យោងតាមកាសែត Dimsum Daily Lau Dan បានធ្វើការអះអាងជាច្រើននៅក្នុងបទសម្ភាសន៍ថា តារាស្រី វ័យ៣៨ឆ្នាំ មិនបានចូលរួមក្នុងការចិញ្ចឹមបីបាច់កូនស្រីឡើយ។ គាត់បានចង្អុលបង្ហាញថា នៅថ្ងៃឈប់សម្រាកបុណ្យទានម្ដងៗនាងមិនដែលហៅកូនស្រីទៅដើរកម្សាន្ត ចំណែកឯកូនក៏មិនដែលសួររកម្ដាយ ដែលនោះបានបង្ហាញពីទំនាក់ទំនងដ៏តឹងតែងរវាងអ្នកទាំងពីរ មិនសូវជាល្អប៉ុន្មានទេ។

ជាការឆ្លើយតបទៅនឹងការចោទប្រកាន់របស់លោក Lau Dan តារាសម្តែងតៃវ៉ាន់ Evonne Sie ដែលជាមិត្តជិតស្និទ្ធបានការពារតារាស្រីរូបនេះដោយពន្យល់ថា ជារឿយៗ Yang Mi ចែករំលែករូបថតជាមួយកូននាងជាលក្ខណៈឯកជន ហើយថាពួកគេតែងតែពិភាក្សាអំពីឪពុកម្តាយក្នុងអំឡុងពេលជួបគ្នាម្ដងៗ។ មិនតែប៉ុណ្ណោះ នាងបានទៅលេងកូនស្រីនៅហុងកុងជាច្រើនដង និងដោយប្រុងប្រយ័ត្នបំផុត ដើម្បីកុំឲ្យទាក់ទាញការចាប់អារម្មណ៍ពីសាធារណជនក៏ដោយ។

លើសពីនេះ Yang Mi ខ្លួននាងផ្ទាល់ធ្លាប់បាននិយាយទៅកាន់ឪពុកម្តាយក្មេកនៅក្នុងបទសម្ភាសន៍មួយថា នាងទៅសួរសុខទុក្ខកូនស្រីនៅពេលណាដែលអាចធ្វើទៅបាន ប៉ុន្តែមិនចូលចិត្តបង្ហាញពីពេលវេលា ឬលាតត្រដាងជីវិតឯកជនរបស់ Noemie Lau ។ Yang បាន​សង្កត់​ធ្ងន់​ថា គោល​ដៅ​ចម្បង​របស់​នាង គឺ​ចង់​ឲ្យកូន​ស្រី​ ​មាន​វ័យ​កុមារ​ធម្មតា​មិន​មាន​ការ​រំខានពីនរណាឡើយ។

សូមជម្រាបជូនថា Yang Mi បានចាប់ផ្តើមអាជីពសម្តែងតាំងពីកុមារភាព និងទទួលបានភាពល្បីល្បាញជាមួយនឹងតួនាទីនៅក្នុងរឿង «Palace» ដែលជារឿងប្រវតិ្តសាស្រ្តកាលឆ្នាំ ២០១១ ។ នាងត្រូវបានគេចាត់ទុកថាជាអ្នកស្នងតំណែងពី Four Dan Actresses របស់ប្រទេសចិន ដែលជាចំណងជើងដែលផ្តល់ទៅឲ្យតារាស្រីឆ្នើមដែលរកចំណូលបានច្រើនជាងគេរបស់ប្រទេស រួមមានតារាស្រី Xu Jinglei, Zhou Xun, Vicki Zhao និង Zhang Ziyi ។ ក្រោយអាជីពកាន់តែជោគជ័យល្បីសុះសាយ តួចិនរូបនេះបានរៀបការជាមួយលោក Hawick Lau ក្នុងឆ្នាំ ២០១៤ ប៉ុន្តែប្តីប្រពន្ធនេះបានលែងលះគ្នានៅក្នុង ២០១៨ ។ បន្ទាប់ពីពួកគេបែកគ្នា ស្វាមីត្រូវបានផ្តល់សិទ្ធិឲ្យមើលថែកូនស្រីរបស់ពួកគេ៕

អត្ថបទ៖ សាង ស្រីល័ក្ខ

ចុចអាន៖តួស្រី Zhao Liying និង Yang Mi ​រង​ការ​វាយ​ប្រហារ ពីក្រុមអ្នកគាំទ្រផ្កាប់មុខម្ខាងៗ

The post អតីត​ឪពុក​ក្មេក​ Yang Mi ចោទអតីតកូនប្រសា ថា ​មិនដែលខ្វល់ ឬបារម្ភពីកូនស្រីបង្កើត appeared first on Kampuchea Thmey Daily.

