្កើនជំនាញទាំងនោះ ដោយការអនុវត្តទម្លាប់ថ្មីៗណា ដែលធ្វើឲ្យយើងក្លាយជាអ្នកប្រាស្រ័យទាក់ទងល្អជាងមុន។ ការបង្វឹកផ្លាស់ប្ដូរនោះ អាចរួមបញ្ចូលទាំងការឆ្លើយតបចំពោះការប្រាស្រ័យទាក់ទងពីអ្នកក្រៅ ឬនៅក្នុងការសន្ទនាធម្មតាៗនៅកន្លែងធ្វើការ ការចូលរួមកម្រិតសិក្ខាសាលា ឬចូលរួមជាមួយថ្នាក់ជំនាញទំនាក់ទំនង។ មានសិក្ខាសាលាតាមអ៊ិនធឺរណែតនិងក្រៅបណ្តាញជាច្រើន ដែលអាចជួយបង្វឹកការប្រាស្រ័យទាក់ទងបានល្អជាងមុន។ ថ្នាក់ទាំងនេះអាចរួមបញ្ចូលទាំងការណែនាំការសម្ដែង ការសរសេរជាលាយលក្ខណ៍អក្សរនិងការពិភាក្សាបើកចំហ។

២ ត្រូវស្វែងរកឱកាសជានិច្ចដើម្បីទំនាក់ទំនង

ការស្វែងរកឱកាសទាំងពេលទំនេរដើរកម្សាន្តជួបមនុស្សចម្លែកៗ និងពេលបំពេញការងារដែលតម្រូវឲ្យប្រើជំនាញទំនាក់ទំនង ការចេះប្រើឱកាសជជែកពិភាក្សានេះនឹងជួយបង្កើនបទពិសោធន៍នៃជំនាញទំនាក់ទំនងល្អឲ្យនៅមានទំនុកចិត្តម្ដងបន្តិចៗ ថែមឡើង។ ជាទូទៅការខ្វែងគំនិតឬ ការមិនចុះសម្រុងក្នុងការប្រាស្រ័យទាក់ទងអាចកើតពីបញ្ហាតែមួយគត់គឺការយល់ច្រឡំពីសម្តីនិយាយ ការផ្ញើសារមិនច្បាស់ពេលសរសេរឬសន្ទនា ឧទាហរណ៍ ប្រសិនបើយើងកំពុងធ្វើការលើគម្រោងដឹកនាំក្រុមហើយនិយមចង្អុលម្រាមដៃស្ដីបន្ទោសគឺជាលទ្ធផលនៃកិច្ចទំនាក់ទំនងខ្សោយ។ គ្រប់គ្នាត្រូវតែមានផែនការរាល់សប្ដាហ៍ ហើយចង្អុលខ្លួនឯងថាធ្វើបានកម្រិតណាមិនបានដោយសារអ្វី។

ការទំនាក់ទំនងមិនសំដៅតែលើការនិយាយគ្នាទេ គឺប្រព័ន្ធត្រួតពិនិត្យមួយជាក់លាក់ផង។

៣ ចេះប្រជុំ

មេដឹកនាំដែលមិនចេះប្រជុំនឹងបង្កើតទំរង់ប្រជុំធុញថប់មួយខាតពេលវេលានិងឌឺដងក្រោយប្រជុំ។ ទម្រង់ប្រជុំដែលគេនិយមប្រើរួមបញ្ចូលឈ្មោះអ្នកត្រូវចូលរួម ធាតុពិភាក្សា ធាតុសកម្មភាពការកត់សំគាល់របស់ភាគីដែលមានទំនួលខុសត្រូវ ពេលវេលាកំណត់ និងសកម្មភាពតាមដានរាយការណ៍ត្រឡប់។

ខ្សែសង្វាក់នៃពាក្យបញ្ជាលើជម្លោះនិងការបែកបាក់នៃកម្សោយទំនាក់ទំនងអាចប្រើវិធីសាស្រ្តនេះកំណត់ថា អ្នកណាជាអ្នកធ្វើសេចក្តីសម្រេចចិត្តចុងក្រោយនៅរាល់ពេលដែលការជជែកមិនមូលមិតគ្នា?

ប្រែសម្រួល៖សុភា

ប្រភព igi-global

ចុចអាន៖៦ យ៉ាងដែលរារាំងយើងមិនឲ្យទទួលបានការងារដែលខ្លួនស្រលាញ់

ចុចអាន៖ភាពជាអ្នកដឹកនាំ៖ យល់អំពីផលវិបាកនៃវប្បធម៌ចែចង់នៅការិយាល័យ

The post ជំនាញទំនាក់ទំនងក្នុងអង្គភាពនៅទន់ខ្សោយ? តោះមកអានវិធីកែលំអ appeared first on Kampuchea Thmey Daily.

