ព័ត៌មានអន្ដរជាតិ

សរុបមីស៊ីលល្បឿនលឿន ដែលប្រទេសឥណ្ឌាផលិតបានកន្លងមក

បានផុស

៨ ខែ មុន

នៅ

ថ្ងៃព្រហស្បតិ៍ ២៣ តុលា ២០២៥

ដោយ

ស្របពេលដែលប្រទេសជាច្រើននៅទូទាំងពិភពលោក បង្ហាញការចាប់អារម្មណ៍ជាខ្លាំង ដោយចង់បញ្ជាទិញមីស៊ីលល្បឿនលឿន BraMos បន្ទាប់ពីឃើញប្រសិទ្ធភាពនៃអាវុធមួយនេះ បានបញ្ចេញឥទ្ធិពលរបស់វា ក្នុងកំឡុងពេលជម្លោះ ឥណ្ឌា-ប៉ាគីស្ថាន កាលពីដើមឆ្នាំ ។ នោះនាំឲ្យចំនួនមីស៊ីលក្នុងប្រទេសឥណ្ឌា កាន់តែកើនឡើងពីមួយឆ្នាំទៅមួយឆ្នាំ។

ទាំងនេះគឺជាតារាងសង្ខេបមីស៊ីលល្បឿនលឿនមួយចំនួនក្នុងប្រទេសឥណ្ឌា ជាមួយនឹងលក្ខណៈពិសេស និងស្ថានភាពសំខាន់ៗដែលនីមួយៗអាចផ្ទុកបាន។

ទី១. Shaurya

Shaurya គឺជាមីស៊ីលផ្លោងរយៈចម្ងាយខ្លី បាញ់ចេញពីដីទៅដី ដែលត្រូវបានបង្កើតឡើងដោយអង្គការស្រាវជ្រាវ និងអភិវឌ្ឍន៍ការពារជាតិឥណ្ឌា (DRDO)។ វាគឺជាមីស៊ីលចល័តដែលមានល្បឿនលឿនជាងសំឡេងដែលមានចម្ងាយពី ៧៥០-១,៩០០គីឡូម៉ែត្រ ដែលអាចផ្ទុកក្បាលគ្រាប់ធម្មតា ឬនុយក្លេអ៊ែរ ហើយត្រូវបានរចនាឡើងដើម្បីឲ្យពិបាកស្ទាក់ចាប់ដោយប្រព័ន្ធការពារមីស៊ីលប្រឆាំងមីស៊ីល ដោយសារភាពបត់បែនខ្ពស់។ វាគឺជាប្រភេទមីស៊ីល K-15 Sagarika ដែលបាញ់បង្ហោះនៅលើដីគោក។

ទី២. BrahMos

BrahMos គឺជាមីស៊ីលល្បឿនលឿនជាងសំឡេងជិត ៣ ដង ផលិតឡើងដោយក្រុមហ៊ុន BrahMos Aerospace ជាក្រុមហ៊ុនវិនិយោគរួមគ្នារវាង ឥណ្ឌា និងរុស្ស៊ី ។ វាអាចរត់ក្នុងចម្ងាយដល់ទៅ ៨០០ គីឡូម៉ែត្រ និងមានសមត្ថភាពវាយប្រហារចំគោលដៅសត្រូវក្នុងចម្ងាយប្រហែល ៤៥០ គីឡូម៉ែត្រ។ បើតាមសារព័ត៌មាន Times of India មីស៊ីល BraMos គ្រោងដាក់ដំណើរការនៅត្រឹមចុងឆ្នាំ ២០២៧ ឯណោះ។

ទី៣. ET-LDHCM

ET-LDHCM ជាមីស៊ីលធ្វើដំណើរលឿនជាងសំឡេង ដែលបង្កើតឡើងដោយអង្គការស្រាវជ្រាវ និងអភិវឌ្ឍន៍ការពារជាតិ (DRDO)។ វាត្រូវបានសាកល្បងដោយជោគជ័យក្នុងខែកក្កដា ឆ្នាំ ២០២៥ ក្រោមគម្រោងវិស្ណុ (Project Vishnu) ដែលបានចាត់ថ្នាក់ថា វាអាចហោះហើរក្នុងល្បឿនលឿននៃចម្ងាយយ៉ាងតិច១,៥០០ គីឡូម៉ែត្រ និងអាចផ្ទុកក្បាលគ្រាប់ធម្មតា ឬនុយក្លេអ៊ែរ។ កាំជ្រួចនេះត្រូវបានរចនាឡើងដើម្បីហោះហើរក្នុងរយៈកម្ពស់ទាប និងធ្វើសមយុទ្ធក្នុងការហោះហើរ ដែលធ្វើឲ្យវាពិបាកក្នុងការស្វែងរក និងស្ទាក់ចាប់បានណាស់។

ទី៤. K‑6 SLBM

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

K-6 គឺជាមីស៊ីលផ្លោងបាញ់ចេញពីនាវាមុជទឹក (SLBM) ដែលស្ថិតក្រោមការអភិវឌ្ឍន៍នៅក្នុងប្រទេសឥណ្ឌា ដោយអង្គការស្រាវជ្រាវ និងអភិវឌ្ឍន៍ការពារជាតិ (DRDO)ដូចគ្នា។ វាគឺជាមីស៊ីលឥន្ធនៈរឹងបីដំណាក់កាលដែលមានរយៈចម្ងាយរាយការណ៍ប្រហែល ៨ពាន់គីឡូម៉ែត្រ ដែលមានបំណងបំពាក់ដល់នាវាមុជទឹកថ្នាក់ S-5 នាពេលខាងមុខ។

លក្ខណៈពិសេសសំខាន់ៗ រួមមានល្បឿនបញ្ជូនឡើងវិញលឿនជាងសំឡេង ៧.៥ និងសមត្ថភាពច្រើនដោយឯករាជ្យ ដែលអាចកំណត់បានគោលដៅឡើងវិញ (MIRV) ដែលអនុញ្ញាតឲ្យវាវាយប្រហារគោលដៅច្រើនជាមួយនឹងការបាញ់បង្ហោះតែមួយ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