ពីរ​ឆ្នាំ​ហើយ​ដែល​​តារា​សម្ដែង Li Yifeng ត្រូវ​បាន​ចាប់​ខ្លួន​ដាក់​ពន្ធនាគារ​ពី​បទ​ពេស្យាចារ។ មហាជនជាច្រើនទ្រាំមិនបាន អាណិតតារាមួយដួងដែលធ្លាប់តែល្បីមានអ្នកគាំទ្រដល់ទៅជាង ៦០លាននាក់ ដល់កម្រិតកំពូល ហើយក៏ជាគូស្នេហ៍ក្នុងសុបិនរបស់តារាស្រីជាច្រើនផងដែរ។

នៅពេលដែលរឿងអាស្រូវរបស់ Li Yifeng  ត្រូវបានលាតត្រដាង មានច្រើនដងដែលទស្សនិកជនបានប្រទះឃើញតារាស្រីជាច្រើនរូបដែលធ្វើការជាមួយគ្នា ហើយត្រូវបានយាយី។ ក្នុង​ចំណោម​នោះ មិត្ត​រួម​ការងារ​ស្រី​ដែល​ត្រូវ​គេ​ចចាម​អារ៉ាម​ថា​កំពុង​មាន​ទំនាក់ទំនង​ស្នេហា​ជាមួយលោក គឺ Yang Mi។

ធ្វើការជាមួយគ្នាពីរដងតាមរយៈ «swords of legends វគ្គ១» និង «Fall in Love Like a Star»​ ពេលដែលភាពយន្តនេះត្រូវបានចេញផ្សាយ និងទទួលបានលទ្ធផលល្អ ទំនាក់ទំនងរបស់អ្នទាំងពីរក៏បានធ្វើឲ្យអ្នកគាំទ្រជាច្រើនមានភាពរង្គោះរង្គើផងដែរ។ លើសពីនេះ Paparazzi ក៏និយាយឡើងថា Yang Mi មានទំនាក់ទំនងស្នេហា មានអារម្មណ៍ជាមួយ Li Yifeng ហើយអ្នកទាំងពីរថែមទាំងរស់នៅជាមួយគ្នាទៀតផង។

ក្រៅពីការលាតត្រដាងរបស់សារព័ត៌មាននោះ អ្នកលេងអ៊ីនធឺណែតជាច្រើនក៏បានជីកកកាយភស្តុតាងណាត់ជួបរបស់ពួកគេយ៉ាងគគ្រឹកគគ្រេងផងដែរ។ ទាំងនៅ​ក្នុង​ឈុត ឬ​នៅ​ពី​ក្រោយ​ឆាក មិន​ពិបាក​ទេ ពេល​ឃើញ​តារា​២​ដួង​មាន​សកម្មភាព​ស្និទ្ធស្នាល​មិន​ធម្មតា​នោះ។ ទោះ​បី​ជា​ពេល​នោះ​ដួង​ម៉ិច​នៅ​តែ​រៀប​ការ​ជាមួយ​លោក លូ ខៃអ៊ុយ។

សូម្បីតែរូបភាពនៅពីក្រោយខ្នងរបស់ Yang Mi និង​ Li Yifeng ក៏ត្រូវបានគេបង្ហោះនៅលើបណ្ដាញសង្គម Weibo ដោយមានមតិចម្រុះជាច្រើន។ អ្នកលេងអ៊ីនធឺណេត មានការខឹងសម្បារយ៉ាងខ្លាំង នៅពេលដែលលោកយកដៃដាក់លើដើមទ្រូងតារាស្រីយ៉ាងចាស់ដៃ ខណៈដែលតារាស្រីរូបនេះ បានត្រឹមតែញញឹម និងមិនបង្ហាញអាកប្បកិរិយា ឬគេចវេសឡើយ។

