ព័ត៌មានអន្ដរជាតិ
ថៃ ចាប់ផ្តើមចាក់វ៉ាក់សាំងការពារកូវីដ ខ្នាតធំដែលរង់ចាំយូរមកហើយ ក្រោយជួបរលកទី ៣ ដ៏អាក្រក់បំផុត
ប្រទេសថៃ នៅថ្ងៃចន្ទនេះ បានចាប់ផ្តើមយុទ្ធនាការចាក់វ៉ាក់សាំង ទ្រង់ទ្រាយធំដែលបានរង់ចាំជាយូរមកហើយ ខណៈដែលប្រទេសនេះ កំពុងប្រយុទ្ធប្រឆាំងនឹង រលកឆ្លងលើកទី ៣ និងអាក្រក់បំផុត ពីជំងឺកូវីដ ១៩ ។
រដ្ឋាភិបាលមានគោលបំណងចាក់វ៉ាក់សាំង AstraZeneca ដែលផលិតនៅក្នុងស្រុក និងវ៉ាក់សាំងនាំចូល Sinovac ចំនួន ៦ លានដូសក្នុងខែនេះ ដោយសង្ឃឹមថាអាចបន្ធូរបន្ថយក្ដីបារម្ភ អំពីការយឺតយ៉ាវយុទ្ធនាការចាក់ និងកង្វះការផ្គត់ផ្គង់វ៉ាក់សាំង ជាដើម ។
នៅក្នុងសេចក្តីអត្ថាធិប្បាយតាមទូរទស្សន៍ បន្ទាប់ពីបានធ្វើទស្សនកិច្ច នៅមជ្ឈមណ្ឌលចាក់វ៉ាក់សាំងមួយ ក្នុងទីក្រុងបាងកក លោកនាយករដ្ឋមន្រ្តី ប្រាយុទ្ធ ចាន់អូចា បាននិយាយថា “រដ្ឋាភិបាលនឹងធានា មនុស្សគ្រប់រូបត្រូវបានទទួលការចាក់វ៉ាក់សាំង” ។
រដ្ឋាភិបាលគ្រោងនឹងចាក់វ៉ាក់សាំង ឲ្យបាន ៧០ ភាគរយនៃប្រជាជនថៃ ជាង ៦៦ លាននាក់នៅចុងឆ្នាំនេះ ខណៈរហូតមកដល់ពេលនេះ ប្រជាជនចំនួន ២.៨ លាននាក់ ដែលត្រូវបានគេចាត់ទុកថាងាយរងគ្រោះបំផុត ក្នុងនោះរួមទាំងបុគ្គលិកផ្នែកសុខភាព និងបុគ្គលិកដឹកជញ្ជូន បានទទួលការចាក់ដូសដំបូង ។
ទន្ទឹមនោះ រដ្ឋាភិបាលបាននិងកំពុងស្វែងរក ប្រភពវ៉ាក់សាំងបន្ថែមទៀត នៅពេលដែលមានការព្រួយបារម្ភអំពី សមត្ថភាពផលិតរបស់ក្រុមហ៊ុន Siam Bioscience ដែលជាក្រុមហ៊ុនថៃ ផលិតវ៉ាក់សាំង AstraZeneca ក្នុងស្រុក ។
បន្ថែមពីនេះ ក្រសួងសុខាភិបាលបាននិយាយ នៅក្នុងសេចក្តីថ្លែងការណ៍មួយថា ប្រទេសថៃនឹងទទួលបាន នូវវ៉ាក់សាំង AstraZeneca បន្ថែមចំនួន ៣.២៤ លានដូស បន្ទាប់ពីពាក់កណ្តាលខែមិថុនានេះ ប៉ុន្តែមិនបានបញ្ជាក់ថា ចំនួនប៉ុន្មានដែលត្រូវបានផលិត ក្នុងប្រទេសនេះនោះទេ ។
ចំណែកប្រភពពីក្រសួងសុខាភិបាល បានប្រាប់ Reuters ថា រដ្ឋាភិបាលថៃបានទទួលវ៉ាក់សាំង AstraZeneca ផលិតក្នុងស្រុក ចំនួន ១.៨ លានដូសកាលពីថ្ងៃសុក្រ ហើយបានទទួល ២០០,០០០ ដូសទៀតពីប្រទេសកូរ៉េខាងត្បូង ខណៈប្រទេសថៃរំពឹងថា នឹងចុះហត្ថលេខាលើកិច្ចសន្យាមួយ នៅសប្តាហ៍នេះជាមួយវ៉ាក់សាំង Pfizer-BioNTech ចំនួន ២០ លានដូស ។
រហូតមកដល់ពេលនេះ រលកទី ៣ មានចំនួនឆ្លងច្រើនជាង ៨០ ភាគរយនៃការឆ្លងសរុប ខណៈក្រុមមន្រ្តីបានរាយការណ៍ថា មានករណីឆ្លងថ្មីចំនួន ២,៤១៩ ករណី និងស្លាប់ ៣៣ នាក់ទៀតនៅថ្ងៃចន្ទនេះ ដែលនាំឲ្យករណីឆ្លងសរុបកើនដល់ ១៧៩,៨៨៦ ករណី និងមានអ្នកស្លាប់សរុប ១,២៦៩ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»