ព័ត៌មានអន្ដរជាតិ

ក្មេងស្រីអាយុ ៦ ឆ្នាំម្នាក់នៅ ចិន ប៊ិះស្លាប់ដោយសារតែអាហារថ្ងៃត្រង់មួយពេល

បានផុស

៣ years មុន

នៅ

ថ្ងៃព្រហស្បតិ៍ ២០ មេសា ២០២៣

ដោយ

ក្មេងស្រីអាយុ៦ឆ្នាំម្នាក់បាត់បង់ស្មារតីភ្លាមៗ បន្ទាប់ពីបរិភោគឆាប៉េងប៉ោះជាមួយពងមាន់ ដែលលោកយាយធ្វើឲ្យទទួលទានជាអាហារថ្ងៃត្រង់ ខណៈគ្រូពេទ្យចង្អុលប្រាប់ថាកុមារីតូចប៊ិះនឹងស្លាប់ទៅហើយ។

បើតាមរបាយការណ៍ពី docbao បញ្ចាក់ថា ក្មេងស្រីជនជាតិចិនអាយុ ៦ ឆ្នាំរូបនេះ មានរោគសញ្ញាផ្សេងៗគ្នា បន្ទាប់ពីញ៉ាំអាហារថ្ងៃត្រង់ដូចសព្វដង។ នៅមុនពេលដែលកុមារីតូចក្អួត គ្រួសារស្រាប់តែភ័យស្លន់ស្លោ និងបញ្ជូនទៅមន្ទីរពេទ្យភ្លាមៗ។ ជាសំណាងល្អ នាងទទួលការព្យាបាលទាន់ពេលវេលា រហូតរោគសញ្ញាថមថយបន្តិចម្តងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកគ្រួសារកុមារីដដែលបានប្រាប់គ្រូពេទ្យថា នៅពេលថ្ងៃត្រង់កូនរបស់ពួកគេបានញ៉ាំពងមាន់ឆាប៉េងប៉ោះដែលជីដូនបានរៀបចំ។ វាក៏ជាមុខម្ហូបដែលកូនចូលចិត្តញ៉ាំ ហើយលោកយាយធ្លាប់ធ្វើស្ទើរតែរាល់ថ្ងៃ។ ប៉ុន្តែមិនដែលមានភាពមិនប្រក្រតីបែបនេះទេ។ នៅពេលសួរលម្អិតអំពីដើមកំណើតនៃស៊ុត និងប៉េងប៉ោះ និងស្ថានភាពអាហារ លោកយាយបាននិយាយថា ស៊ុតពិតជាស្រស់។ ប៉ុន្តែបញ្ហាអាចជាប៉េងប៉ោះ ព្រោះប៉េងប៉ោះទុំទាំងអស់នៅក្នុងផ្ទះ ដូច្នេះគាត់បានទៅចំការដើម្បីបេះប៉េងប៉ោះដែលមិនទាន់ទុំដែលមានពណ៌បៃតង។

ក្រោយឮសម្ដីលោកយាយភ្លាម វេជ្ជបណ្ឌិតបានដឹងពីមូលហេតុដោយថា ប៉េងប៉ោះទុំគឺជាអាហារសុខភាពមានសារធាតុចិញ្ចឹមច្រើន ប៉ុន្តែការទទួលទានវាច្រើនពេកគឺមិនល្អទេ។ ជាពិសេសជាមួយប្រព័ន្ធរំលាយអាហាររបស់កុមារ។ លើសពីនេះទៅទៀត គន្លឹះសំខាន់គឺនៅក្នុងប៉េងប៉ោះបៃតងដែលលោកយាយចម្អិនឲ្យចៅៗបរិភោគមានពណ៌បៃតង មានសារធាតុ solanin ច្រើន។ នេះអាចបណ្តាលឲ្យរលាកក្រពះ ចង្អោរ និងពិបាកដកដង្ហើម។ ក្នុងនោះក៏មានសារធាតុពុលជាច្រើនដែលមានគ្រោះថ្នាក់ដល់កុមារ និងមនុស្សធំ។ Solanin ក៏អាចបណ្តាលឲ្យខ្វិនប្រព័ន្ធសរសៃប្រសាទកណ្តាល ឈឺពោះ និងស្លាប់ផងដែរ។

ដូច្នេះ គ្រូពេទ្យណែនាំវាដល់គ្រួសារ និងឪពុកម្ដាយថាពួកគេគួរធ្វើម្ហូបសម្រាប់កុមារ ដោយប្រុងប្រយ័ត្នជាពិសេសកុមារតូចៗត្រូវប្រើប៉េងប៉ោះទុំ។ ដើម្បីចៀសវាងសារធាតុ solanin ដែលបង្កគ្រោះថ្នាក់ដល់សុខភាពកុមារនិងទារក៕