ទោះបីជាយ៉ាងណាក៏ដោយ មួយ​រយៈ​នេះ​រឿង​អាស្រូវ​ស្នេហា​ជាមួយ​លោក Li Yifeng ធ្វើ​ឲ្យមុខមាត់ Yang Mi រង​ការ​ប៉ះពាល់​ធ្ងន់ធ្ងរ ។ មិនទាន់ដល់ឆ្នាំ ២០២២ ទេដែលតារាប្រុសរូបនេះត្រូវបានចាប់ខ្លួនពីបទពេស្យាចារ ហាមប្រាមពីឧស្សាហកម្មកម្សាន្ត ហើយរឿងអាស្រូវជាមួយដួង មុច មិនត្រូវបានមហាជនជាច្រើនលើកឡើងទៀតទេ៕

អត្ថបទ៖ សាង​​ ស្រីល័ក្ខ

ចុចអាន៖តួរឿង «ព្រះនាង​យេយេ» ៤រូប សុទ្ធតែជួបរឿងអាស្រូវបំផ្លាញអាជីព ខណៈម្នាក់ទៀតរក្សារូបភាពល្អ ក្នុងក្រសែភ្នែកមហាជន

The post Yang Mi ត្រូវ​​តារា​សម្ដែង​ម្នាក់​លូកលាន ក្រោយឃើញរូបភាពបែកធ្លាយ មហាជនលែងអាណិត appeared first on Kampuchea Thmey Daily.

យោងតាមលោក Sinchew បានបញ្ចាក់ថា Yang Mi និងតារាស្រី Zhang បានចូលរួមក្នុងមហោស្រពភាពយន្ត Cannes ឆ្នាំ ២០២៤ កាលពីថ្ងៃសៅរ៍ ដើម្បីផ្សព្វផ្សាយរឿង “She’s Got No Name” នាពេលខាងមុខរបស់ពួកគេ។ នាពេលនោះ Yang Mi ត្រូវគេចាប់​អារម្មណ៍​ចំពោះ​ការ​ប្រព្រឹត្ត​របស់នាង ដោយ​ដើរ​ចេញ​ក្នុង​ការ​ថត​រូប​ជា​ក្រុម​ជា​ជាង​ដាក់​ខ្លួន​ឯង​នៅ​កណ្តាល ហើយក៏​អនុញ្ញាតឲ្យរៀមច្បងបានក្លាយជា​ចំណុច​ប្រសព្វ​នៅ​លើ​កម្រាល​ព្រំ​ក្រហម និង​អំឡុង​ពេល​ព្រឹត្តិការណ៍​ប្រព័ន្ធ​ផ្សព្វផ្សាយ។

លើសពីនេះទៀតដែរ នៅក្នុងបទសម្ភាសន៍មួយតួឯកស្រីក្នុងរឿង “ទេវតា៣ជាតិ” បានថ្លែងអំណរគុណយ៉ាងខ្ជាប់ខ្ជួនដល់អ្នកដឹកនាំរឿង សហការី និងក្រុមការងារភាពយន្តសម្រាប់ការគាំទ្រ និងការយកចិត្តទុកដាក់របស់ពួកគេ ដោយបានសរសើរពួកគេចំពោះភាពជោគជ័យរបស់ក្រុមការងារភាពយន្ត។ អាកប្បកិរិយាគួរឲ្យគោរពរបស់នាង បានធ្វើឲ្យអ្នកអត្ថាធិប្បាយតាមអ៊ីនធឺណិតជាច្រើនសរសើរ និងបានក្លាយជាប្រធានបទដែលគេអានច្រើនបំផុតនៅលើប្រព័ន្ធផ្សព្វផ្សាយសង្គមចិន Weibo នៅថ្ងៃតែមួយ។

អ្នក​ប្រើ​ Weibo ម្នាក់​បាន​សរសើរ​តារា​ស្រី​រូប​នេះ​ថា​​ “​ក្នុងពេល​ដែល​អ្នក​រាល់​គ្នា​មាន​បំណង​លេចធ្លោ​ក្នុង​ព្រឹត្តិការណ៍​ដ៏​សំខាន់​មួយ Yang Mi មិន​បាន​ស្វែង​រក​ការ​ចាប់​អារម្មណ៍​ជា​ចំបង​ក្នុង​អំឡុង​ពេល​ថ្ងៃ​ Cannes។ Yang Mi គឺជាតារាខ្លួនឯង ប៉ុន្តែនាងក៏មិនដែលមើលងាយសិស្សច្បង ឬអួតខ្លួន ហើយក៏មិនអន់ជាងអ្នកផ្សេងដែរ។ ការ​ប្រព្រឹត្ត​របស់​នាង​ពិត​ជា​សម​ជាតារាស្រីជួរមខុច្បាស់ណាស់”។

សូមបញ្ចាក់ដែរថា Yang Mi បានចាប់ផ្តើមអាជីពសម្តែងរបស់នាងជាតួសម្តែងកុមារ ហើយទទួលបានការទទួលស្គាល់យ៉ាងទូលំទូលាយជាមួយនឹងតួនាទី ជាអ្នកនាំមុខក្នុងការធ្វើដំណើរតាមពេលវេលានៅក្នុងឆ្នាំ ២០១១ រឿងស្នេហាប្រវត្តិសាស្ត្រ “Palace” ។ នាងត្រូវបានប្រព័ន្ធផ្សព្វផ្សាយក្នុងស្រុកទទួលស្គាល់ថាជាតារាស្រី New Dan ទាំងបួន ដែលជាស្លាកសម្រាប់អ្នកស្នងតំណែងរបស់តារាស្រីដែលរកចំណូលបានច្រើនជាងគេទាំងបួននៅក្នុងប្រទេសចិនរួមមាន Xu Jinglei, Zhou Xun, Vicki Zhao និង Zhang Ziyi ៕

អត្ថបទ៖ សាង ស្រីល័ក្ខ

ចុចអាន៖​អតីត​ស្វាមី​សាន់ឆាយ​ សម្រេចចិត្តរៀបការ​ជាមួយ​នារី​អាយុ​​ប្អូនដល់ទៅ ១៨ ឆ្នាំ

The post អ្នកគាំទ្រសរសើរ Yang Mi ដាក់ខ្លួនគោរពរៀមច្បង Zhang Ziyi មិនប្រជែងអួតខ្លួនលើសគេ appeared first on Kampuchea Thmey Daily.

នាពេលថ្មីៗនេះ អ្នកសរសេរប្លុកកម្សាន្តមួយបានផ្សព្វផ្សាយពាក្យចចាមអារ៉ាមថា Zhang Ziyi គឺជាអ្នកដែលស្នើឲ្យអ្នកដឹកនាំរឿង Peter Chan​ អញ្ជើញ Zhao Liying និង Yang Mi មកសម្តែងក្នុងភាពយន្តមួយនេះ។ ហេតុផលគឺដោយសារចំណូលក្នុងប្រអប់សំបុត្រភាពយន្តរបស់ Zhang Ziyi តែងតែធ្លាក់ចុះខ្លាំង ខ្លះទាបជាងមុន ដូច្នេះហើយទើបតារាស្រីសង្ឃឹមថា ភាពចម្រូងចម្រាសជុំវិញការសហការគ្នារបស់ Zhao Liying និង Yang Mi នឹងធ្វើឲ្យកេរ្តិ៍ឈ្មោះរបស់នាងល្បីល្បាញ ហើយភាពយន្តនេះទទួលបានការចាប់អារម្មណ៍ថែមទៀត។

លើសពីនេះ ភាពចម្រូងចម្រាសរវាងអ្នកគាំទ្រ Zhao Liying និង Yang Mi មិនប៉ះពាល់ដល់ Zhang Ziyi ខ្លួនឯងទេ។ នៅទីបញ្ចប់តារាស្រីរូបនេះគឺជាអ្នកនេសាទដែលចំណេញបំផុត​​ និងលើសគេថែមទៀតផង។

ថ្វីបើយ៉ាងណាក៏ដោយ តារាសម្ដែងរៀមច្បង Zhang Ziyi បានឆ្លើយតបដោយត្រង់ៗនិងដោយគ្មានការកត់ត្រាទុក នៅក្រោមការបង្ហោះជាបន្តបន្ទាប់ថា “សូមបិទមាត់មនុស្សឆ្កួត!” គេ​អាច​មើល​ឃើញ​ថា នាងកំពុងតែមានអារម្មណ៍​ខឹង​យ៉ាង​ខ្លាំង​ ព្រោះ​មាន​បញ្ហា​ប៉ះពាល់​ដល់​កេរ្តិ៍ឈ្មោះ​នាង​យ៉ាង​ធ្ងន់ធ្ងរ។

