កូវីដ-១៩

សៀមរាបប្រកាសរកឃើញអ្នកឆ្លងជំងឺកូវីដ១៩ថ្មី ចំនួន៤នាក់បន្ថែមទៀត

បានផុស

៥ years មុន

នៅ

ថ្ងៃពុធ ៥ ឧសភា ២០២១

ដោយ

Sorn Phanith

ខេត្តសៀមរាបបានប្រកាសរកឃើញអ្នកវិជ្ជមានកូវីដ១៩ថ្មី ចំនួន៤នាក់បន្ថែមទៀត ដែលធ្វើឲ្យខេត្តនេះ មានអ្នកឆ្លងកើនឡើងដល់ជាង៥០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរដ្ឋបាលខេត្តសៀមរាបបានឲ្យដឹងថា អ្នកឆ្លងថ្មីចំនួន៤នាក់នោះ ទី១មានឈ្មោះក្រៀល ហឿន ភេទប្រុស អាយុ៣៩ឆ្នាំ ជាបុគ្គលិកផ្នែកលក់ឆ្នោតមហាសំណាង នៅភូមិក្រសាំងសង្កាត់ក្របីរៀល ក្រុងសៀមរាប ធ្វើដំណើរមកពីភូមិសន្សំកុសល១ សង្កាត់បឹងទំពុន១ ខណ្ឌមានជ័យ រាជធានីភ្នំពេញ។ ទី២ឈ្មោះ លីស ជី ភេទស្រី អាយុ៣១ឆ្នាំ រស់នៅសង្កាត់គោកចក ក្រុងសៀមរាប ជាអ្នកបម្រើការងារនៅមន្ទីរសម្រាកព្យាបាលគង់រឹទ្ធី២។ ទី៣ឈ្មោះ ហែល សុភាព ភេទប្រុស អាយុ៤០ឆ្នាំ រស់នៅភូមិស្វាយដង្គុំ សង្កាត់ស្វាយដង្គុំ ក្រុងសៀមរាប ដែលគាត់បានជូនប្រពន្ធមកទទួលសេវាពិនិត្យនិងព្យាបាលជំងឺ នៅមន្ទីរសម្រាកព្យាបាលគង់រឹទ្ធី២ និងទី៤ឈ្មោះ ពៅ សុគន្ធ ភេទប្រុស អាយុ២ឆ្នាំ រស់នៅភូមិរុនតាឯក ឃុំរុនតាឯក ស្រុកបន្ទាយស្រីមកពីខេត្តកោះកុង ជាមួយឪពុកនិងម្ដាយ ដែលឪពុកជាបុគ្គលិកក្រុមហ៊ុនសំណង់នៅខេត្តកោះកុង។

រដ្ឋបាលខេត្តបានបញ្ជាក់ថា មកដល់ពេលនេះ ខេត្តសៀមរាបមានអ្នកវិជ្ជមានកូវីដ១៩ ចំនួន៥១នាក់ បានព្យាបាលជាសះស្បើយចំនួន១៨នាក់ ស្លាប់១នាក់និង ៣៤នាក់កំពុងសម្រាកព្យាបាល នៅមន្ទីរពេទ្យបង្អែកខេត្តសៀមរាប៕

អត្ថបទ៖ សំអឿន

សូមចុចអាន៖ ក្នុង១ថ្ងៃខេត្តបន្ទាយមានជ័យប្រកាសរកឃើញអ្នកឆ្លងជំងឺកូវីដ-១៩ថ្មីជិត៦០នាក់បន្ថែមទៀត