ជំនាញទំនាក់ទំនង៖ ការស្ដាប់ យ៉ាងសកម្មនិងមានប្រសិទ្ធភាព

សាង ស្រីល័ក្ខ — Wed, 09 Dec 2020 02:35:44 +0000

ការស្តាប់សកម្មជាផ្នែកដ៏សំខាន់មួយនៃជំនាញទំនាក់ទំនងដែលមានន័យថា យកចិត្តទុកដាក់ដល់មនុស្សដែលកំពុងនិយាយជាមួយយើង។

មនុស្សដែលចេះជំនាញស្ដាប់ជាសកម្ម តែងត្រូវបានយកចិត្តទុកដាក់ដោយមិត្តរួមការងាររបស់ពួកគេ ដោយសារតែការយកចិត្តទុកដាក់និងការគោរពដែលពួកគេទទួលបាន។

នេះគឺជាជំនាញមួយដែលអាចពិបាកក្នុងការអភិវឌ្ឍឬកែលំអ ព្រោះពាក់ព័ន្ធនឹងការយកចិត្តទុកដាក់លើការសន្ទនា ផ្ដោតអារម្មណ៍ ចងចាំរហ័ស ទាញយកព័ត៌មានលម្អិតបាន និងចេះសង្កេតមើលភាសារាងកាយ ព្រមទាំងចេះប្រើវាផង។

ចំណេះដែលយើងអាចដែលយល់ច្បាស់ពីអ្វីដែលគូសន្ទនា កំពុងនិយាយជាឧបករណ៍មានប្រយោជន៍ខ្លាំង ប្រើក្នុងពេលសម្ភាសន៍ការងារ ការប្រជុំ ការបញ្ចុះបញ្ចូល ព្រោះអាចជួយក្នុងការបង្កើតទំនាក់ទំនងវិជ្ជមាន។

ឧទាហរណ៍នៃបច្ចេកទេសស្ដាប់សកម្ម

មានបច្ចេកទេសស្ដាប់សកម្មជាច្រើន ដែលនឹងជួយបង្កើនចំណាប់អារម្មណ៍ដល់គណៈកម្មការក្នុងនៅពេលសម្ភាសន៍ការងាររួមមាន៖

ការកសាងទំនុកចិត្តនិងបង្កើតទំនាក់ទំនង បង្ហាញបទពិសោធន៍ទំនាក់ទំនងខ្ពស់ និង ភាពជាអ្នកដឹកនាំខ្លួនឯងបានល្អ បង្ហាញអំពីកម្រិតនៃចរិតលក្ខណៈពិសេសនិងបង្កើតឲ្យមានការពេញចិត្តក្នុងសង្គមទំនាក់ទំនង។

ជំនាញស្ដាប់សកម្មជាសុពលភាពនៃរាងកាយ ដែលពូកែទ្រាំ ចេះស្ដាប់និងឮបានល្អ ក៏បង្ហាញពីអារម្មណ៍វៃឆ្លាត កម្រិតបទដ្ឋានសុជីវធម៌ វិជ្ជាជីវៈនៃទំនាក់ទំនងសង្គមខ្លាំង និងសមត្ថភាពប្រាស្រ័យទាក់ទង Nonverbalមានតម្លាភាព ចរិតបន្ទាបខ្លួន សកម្មភាពក្លៀវក្លា គំនិតពេញប្រៀបដោយភាពជឿជាក់ ការយល់ចិត្ត ចំណេះដឹងផ្នែកទន់។ល៕

ប្រែសម្រួល៖សុភា

ប្រភពthebalancecareers

ចុចអាន៖ហេតុអ្វីអ្នកខ្លះអាចល្អជាមួយអ្នកដទៃច្រើនជាងជាមួយមនុស្សដែលខ្លួនស្រលាញ់?

ចុចអាន៖សេពគប់មនុស្ស ៧ ប្រភេទនេះ ដូចដាក់ថ្នាំពុលឲ្យជីវិតអន់ថយ

The post ជំនាញទំនាក់ទំនង៖ ការស្ដាប់ យ៉ាងសកម្មនិងមានប្រសិទ្ធភាព appeared first on Kampuchea Thmey Daily.

ជំនាញទំនាក់ទំនង Archives - Kampuchea Thmey Daily

ជំនាញ ៥ យ៉ាង ដែលយុវវ័យគួររៀន ដើម្បីឈានទៅរកភាពជោគជ័យ

ជំនាញ​ទំនាក់ទំនង៖ និយាយ​យ៉ាង​ណា​បញ្ចេញ​សារ ខ្លី​តែ​ខ្លឹម បង្កើត​ការ​ចងចាំ​

ជំនាញទំនាក់ទំនង៖ និយាយយ៉ាងណាកុំឲ្យចាកប្រធាន

ជំនាញ​ទំនាក់ទំនង​៖ ដំណោះស្រាយ​ជា​មនុស្ស​យឺត​ស្ទក់

ជំនាញទំនាក់ទំនង៖ ៥ ជំហានធ្វើឲ្យការជជែកនានាមានប្រសិទ្ធភាពខ្ពស់

ជំនាញទំនាក់ទំនង៖ កសាងមិត្តភាពល្អនៅកន្លែងធ្វើការ

ជំនាញ​ទំនាក់ទំនង​ក្នុង​អង្គភាព​នៅ​ទន់ខ្សោយ? តោះ​មក​អាន​វិធី​កែលំអ

ជំនាញ​ទំនាក់ទំនង៖ ការ​ស្ដាប់ យ៉ាង​សកម្ម​និង​មាន​ប្រសិទ្ធភាព

ជំនាញទំនាក់ទំនង៖ និយាយយ៉ាងណាបញ្ចេញសារ ខ្លីតែខ្លឹម បង្កើតការចងចាំ

ជំនាញទំនាក់ទំនង៖ ដំណោះស្រាយជាមនុស្សយឺតស្ទក់

ជំនាញទំនាក់ទំនងក្នុងអង្គភាពនៅទន់ខ្សោយ? តោះមកអានវិធីកែលំអ

ជំនាញទំនាក់ទំនង៖ ការស្ដាប់ យ៉ាងសកម្មនិងមានប្រសិទ្ធភាព