សូមជម្រាបជូនថា ភាពល្បីល្បាញ Zhang Ziyi ត្រូវ​បានទស្សនិកជនសុទ្ធតែដឹងថា នាងគឺជាតារាចិនដំបូងគេដែលឈានទៅដល់ហូលីវូដ។ តារាស្រីរូបនេះបានលេចមុខក្នុងរឿងភាគល្បីៗជាច្រើនដូចជា Fateful Train, The Grandmaster (The Grand Master) និងមានប្រជាប្រិយភាពខ្លាំង ពីសំណាក់អ្នកដឹកនាំរឿងធំៗ​ ដូច្នេះគ្មានហេតុផលអ្វីដែលនាងទៅតោងគេយកល្បីទេ៕

អត្ថបទ៖ សាង ស្រីល័ក្ខ

ចុចអាន៖មនុស្ស​ស្និទ្ធ​ស្នាល​ទម្លាយ​ពីស្ថានភាព​ Ngoc Trinh​ ក្រោយ​ចេញពីពន្ធនាគារជាង៣ខែ

The post តារាចិន Zhang Ziyi ខឹងខ្លាំំង ​ដែលគេ​ថា នាងតោង​ Zhao Liying និង Yang Mi​ ដើម្បីល្បី appeared first on Kampuchea Thmey Daily.

កាលពីឆ្នាំមុន នាងបានចាកចេញពីទីភ្នាក់ងារកម្សាន្តរបស់ចិន Jaywalk Studio ដោយបានសហការគ្នាបង្កើតក្នុងឆ្នាំ ២០១៣ ដើម្បីបង្កើតស្លាកឯករាជ្យ Shanghai Yangmi Film and Television Culture Studio។ នៅពេលនាងនៅជាមួយ Jaywalk នាងត្រូវបានគេសរសើរថាជាតារាដែលជំរុញដូចជា Dilireba និង Zhu Xudan ឲ្យកាន់តែល្បីល្បាញ។

មិន​ត្រឹម​តែ​ទទួល​បាន​ការ​ស្រលាញ់​ពី​សំណាក់​កូន​សិស្ស​ក្នុង​កម្មវិធី Showbiz ប៉ុណ្ណោះ​ទេ នាង​ក៏​ជា​ថៅកែ​ចិត្ត​ល្អ​ម្នាក់​ផង​ដែរ។ ក្នុងពេលថ្មីៗនេះ គេហទំព័រប្រព័ន្ធផ្សព្វផ្សាយរបស់ចិនបានចុះផ្សាយនូវបញ្ជីឈ្មោះ ព្រះនៃសំណាងរបស់ showbiz ហើយក្នុងចំណោមឈ្មោះធំៗគឺ Li Bingbing, Hu Ge និង Yang Mi ។

យោងតាមរបាយការណ៍ បុគ្គលិករបស់ Yang Mi នឹងទទួលបានតួលេខប្រាំទៅប្រាំមួយនៅក្នុងប្រាក់រង្វាន់ចុងឆ្នាំ ហើយថែមទាំងបានផ្តល់ប្រាក់ ២០០,០០០យន់ ដល់ក្រុមទៀតផង។ ក្នុងនោះថែមទៀតដែរ Yang Mi ក៏​បាននាំពួក​គេ​ទៅ​ធ្វើ​ដំណើរ​ទៅ​ក្រៅ​ប្រទេស ហើយ​ចែក​រំលែក​ផលិតផល​ដែល​នាង​គាំទ្រ​ជាមួយបុគ្គលិកថែមទៀតផង។

ដោយឡែកងាកទៅកាន់អ្នកលេងអ៊ីនធឺណិតឯណោះ បន្ទាប់ពីបានដឹងព័ត៌មាននេះរួចមក ម្នាក់ៗបានបញ្ចេញមតិសម្ដែងការរំភើបជំនួសបុគ្គលិករបស់នាង។ ជាពិសេសទៀតនោះគឺអំពើ​សប្បុរសដោយ​បាន​ដាក់​ឈ្មោះ​នាង​ថា​ជា ចៅហ្វាយ​ក្នុង​សុបិនរបស់បុគ្គលិកគ្រប់រូប។

