ជីវិតកម្សាន្ដ

Liu Yifei បង្ហាញសម្រស់មិនផាត់មុខម្ដងទៀត លើទឹកដីនៃប្រទេសបារាំង

បានផុស

៣ years មុន

នៅ

ថ្ងៃព្រហស្បតិ៍ ៩ មីនា ២០២៣

ដោយ

តារាសម្ដែងចិន Liu Yifei បានធ្វើដំណើរទៅកាន់ប្រទេសបារាំងដើម្បីចូលរួមកម្មវិធី Paris Fashion Week 2023 ក្នុងនាមជាទូតសុឆន្ទៈឲ្យប្រេនលំដាប់ Louis Vuitton ខណៈនាងបង្ហាញមុខមិនតុបតែងដើរពាសពេញទឹកដីនៃទីក្រុងប៉ារីស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីកម្មវិធី Paris Fashion Week រួចរាល់ អ្នកគាំទ្រម្នាក់បានឃើញ Liu Yifei នៅសណ្ឋាគារមួយក្នុងទីក្រុងប៉ារីស ជាកន្លែងដែលនាងស្ថិតនៅក្នុងស្ថានភាពនៃមុខម្មជាតិដោយគ្មានការតុបតែង ឬធ្វើសក់ ប៉ុន្តែអ្នកគាំទ្រគិតថា នាងនៅតែស្រស់ស្អាត និងមើលទៅដូចជាមនុស្សស្រីក្នុងវ័យ២០ឆ្នាំប៉ុណ្ណោះ។ ក្នុងពេលជាមួយគ្នានោះដែររូបថតមុខធម្មជាតិរបស់នាងត្រូវហ្វេនបង្ហោះពាសពេញ ព្រមទាំងមានអ្នកសរសើរមិនដាច់ពីមាត់ពីសម្រស់ក្មេងខ្ចីនេះថែមទៀតផង។

ទោះយ៉ាងណាទស្សនិកជនជាច្រើនដែលប្រទះឃើញនាងចៃដន្យ សុទ្ធតែដឹងថា Liu Yifei ជាមនុស្សម្នាក់ដែលមិនសូវខ្វល់ពីរូបរាងខ្លួនខ្លាំងពេកទេ នៅពេលនាងចេញទៅក្រៅបង្ហាញជាសាធារណៈ។ ដោយឡែកកាលពីខែកុម្ភៈ តារាចិនរូបនេះបានបង្កការភ្ញាក់ផ្អើលដល់អ្នកគាំទ្រលើទឹកដីអាមេរិកម្ដងរួចទៅហើយ ក្នុងរូបភាពមិនតុបតែងមុខ និងបង្ហាញកាយវិការរួសរាយរាក់ទាក់ដាក់អ្នកគាំទ្រ ដែលមកសុំថតរូបជាមួយនាង៕