ជីវិតកម្សាន្ដ

អ្នកគាំទ្រចង់ឲ្យ Prang និង Prama ក្លាយជាគូស្នេហ៍ពិតៗ

បានផុស

៣ years មុន

នៅ

ថ្ងៃព្រហស្បតិ៍ ១៥ កញ្ញា ២០២២

ដោយ

បន្ទាប់ពីថតរូបពាក់អាវគូស្នេហ៍ជាមួយគ្នា តារាសម្ដែង Prang និង Prama Imanotai ត្រូវអ្នកគាំទ្រចង់ឲ្យស្រលាញ់គ្នាមែនទែន ព្រោះអ្នកទាំងពីរទើបតែប្រកាសប្រេះឆាជាមួយអ្នកចាស់ និងលីវដូចគ្នាថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ អ្នកគាំទ្រនិងមហាជនជាច្រើនចាប់អារម្មណ៍នឹងឈុតដែលគូនេះពាក់មកព្រមគ្នា ខណៈកាលពីម្សិលមិញនេះ នៅលើ Instagram របស់នាង បានបង្ហោះរូបភាពជាមួយ Prama ព្រមជាមួយខេបសិនថា spy lip gloss #ខ្ញុំនឹងស្លៀកពាក់ដដែលៗ។ ជាការពិតណាស់ ក្នុងរូបភាពនេះ ពួកគេទាំងពីរស្លៀកពាក់ដូចគ្នាខ្លាំងណាស់ សឹងតែថាពួកគេបានណាត់គ្នាស្លៀកពាក់ផង។

ក្រោយពីការបង្ហោះនេះត្រូវបានផ្សព្វផ្សាយ មានមហាជនជាច្រើនបានបញ្ចេញមតិទៅលើរូបនោះ សុទ្ធតែគាំទ្រចង់ឲ្យតួប្រុសស្រីក្នុងរឿង “បុព្វេសន្និវាស” ស្រលាញ់គ្នាពិតៗ។ ក្នុងនោះមនុស្សជាច្រើនបានបញ្ចេញមតិដូចៗគ្នាថាទាំង Prang និង Prama សុទ្ធតែនៅលីវដូចគ្នា ហើយទើបតែប្រកាសបែកពីសង្សារចាស់រៀងៗខ្លួន។ ដូច្នេះអ្នកទាំងពីរគួរភ្ជាប់ទំនាក់ទំនងគ្នា។ តើអាចទេ? ប្ដូរពីមិត្តភាពមកស្រលាញ់គ្នាដូចភាពយន្តដែលពួកគេធ្លាប់សម្ដែងរួមគ្នាជាដើម។

យ៉ាងណាមិញ ទស្សនិកជន ជាពិសេសហ្វេនៗរបស់អ្នកទាំងពីរ កំពុងតែមើលថាទំនាក់ទំនងនឹងទៅជាយ៉ាងណាបន្តទៀត។ ព្រោះកន្លងមកគេតែងឃើញគូនេះ បង្ហាញពីភាពជិតស្និទ្ធ និងចៃដន្យពាក់អាវស ខោខូវប៊យដូចគ្នា។ សូម្បីតែស្ថានភាពអ្នកទាំងពីរ គ្រាន់តែជាបងប្អូន មិត្តរួមការងារក្ដី តែក្រោមការបង្ហោះកន្លងមក គូនេះតែងសរសើរគ្នាទៅវិញទៅមកជានិច្ច៕

ប្រែសម្រួល៖ សាង ស្រីល័ក្ខ

ចុចអាន៖Kimberly បង្ហាញរូបរាងថ្មី ដើម្បីត្រៀមស្លៀកឈុតកូនក្រមុំ (មានវីដេអូ)

ចុចអាន៖១០ សន្លឹក ពី Bella Ranee ក្រោយប្រកាសខ្លួននៅលីវ កាន់តែស្រស់ស្អាតជាងមុន