អ្វីដែលកាន់តែចាប់អារម្មណ៍ខ្លាំងបំផុតនោះគឺអ្នកគាំទ្រជាច្រើនបានលើករឿងរ៉ាវកាលពីឆ្នាំ២០១២ នាពេលនោះ តារាស្រីដែលមានមូលដ្ឋាននៅប្រទេសចិនរូបនេះ គ្រោងនឹងចូលរួមក្នុងព្រឹត្តិការណ៍មួយដែលរៀបចំដោយម៉ាកយីហោប្រណីត Dior ក្នុងទីក្រុងហុងកុង នៅពេលដែលជំនួយការរបស់នាងបានបាត់លិខិតឆ្លងដែនរបស់នាងនៅនាទីចុងក្រោយ។

ជំនួសឲ្យការស្តីបន្ទោសជំនួយការ Yang Mi បានទទួលខុសត្រូវទាំងស្រុងចំពោះឧប្បត្តិហេតុនេះ ហើយបានបង្ហោះការសុំទោសជាសាធារណៈនៅលើប្រព័ន្ធផ្សព្វផ្សាយសង្គម។​ នៅពេលត្រូវបានសួរអំពីឆន្ទៈរបស់នាងក្នុងការលើកកម្ពស់អាជីពរបស់អ្នកចំណូលថ្មី Yang Mi បាននិយាយថា “ឧស្សាហកម្មកម្សាន្តគឺស្រដៀងទៅនឹងចានដ៏ធំ (អាហារ)ហើយខ្ញុំមិនអាចបញ្ចប់អ្វីគ្រប់យ៉ាងតែម្នាក់ឯងបានទេ។ វា​ល្អ​ជាង​ក្នុង​ការ​ផ្តល់​ឲ្យអ្នក​រាល់​គ្នា​នូវ​ឱកាស​ដើម្បី​បញ្ចេញ​ពន្លឺ និង​បង្ហាញ​ពី​ខ្លួន​ពួកគេ”។

ទោះយ៉ាងណាក៏ដោយ អ្នក​លេង​អ៊ីនធឺណិត​ម្នាក់​បាន​និយាយ​ថា “ខ្ញុំ​បាន​ឃើញ​បុគ្គលិក​ដែល​អម​ជាមួយ​នាង​ពាក់​របស់​ពី Loewe នៅ​ព្រលាន​យន្តហោះ ពួកគេ​សំណាង​ណាស់”។ អ្នក​ខ្លះ​ទៀត​ក៏​សរសើរ​តារា​រូប​នេះ​ថា​ ជា​ថៅកែ​ដែល​មាន​ចិត្ត​សប្បុរសបំផុតហើយក៏មិនដូចព័ត៌មានដែឡលេចឮកន្លងមកថានាងចិត្តដាច់សុខចិត្តឲ្យជំនួយការដើរហាលភ្លៀងឯនាងបែរទទូលឆ័ត្រម្នាក់ឯងវិញ៕

អត្ថបទ សាង ស្រីល័ក្ខ

ចុចអាន៖អ្នកមានឥទ្ធិពលចិនម្នាក់ ចំណាយប្រាក់រាប់សិបលានដុល្លារ កែសម្ផស្សតាំងពីអាយុ ១៣ ឆ្នាំ

The post Yang Mi ជាប់ឈ្មោះជាមេកើយចិត្តល្អ ក្រោយផ្ដល់ប្រាក់រង្វាន់ដល់បុគ្គលិក និងនាំដើរកម្សាន្តក្រៅប្រទេស appeared first on Kampuchea Thmey Daily.

