រូបថតដ៏កម្ររបស់ Yang Mi ក្នុងវ័យ ២១ ឆ្នាំ កំពុងផ្ទុះការសរសើរសម្រស់

រូបថតកាលពី១៦ឆ្នាំរបស់តារាសម្ដែង Yang Mi កំពុងបង្កការភ្ញាក់ផ្អើលលើបណ្ដាញសង្គមអ៊ិនធើណេតចិន បន្ទាប់ពីទំព័រហ្វេសបុកមួយ​ទម្លាយ​សម្រស់​នាង​កាល​នៅ​វ័យ២១ឆ្នាំ ដែលកាលណោះនាងទទួលពានរង្វានឆ្នើមជាមួយរៀមច្បង។

នៅទំព័រហ្វេសបុកពត៌មានកម្សាន្តចិនមួយបានបង្ហោះរូបភាព Yang Mi ដែលវាជាទិដ្ឋភាពថតនៅ Forbes 2007 gala ពេលនោះ​តារាស្រីរូបនេះ​ទើបតែមានអាយុ ២១ ឆ្នាំប៉ុណ្ណោះ ខណៈនាង​ទទួលបាន​ពានរង្វាន់ Forbes Most Potential Celebrity Award ឆ្នាំ ២០០៧ នៅ​ក្នុងវប្បធម៌របស់​ប្រទេ​សចិន​ សម្រាប់​ខ្សែ​ភាពយន្ត​ភ័យ​រន្ធត់ The Door ។

ជាមួយគ្នានេះដែរអ្នកគាំទ្រនៅឯប្រទេសចិន បន្ទាប់ពីបានទស្សនារូបភាពនៃភាពយុវវ័យរបស់ Yang Mi ម្នាក់ៗលាន់មាត់ថាមិនគួរឲ្យជឿសោះថានាងមាន​រូបឆោម​ស្រស់ស្អាត​ខ្លាំងតាំងពីក្មេង​ ហើយ​មើល​ទៅ​សម្រស់​នេះ​គឺ​ធម្មជាតិពិតៗ​ មិនដូច​ជា​ព័ត៌មាន​បំភ្លៃ​ថា​ នាងលួចទៅ​កែសម្ផស្ស​នោះ​ទេ។

មកទល់ពេលនេះ Yang Mi ជា​តារាស្រី​ឈានមុខ​គេ​នៃ​វិស័យ​សិល្បៈ​ចិន​ទាំង​ការ​សម្ដែងនិងការថតផ្សាយពាណិជ្ជកម្ម​ នានា នាងចាប់ផ្តើម​ល្បីល្បាញពីតួនាទីជា Guo Xiang ក្នុងរឿង Jade Dragon Part 2: The Legend of the Battle of the Eagles (២០០៦), Three Lives Three Worlds, Ten Li Peach Forest (២០១៧) ជាដើម៕

ប្រែសម្រួល៖ សាង ស្រីល័ក្ខ

ចុចអាន៖Liu Yifei បង្ហាញសម្រស់មិនផាត់មុខម្ដងទៀត លើទឹកដីនៃប្រទេសបារាំង

ចុចអាន៖មកដឹងពីតម្លៃផ្ទះរាប់សិបលានរបស់ Michelle ស្ត្រីអាស៊ីដំបូងគេឈ្នះពានរង្វាន់ Oscars