បន្ទាប់ពីទទួលបានភាពល្បីល្បាញជាតារាសម្តែង Michelle Yeoh ក៏ដូចជាក្នុងនាមជាសិល្បករអាស៊ីដែលទទួលបានជោគជ័យបំផុត ក៏ជ្រើសរើសសន្សំទ្រព្យសម្បត្តិដោយការទិញអចលនទ្រព្យឫផ្ទះនៅប្រទេសម៉ាឡេស៊ី និងហុងកុង។

កាលពីថ្ងៃទី១៤ ខែមីនា គេហទំព័រ HK01 បានរាយការណ៍ថា Michelle Yeoh មានទ្រព្យសម្បត្តិដ៏ច្រើនសន្ធឹកសន្ធាប់ដែលគេប៉ាន់ប្រមាណថាមានជាង ៤០ លានដុល្លារ។ ជាសិល្បករអាស៊ីដំបូងគេទទួលបានពានរង្វាន់ Oscars បានទិញអាផាតមិនថ្លៃៗ ជាច្រើននៅម៉ាឡេស៊ី និងហុងកុង ដើម្បីសន្សំទ្រព្យសម្បត្តិរបស់នាង ។

យោងតាមគេហទំព័រ HK01 តារាស្រីរូបនេះសុខចិត្តចំណាយប្រាក់ ៤.៤ លានដុល្លារដើម្បីវិនិយោគ លើអាផាតមិនប្រណីតនៅ Millennium Tower ក្នុងទីក្រុង San Francisco ។ ទោះយ៉ាងណាក៏ដោយការដេញថ្លៃរបស់ Michelle Yeoh បានបរាជ័យ ក្រោយមកនាងបានប្រើលុយដើម្បីប្តូរទៅទិញអាផាតមិនចំនួន ២ ដែលមានផ្ទៃដីសរុប ៥៤៧ m2 នៅ ស្រុកកំណើតរបស់នាងនៅប្រទេសម៉ាឡេស៊ី ។

ជាពិសេសតារាសម្តែង Michelle Yeoh បានវិនិយោគលើអចលនទ្រព្យនៅហុងកុងតាំងពីឆ្នាំ ១៩៩០ នាងបាន ទិញអាផាតមិនប្រណីតជាច្រើននៅតំបន់លំនៅដ្ឋាន Vivian Court ក្នុងតម្លៃ ៧៩០,០០០ ដុល្លារ។ បន្ទាប់ពីការកាន់កាប់រយៈពេល ៣០ ឆ្នាំ អចលនទ្រព្យនេះមានតម្លៃទីផ្សារ ៧៥ លានហុងកុង (៩.៥ លានដុល្លារអាមេរិក) ច្រើនជាងតម្លៃទិញដើម ១២ ដង។

ជាមួយគ្នានេះ យោងតាមសារព័ត៌មាន Oriental Daily បានឲ្យដឹងថា Michelle Yeoh និងស្វាមីមហាសេដ្ឋី Jean Todt បច្ចុប្បន្នរស់នៅទីក្រុងហ្សឺណែវ ប្រទេសស្វីស។ វីឡារបស់ពួកគេមើលឃើញភ្នំមានរចនាបថរាជវង្សអឺរ៉ុបជាមួយនឹងគ្រឿងសង្ហារិមថ្លៃៗ ដោយផ្ទះនេះមានតម្លៃរាប់សិបលានដុល្លារឯណោះ៕

ប្រែសម្រួល៖នាងតូច

ចុចអាន៖មកស្គាល់តារាហូលីវូដស្រីជនជាតិអាស៊ី ៤ ដួង ល្បីខ្លាំងក្នុងសតវត្សទី ១៩