អាស្រ័យហេតុនេះ ថ្វីត្បិតតែតារាស្រីទាំងពីររូបនេះបានលេចមុខក្នុងខ្សែភាពយន្តក៏ដោយ ប៉ុន្តែការពិតពួកគេទើបតែត្រូវបានផ្តល់ឲ្យនូវផ្នែកទីពីរប៉ុណ្ណោះ ដែលបម្រើជាផ្ទៃខាងក្រោយសម្រាប់តារាសម្តែងដែលមានទេពកោសល្យ ឬមនុស្សចាស់ឬរលកចាស់។ បើប្រៀបធៀបទៅនឹងស្ថានភាពពីមុនរបស់ពួកគេនៅក្នុងរឿងភាគទូរទស្សន៍ វាច្បាស់ណាស់ថា Yang Mi​ និង Zhao Liying មិនមានតម្លៃដូចគ្នានោះទេ។

ពេលទទួលតួទីពីរក្នុងរឿង Harbin ឆ្នាំ ១៩៩៤ ក្រោមសម្ពាធខ្លាំងពីអ្នកគាំទ្រ Yang Mi​ បានបង្ហោះអត្ថបទមួយនៅលើ Weibo បញ្ជាក់ថា ខ្លួនទទួលយកតួនាទីនេះ ព្រោះអាណិតតួរអង្គ ព្រោះតួសម្តែងល្អ ។ យ៉ាង​ណា​មិញ តារា​ស្រី​រូប​នេះ​ត្រូវ​បាន​គេ​ចំអក​ភ្លាមៗ​ថា​នាងគ្រាន់តែសម្ដែងយកលេស ព្រោះមិនសូវមានការងារប៉ុណ្ណោះ ដែលនេះបង្ហាញថា អាជីព​របស់​នាង​កំពុង​មាន​សញ្ញា​ធ្លាក់​ចុះ។

ចំណែក Zhao Liying វិញ តារាស្រីរូបនេះបានចំណាយពេលថតរឿង Ho Lang Chi Lo យូរណាស់មកហើយ ប៉ុន្តែក្រោយមកមិនមានព័ត៌មានអ្វីផ្សេងនោះទេ គ្មាននរណាម្នាក់ដឹងពីខ្លឹមសារជាក់លាក់នៃភាពយន្ត ឬកាលបរិច្ឆេទចាក់ផ្សាយនោះទេ។ ថ្មីៗនេះ តារាស្រីរូបនេះ ត្រូវបានគេនិយាយថា លេចមុខក្នុងរឿង Tuong Vien Long ប៉ុន្តែគេមិនដឹងថា នាងនឹងក្លាយជាតួសម្តែង ឬជាភ្ញៀវកិត្តិយសនោះទេ៕

ប្រែសម្រួល៖ សាង ស្រីល័ក្ខ

ប្រភព៖saostar

ចុចអាន៖Jennie ក្លាយជាតារាស្រីមានមុខលើទស្សនាវដ្តី Vogue ច្រើនជាងគេបង្អស់លើលោក

The post ត្បិតថាពង្រឹងការសម្ដែង ក៏អាជីពរបស់ Zhao Liying និង Yang Mi​ នៅតែធ្លាក់ចុះ appeared first on Kampuchea Thmey Daily.

ជាក់ស្ដែង​កាលពីពេលថ្មីៗនេះ តារាស្រី Yang Mi បានធ្វើឲ្យកក្រើកពេញ​អ៊ីនធឺណេត​ចិនម្តងទៀត ជាមួយនឹងរូបថតជាច្រើនសន្លឹក បង្ហាញពីរាងកាយដ៏​ស៊ិចស៊ីនិងភាពទាក់ទាញក្នុង​សំលៀកបំពាក់​ដ៏គួរឲ្យចាប់អារម្មណ៍នៃព្រឹត្តិការណ៍ VOGUEFILM នៅ​ទីក្រុងសៀងហៃ។

យ៉ាងណាមិញនៅពេលលេចមុខភ្លាម Yang Mi បានក្លាយជាចំណុចចាប់អារម្មណ៍នៃកន្លែងព្រឹត្តិការណ៍ទាំងមូល។ ដូច្នោះហើយ ក្នុងអំឡុងពេល​នៅលើកម្រាលព្រំក្រហម នាល្ងាចថ្ងៃទី ១៧ មិថុនា នាងបានជ្រើសរើសស្លៀករ៉ូបណ៌​បៃតងខ្ចីសក្តិសមនឹងស្បែកសរលោងឥតខ្ចោះ ជាមួយរាងស្លីមចង្កេះអង្ក្រង​ ជើងតូច និងខ្នងវាលរលោង ធ្វើឲ្យទស្សនិកជនច្រណែននឹងសម្រស់នាងយ៉ាងខ្លាំង។

