កីឡា

ក្រោយមានរង្វាន់ផ្ទះល្វែង ឥឡូវប្រដាល់គុនខ្មែរមានរង្វាន់រថយន្តទៀត

បានផុស

៣ years មុន

នៅ

ថ្ងៃព្រហស្បតិ៍ ៣ សីហា ២០២៣

ដោយ

ការប្រកួតប្រដាល់គុនខ្មែររយៈពេលពីរបីឆ្នាំចុងក្រោយនេះកាន់តែទទួលបានការចាប់អារម្មណ៍ខ្លាំងពីមហាជន ស្របពេលម្ចាស់ឧបត្ថម្ភកម្មវិធីហ៊ានចំណាយខ្ពស់ទាំងការផ្តល់តម្លៃខ្លួនដល់កីឡាករ និងប្រាក់រង្វាន់លើកទឹកចិត្ត។

ឈុត សេរីវ៉ាន់ថង ឈ្នះខ្សែក្រវាត់ទទួលបានផ្ទះល្វែង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករប្រដាល់ល្បីៗជួរមុខសព្វថ្ងៃនេះទទួលបានប្រាក់តម្លៃខ្លួនខ្ពស់ចាប់ពី៥០០ដុល្លារអាមេរិកឡើងក្នុងមួយប្រកួត ហើយរាល់ការប្រកួតដណ្តើមខ្សែក្រវាត់ក៏កាន់តែមានប្រាក់រង្វាន់ច្រើន។ កន្លងមកសង្វៀនទូរទស្សន៍ PNN បានរៀបចំការប្រកួតដែលផ្តល់ប្រាក់រង្វាន់រហូតដល់៤០លានរៀលដល់ម្ចាស់ខ្សែក្រវាត់មាស។

កាលពីធ្នូ ឆ្នាំ២០២២ សង្វៀនទូរទស្សន៍ប៉ុស្តិ៍លេខ៥បានរៀបចំការប្រកួតដណ្តើមខ្សែក្រវាត់នៅខេត្តសៀមរាបដោយមានរង្វាន់ជាផ្ទះល្វែង។ ព្រឹត្តិការណ៍ដ៏អស្ចារ្យមិនធ្លាប់មាននោះ ឈុត សេរីវ៉ាត់ថង បានក្លាយជាម្ចាស់ផ្ទះល្វែង និងខ្សែក្រវាត់ បន្ទាប់ពីបានយកឈ្នះលើកីឡាករ ឃីម បូរ៉ា ដែលបានចំណាត់ថ្នាក់លេខ២ទទួលបានដីឡូត៍មួយប្លង់ (១០x២០ម៉ែត្រ)។

ប៉ឹត សង្ឃឹម ឈ្នះខ្សែក្រវាត់ IPCC ទទួលបានប្រាក់រង្វាន់៤៨លានរៀល

កាលពីខែមីនា ប៉ឹត សង្ឃឹម បានឈ្នះខ្សែក្រវាត់គុនខ្មែរអន្តរជាតិ IPCC Kun Khmer នៅសង្វៀនទូរទស្សន៍ថោនដោយទទួលបានប្រាក់រង្វាន់៤៨លានរៀល។

បន្ទាប់មកនៅខែមិថុនាកន្លងទៅ លោកស្រី ទ្រី ដាណា បានរៀបចំការប្រកួតដណ្តើមខ្សែក្រវាត់ដោយកីឡាករ ឈុត សេរីវ៉ាន់ថង បានឈ្នះខ្សែក្រវាត់មរតកគុនខ្មែរ និងទទួលបានប្រាក់រង្វាន់៤០លានរៀល ព្រមទាំងមានខ្សែកមាស២តម្លឹងថែមទៀត។

អ្វីដែលកាន់តែធ្វើឲ្យមានការចាប់អារម្មណ៍នាពេលគឺមានការលេចឮមកថា គ្រោងមានព្រឹត្តិការណ៍ប្រកួត Kun Khmer All Star វគ្គ៨នៅរាជធានីភ្នំពេញដែលមានម្ចាស់ឧបត្ថម្ភគ្រោងដាក់រថយន្តមួយគ្រឿងជារង្វាន់ទៀត។

ឈុត សេរីវ៉ាន់ថង ឈ្នះខ្សែក្រវាត់ NNP ទទួលបានប្រាក់រង្វាន់៤០លានរៀល

អ្នកគាំទ្រធ្លាប់តែឃើញព័ត៌មានព្រឹត្តិការណ៍ប្រកួតប្រដាល់នៅប្រទេសថៃដែលមានរង្វាន់រថយន្តកន្លងមក ប៉ុន្តែពេលនេះគ្រោងមានរង្វាន់រថយន្តសម្រាប់ការប្រកួតប្រដាល់គុនខ្មែរដែលនេះជាការលើកទឹកចិត្តដ៏សំខាន់បំផុតដល់អ្នកប្រដាល់គុនខ្មែរ។ សព្វថ្ងៃនេះ កីឡាករប្រដាល់គុនខ្មែរមានជីវភាពធូរធារ និងមានរថយន្តផ្ទាល់ខ្លួនជិះទៅប្រកួតទៀតផង។

ក្នុងរយៈពេលប្រមាណ២ឆ្នាំចុងក្រោយនេះអាចចាត់ទុកជាយុគសម័យមាសសម្រាប់កីឡាប្រដាល់គុនខ្មែរ បន្ទាប់ពីកីឡាករល្បីៗមួយចំនួនទទួលបានជោគជ័យ និងបានផ្សព្វផ្សាយគុនខ្មែរឲ្យពិភពលោកបានស្គាល់។ ជាពិសេសគុនខ្មែរត្រូវបានដាក់ចូលក្នុងកីឡាស៊ីហ្គេម ឆ្នាំ២០២៣ ហើយសហព័ន្ធកីឡាប្រដាល់គុនខ្មែរអន្តរជាតិបានពង្រីកសមាជិកកាន់តែច្រើននៅលើពិភពលោក៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