កីឡា

ក្លឹបបាល់ទះអកសមុទ្រ បង្កើតពានរង្វាន់ U-20 ផ្ដល់ឱកាសដល់ក្មេងៗបានបញ្ចេញសមត្ថភាព

បានផុស

៧ ខែ មុន

នៅ

ថ្ងៃពុធ ១៩ វិច្ឆិកា ២០២៥

ដោយ

ដើម្បីជាការរួមចំណែកអភិវឌ្ឍន៍ និងផ្ដល់ឱកាសដល់យុវជនលេងបាល់ទះបានបញ្ចេញសមត្ថភាពក្លឹបបាល់ទះអកសមុទ្របានរៀបចំការប្រកួតពានរង្វាន់ SEA EAGLE VOLLEYBALL CHAMPIONSHIP U-20 នៅខែធ្នូ ឆ្នាំ២០២៥ បណ្ដាក្រុមនានាអាចចុះឈ្មោះចូលរួមប្រកួតប្រជែងបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្ដីប្រកាស

នេះបើតាមការឲ្យដឹងពីលោក ម៉ៅ សុផាន់ណៃ ម្ចាស់ក្លឹបបាល់ទះអកសមុទ្រ និងជាអ្នករៀបចំការកម្មវិធីបានបញ្ជាក់ថា ការប្រកួតនេះនឹងធ្វើឡើងរយៈពេល ១ខែធ្នូ ឆ្នាំ២០២៥ តែម្ដង។ ដោយឡែកការចុះឈ្មោះចូលរួមប្រកួតប្រជែងចាប់ទទួលពីថ្ងៃផ្សព្វផ្សាយនេះរហូតដល់ថ្ងៃទី២៥ ខែវិច្ឆិកា ឆ្នាំ២០២៥ ខាងមុខ។

ចំពោះលក្ខន្តិកៈនៃការចុះឈ្មោះតម្រូវឲ្យកីឡាករមានអាយុពី ២០ឆ្នាំចុះក្រោម។ ក្រៅពីនេះក៏អនុញ្ញាតឲ្យកីឡាករលើសអាយុអាចចូលរួមបាន ៣នាក់ផងដែរ ប៉ុន្តែអនុញ្ញាតឲ្យលេងត្រឹមតួនាទីជាអ្នកប៉ះសេ លីប្រូ ឬជាអ្នកការពារបាល់ប៉ុណ្ណោះ។

លោក ម៉ៅ សុផាន់ណៃ

ពានរង្វាន់ SEA EAGLE VOLLEYBALL CHAMPIONSHIP U-20 បង្កើតឡើងដើម្បីចូលរួមអភិវឌ្ឍន៍ធនធានបាល់ទះ និងជាការផ្ដល់ឱកាសដល់យុវជនក្មេងៗដែលហ្វឹកហាត់រួចបានបញ្ចេញសមត្ថភាព និងជាឱកាសវាស់ស្ទង់សមត្ថភាពផ្ទាល់ផង។

ការប្រកួតនេះនឹងធ្វើឡើងនៅតារាងបាល់ទះសាំហាន់ រាជធានីភ្នំពេញ។ ប្រសិនបើអ្នកនិយមបាល់ទះផ្សេងៗចង់សាកសួរព័ត៌មានបន្ថែមអាចទំនាក់ទំនងទៅកាន់លេខទូរសព្ទ 097 906 905 3 / 017 911 026៕