ថ្វីត្បិតតែជិតឈានចូលវ័យ ៤០ឆ្នាំទៅហើយក្តី ប៉ុន្តែផ្ទៃមុខរបស់តារាស្រីរូបនេះនៅតែរលោងចែងចាំងដូចទេពធីតា មិនថាច្រើនឆ្នាំយ៉ាងណានោះទេ។ ការបង្ហាញខ្លួនរបស់តារាស្រីដែលមាននាមត្រកូល Yang​ លើកនេះ ធ្វើឲ្យអ្នកគាំទ្ររំជួលចិត្តនៅពេលដែលឃើញស្ទីលម៉ូដសក់ថ្មី និងការតុបតែងខ្លួនដ៏ស្រទន់របស់នាង៕

ប្រែសម្រួល៖ សាង ស្រីល័ក្ខ

ចុចអាន៖នាងតូចក្នុងរឿង “ឡៃឡាធីតាយក្ខ” បង្ហាញខ្លួនលើកម្រាលព្រំក្រហម អ្នកគាំទ្រចំណាំសឹងមិនស្គាល់

The post Yang Mi បង្ហាញខ្លួនក្នុងឈុតបៃតង ទស្សនិកជនសរសើរថា នាងស្អាតមិនសមវ័យសោះ appeared first on Kampuchea Thmey Daily.

នៅទំព័រហ្វេសបុកពត៌មានកម្សាន្តចិនមួយបានបង្ហោះរូបភាព Yang Mi ដែលវាជាទិដ្ឋភាពថតនៅ Forbes 2007 gala ពេលនោះ​តារាស្រីរូបនេះ​ទើបតែមានអាយុ ២១ ឆ្នាំប៉ុណ្ណោះ ខណៈនាង​ទទួលបាន​ពានរង្វាន់ Forbes Most Potential Celebrity Award ឆ្នាំ ២០០៧ នៅ​ក្នុងវប្បធម៌របស់​ប្រទេ​សចិន​ សម្រាប់​ខ្សែ​ភាពយន្ត​ភ័យ​រន្ធត់ The Door ។

ជាមួយគ្នានេះដែរអ្នកគាំទ្រនៅឯប្រទេសចិន បន្ទាប់ពីបានទស្សនារូបភាពនៃភាពយុវវ័យរបស់ Yang Mi ម្នាក់ៗលាន់មាត់ថាមិនគួរឲ្យជឿសោះថានាងមាន​រូបឆោម​ស្រស់ស្អាត​ខ្លាំងតាំងពីក្មេង​ ហើយ​មើល​ទៅ​សម្រស់​នេះ​គឺ​ធម្មជាតិពិតៗ​ មិនដូច​ជា​ព័ត៌មាន​បំភ្លៃ​ថា​ នាងលួចទៅ​កែសម្ផស្ស​នោះ​ទេ។

មកទល់ពេលនេះ Yang Mi ជា​តារាស្រី​ឈានមុខ​គេ​នៃ​វិស័យ​សិល្បៈ​ចិន​ទាំង​ការ​សម្ដែងនិងការថតផ្សាយពាណិជ្ជកម្ម​ នានា នាងចាប់ផ្តើម​ល្បីល្បាញពីតួនាទីជា Guo Xiang ក្នុងរឿង Jade Dragon Part 2: The Legend of the Battle of the Eagles (២០០៦), Three Lives Three Worlds, Ten Li Peach Forest (២០១៧) ជាដើម៕

ប្រែសម្រួល៖ សាង ស្រីល័ក្ខ

ចុចអាន៖Liu Yifei បង្ហាញសម្រស់មិនផាត់មុខម្ដងទៀត លើទឹកដីនៃប្រទេសបារាំង

ចុចអាន៖មកដឹងពីតម្លៃផ្ទះរាប់សិបលានរបស់ Michelle ស្ត្រីអាស៊ីដំបូងគេឈ្នះពានរង្វាន់ Oscars

The post រូបថតដ៏កម្ររបស់ Yang Mi ក្នុងវ័យ ២១ ឆ្នាំ កំពុងផ្ទុះការសរសើរសម្រស់ appeared first on Kampuchea Thmey Daily.