ជីវិតកម្សាន្ដ

អតីតឪពុកក្មេក Yang Mi ចោទអតីតកូនប្រសា ថា មិនដែលខ្វល់ ឬបារម្ភពីកូនស្រីបង្កើត

បានផុស

២ នាទីutes មុន

នៅ

ថ្ងៃចន្ទ ៩ មិថុនា ២០២៥

ដោយ

លោក Lau Dan ដែលជាឪពុករបស់តារាសម្តែងហុងកុង Hawick Lau បានចោទប្រកាន់អតីតកូនប្រសាស្រីរបស់គាត់ គឺតារាសម្តែង Yang Mi ពីការធ្វេសប្រហែសមើលថែកូនស្រីអាយុ ១១ឆ្នាំគឺនាងតូច Noemie Lau ដែលបច្ចុប្បន្នរស់នៅជាមួយឪពុករបស់នាង។

**តារាសម្ដែងចិន Yang Mi. រូបថតរបស់ Instagram**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកាសែត Dimsum Daily Lau Dan បានធ្វើការអះអាងជាច្រើននៅក្នុងបទសម្ភាសន៍ថា តារាស្រី វ័យ៣៨ឆ្នាំ មិនបានចូលរួមក្នុងការចិញ្ចឹមបីបាច់កូនស្រីឡើយ។ គាត់បានចង្អុលបង្ហាញថា នៅថ្ងៃឈប់សម្រាកបុណ្យទានម្ដងៗនាងមិនដែលហៅកូនស្រីទៅដើរកម្សាន្ត ចំណែកឯកូនក៏មិនដែលសួររកម្ដាយ ដែលនោះបានបង្ហាញពីទំនាក់ទំនងដ៏តឹងតែងរវាងអ្នកទាំងពីរ មិនសូវជាល្អប៉ុន្មានទេ។

ជាការឆ្លើយតបទៅនឹងការចោទប្រកាន់របស់លោក Lau Dan តារាសម្តែងតៃវ៉ាន់ Evonne Sie ដែលជាមិត្តជិតស្និទ្ធបានការពារតារាស្រីរូបនេះដោយពន្យល់ថា ជារឿយៗ Yang Mi ចែករំលែករូបថតជាមួយកូននាងជាលក្ខណៈឯកជន ហើយថាពួកគេតែងតែពិភាក្សាអំពីឪពុកម្តាយក្នុងអំឡុងពេលជួបគ្នាម្ដងៗ។ មិនតែប៉ុណ្ណោះ នាងបានទៅលេងកូនស្រីនៅហុងកុងជាច្រើនដង និងដោយប្រុងប្រយ័ត្នបំផុត ដើម្បីកុំឲ្យទាក់ទាញការចាប់អារម្មណ៍ពីសាធារណជនក៏ដោយ។

លើសពីនេះ Yang Mi ខ្លួននាងផ្ទាល់ធ្លាប់បាននិយាយទៅកាន់ឪពុកម្តាយក្មេកនៅក្នុងបទសម្ភាសន៍មួយថា នាងទៅសួរសុខទុក្ខកូនស្រីនៅពេលណាដែលអាចធ្វើទៅបាន ប៉ុន្តែមិនចូលចិត្តបង្ហាញពីពេលវេលា ឬលាតត្រដាងជីវិតឯកជនរបស់ Noemie Lau ។ Yang បានសង្កត់ធ្ងន់ថា គោលដៅចម្បងរបស់នាង គឺចង់ឲ្យកូនស្រី មានវ័យកុមារធម្មតាមិនមានការរំខានពីនរណាឡើយ។

សូមជម្រាបជូនថា Yang Mi បានចាប់ផ្តើមអាជីពសម្តែងតាំងពីកុមារភាព និងទទួលបានភាពល្បីល្បាញជាមួយនឹងតួនាទីនៅក្នុងរឿង «Palace» ដែលជារឿងប្រវតិ្តសាស្រ្តកាលឆ្នាំ ២០១១ ។ នាងត្រូវបានគេចាត់ទុកថាជាអ្នកស្នងតំណែងពី Four Dan Actresses របស់ប្រទេសចិន ដែលជាចំណងជើងដែលផ្តល់ទៅឲ្យតារាស្រីឆ្នើមដែលរកចំណូលបានច្រើនជាងគេរបស់ប្រទេស រួមមានតារាស្រី Xu Jinglei, Zhou Xun, Vicki Zhao និង Zhang Ziyi ។ ក្រោយអាជីពកាន់តែជោគជ័យល្បីសុះសាយ តួចិនរូបនេះបានរៀបការជាមួយលោក Hawick Lau ក្នុងឆ្នាំ ២០១៤ ប៉ុន្តែប្តីប្រពន្ធនេះបានលែងលះគ្នានៅក្នុង ២០១៨ ។ បន្ទាប់ពីពួកគេបែកគ្នា ស្វាមីត្រូវបានផ្តល់សិទ្ធិឲ្យមើលថែកូនស្រីរបស់ពួកគេ៕