Jennie ក្លាយជាតារាស្រីមានមុខលើទស្សនាវដ្តី Vogue ច្រើនជាងគេបង្អស់លើលោក

Jennie សមាជិកក្រុម BLACKPINK បានក្លាយជាតារាស្រីកូរ៉េខាងត្បូងលេចមុខលើគម្របទស្សនាវដ្តី Vogue ច្រើនជាងគេបំផុត​ នៅក្នុងវិស័យម៉ូដសំលៀកបំពាកនាឆ្នាំ២០២៣។ ពេញមួយឆ្នាំ វត្តមានរបស់នាងបានគ្របដណ្តប់លើការបោះពុម្ពជាច្រើន ដោយបង្ហាញពីឥទ្ធិពលដែលមិនអាចប្រៀបផ្ទឹមឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិស័យម៉ូដរបស់នាងបានចាប់ផ្តើមខ្លាំងក្នុងខែកុម្ភៈ ដោយ Jennie បានតុបតែងខ្លួនលើក្របរបស់ Vogue Korea មិនមែនម្តង ឬពីរដងទេ ប៉ុន្តែបីដង បង្កើតសម្លេងសម្រាប់ឆ្នាំដ៏អស្ចារ្យដែលអ្នកណាៗក៏សាទរចំពោះវត្តមាននាង។ ក្រោយមកក្នុងខែ​មេសា​ សមាជិកក្រុម BLACKPINK បាន​នាំ​មក​នូវ​ភាព​ពិសេស​ទ្វេ​ដង​ ​ខណៈ​នាង​បាន​ព្យាយាម​សម្រិត​សម្រាំង​លើ​ក្រប​របស់ Vogue របស់តៃវ៉ាន់។ ចំណែកនៅខែកក្កដា ទស្សនិកជនជាច្រើន បានឃើញភាពឆើតឆាយរបស់នាងជាថ្មីម្ដងទៀតនៅលើក្របទស្សនាវដ្តី Vogue Japan ។ នៅក្នុងរដូវក្តៅនៃខែកក្កដា និងសីហា Jennie បាននាំយកនូវភាពអស្ចារ្យបំផុតទៅកាន់ Vogue Singapore ម្ដង ។

ទោះយ៉ាងណាក៏ដោយ គិតត្រឹមឆ្នាំ ២០២៣ Jennie បង្ហាញវត្តមានលើគម្របទស្សនាវដ្តី Vogue ចំនួន ៧ ​គួរឲ្យកត់សម្គាល់។ ចំនួនដ៏គួរឲ្យចាប់អារម្មណ៍ដែលគ្រងមកុដនាងជាមហាក្សត្រីនៃទស្សនាវដ្តី Vogue សម្រាប់ឆ្នាំនេះគួរឲ្យសរសើរ។

យ៉ាងណាមិញ សរុបមកទាំង Jennie និងកំពូលតារាម៉ូដែល Amber Valleta ទាំងពីរផ្តល់គុណប្រយោជន៍ដល់ទស្សនាវដ្ដី Vogue ច្រើនបំផុតទីពីរទូទាំងពិភពលោក ដែលនីមួយៗមានសរុបចំនួន ៤ ស្របពេលដែល​ តារាម៉ូដែល Naomi Campbell នាំមុខ ៥ប៉ុណ្ណោះ៕

ប្រែសម្រួល៖ សាង ស្រីល័ក្ខ

ប្រភព៖KBIZoom

ចុចអាន៖Jungkook បង្ហាញ​ពី​ក្រោយ​ឆាក​នៃ​ការ​កោរ​សក់​ខ្លួន​ឯង មុនចូលបំពេញកាតព្វកិច្ចយោធា