ជីវិតកម្សាន្ដ

ក្រោយរងការរិះគន់បោះបង់ Pinky ពេលលំបាក Yardthip បង្ហោះសារបកស្រាយយ៉ាងវែងអន្លាយ

បានផុស

៤ years មុន

នៅ

ថ្ងៃពុធ ២៤ សីហា ២០២២

ដោយ

បន្ទាប់ពីតារាសម្ដែងស្រី Pinky ត្រូវប៉ូលិសបញ្ជូនខ្លួនទៅកាន់ពន្ធនាគារទាក់ទងនឹងក្ដីក្ដាំបោកប្រាស់លុយ ភ្លាមៗនោះដែរ អ្នកនិយមលេងអ៊ីនធឺណិតជាច្រើន បាននិយាយដូចៗគ្នាថា ហេតុអ្វីមិនឃើញមិត្តភ័ក្ដិក្នុងវិស័យសិល្បៈចេញមុខលើកទឹកចិត្ត Pinky ជាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ សូម្បីតែមិត្តសម្លាញ់ Yardthip Rajpal ក៏នៅតែមិនបានធ្វើចលនាណាមួយសោះ។ ស្របពេលដែរអ្នកលេងអ៊ីនធឺណិត ក៏បានអំពាវនាវឲ្យតារាស្រីរូបនេះជួយមិត្តភ័ក្ដិ ឬជាកម្លាំងចិត្តឲ្យមនុស្សដែលកំពុងស្ថិតក្នុងពន្ធនាគារផង។

ក្រោយមានប្រតិកម្មពីមហាជនជាច្រើន Yardthip ស្រាប់តែបង្ហោះសារនិយាយអំពីរឿងនេះថា នាងពិតជាមានអារម្មណ៍ថាសោកសៅខ្លាំងណាស់។ ព្រោះនាងក៏បានព្យាយាមទាក់ទងមិត្តភ័ក្ដិគ្រប់ពេល តាំងថ្ងៃមានព័ត៌មានចេញមក ប៉ុន្តែនៅតែមិនអាចទាក់ទងបានឡើយ។

នៅក្នុងសំណេរដ៏វែងអន្លាយ របស់តួស្រីក្នុងរឿង “ភ្លើងស្នេហ៍ប្រែពណ៌” រូបនេះបានសរសេរថា”ខ្ញុំបានដឹងព័ត៌មាននេះរួមជាមួយអ្នករាល់គ្នា។ ក្នុងករណីនេះ ខ្ញុំនៅមិនទាន់ដឹងថា នឹងមានអ្វីកើតឡើង។ ខ្ញុំមានតែលើកទឹកចិត្តដល់ជនរងគ្រោះ ឬអ្នកដែលរងទុក្ខទាំងអស់គ្នានៅទីនេះ។ ក្នុងនាមជាមិត្តភក្តិ ខ្ញុំសោកស្ដាយខ្លាំងណាស់! ហើយខ្ញុំក៏បានព្យាយាមទាក់ទងមិត្តភ័ក្ដិគ្រប់ពេល តាំងពីថ្ងៃដំបូង ប៉ុន្តែនៅតែមិនអាចទាក់ទងបានរហូតដល់ថ្ងៃនេះ។ ខ្ញុំអាចបានត្រឹមផ្ញើសារ ដើម្បីពង្រឹងគាត់នៅថ្ងៃគាត់ទន់ខ្សោយបំផុត ប៉ុន្តែខ្ញុំមិនចាំបាច់ត្រូវបង្ហោះលើបណ្ដាញសង្គមទេ។ ព្រោះខ្ញុំមិនចង់ឲ្យដំណឹងនេះបែកធ្លាយច្រើនឡើយ! ដូច្នេះហើយ អ្នកដែលមិនបង្ហោះជាសាធារណៈលើប្រព័ន្ធផ្សព្វផ្សាយសង្គម មិនមែនមានន័យថា គ្មានអារម្មណ៍អ្វីឡើយ”។

យ៉ាងណាមិញ មហាជនក៏ដាក់ការសង្ស័យថា មូលហេតុដែលនាងមិនចង់បង្ហាញជាសាធារណៈដល់អ្នកណាពីរឿងមិត្តសម្លាញ់ Pinky គឺដោយសារតែស្វាមីរបស់នាង ក៏មានឈ្មោះក្នុងបញ្ជី Forex-3D ខណៈពេលដែល Apirak ដែលជា CEO កំពុងរត់គេចពីការចាប់ខ្លួនរបស់ DSI ហើយ Apirak បានផ្ទេរទ្រព្យសម្បត្តិរបស់គាត់ទៅជាឈ្មោះផ្សេង។ ក្នុងនោះមានខុនដូដ៏ប្រណិតមួយប្រភេទ មានតម្លៃ ២៥០លានបាត ជាឈ្មោះ Rama Rassameerama ប្ដីរបស់ Yadthip នេះហើយ៕

ប្រែសម្រួល៖ សាង ស្រីល័ក្ខ

ចុចអាន៖Pinky អាចនឹងជាប់ពន្ធនាគារដល់ ៥ ម៉ឺនឆ្នាំ រឿងក្ដីក្ដាំបោកប្រាស់លុយគេ?

Related Topics:ប្រទេសថៃ តារាថៃ Pinky

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា