កីឡា

យុវជនព្រះខ័នរាជស្វាយរៀង ប៉ះ យុវជនសាមគ្គី វគ្គផ្តាច់ព្រ័ត្រពានស្វាយរៀងខាប់U18

បានផុស

២ years មុន

នៅ

ថ្ងៃចន្ទ ២០ វិច្ឆិកា ២០២៣

ដោយ

ក្រុមបាល់ទាត់យុវជនព្រះខ័នរាជស្វាយរៀងU18 បានឡើងវគ្គផ្តាច់ព្រ័ត្រជើងឯកស្វាយរៀងខាប់អាយុក្រោម១៨ឆ្នាំ ឆ្នាំ២០២៣ បន្ទាប់ពីបានយកឈ្នះ សសយក ស្រុកកំពង់រោទិ៍ នៅវគ្គពាក់កណ្តាលផ្តាច់ព្រ័ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមយុវជនព្រះខ័នរាជស្វាយរៀងធ្វើបានយ៉ាងល្អនៅវគ្គពាក់កណ្តាលផ្តាច់ព្រ័ត្រដោយបានលត់ក្រុម សសយក ស្រុកកំពង់រោទិ៍ ដោយលទ្ធផលតដៃមិនរួច ៤-០ នៅកីឡដ្ឋានខេត្តស្វាយរៀងកាលពីរសៀលថ្ងៃអាទិត្យ ទី១៩ ខែវិច្ឆិកា ឆ្នាំ២០២៣។

៤គ្រាប់របស់ព្រះខ័នរាជស្វាយរៀង U18 រកបានដោយកីឡាករ ស្តើង បញ្ញាសុភក្ត្រា ២គ្រាប់នៅនាទី៦២ និង ៨៨ ហើយកីឡាករ សុខ ស៊ីណេ រកបា១គ្រាប់នៅនាទី៥២ និងកីឡាករ ពៅ បញ្ញា រកបាន១គ្រាប់នៅនាទី៧២។

តាមរយៈជ័យជម្នះនេះ ក្រុមយុវជនព្រះខ័នរាជស្វាយរៀងបានឡើងទៅកាន់វគ្គផ្តាច់ព្រ័ត្រជួបក្រុមយុវជនសាមគ្គីដែលបានឡើងវគ្គផ្តាច់ព្រ័ត្រដោយស្វ័យប្រវត្តិ។ តាមពិតទៅ ក្រុមយុវជនសាមគ្គី ត្រូវប្រកួតជាមួយក្រុម សសយក ស្រុកស្វាយទាប នៅវគ្គពាក់កណ្តាលផ្តាច់ព្រ័ត្រ ប៉ុន្តែដោយសារខុសលក្ខន្តិកៈគឺមានកីឡាករលើសអាយុទើបត្រូវបានគណៈកម្មការរៀបចំការប្រកួតសម្រេចឲ្យចាញ់ដោយស្វ័យប្រវត្តិ ហើយក្រុមយុវជនសាមគ្គីបានឡើងវគ្គផ្តាច់ព្រ័ត្រដោយមិនចំណាយកម្លាំង។

ការប្រកួតវគ្គផ្តាច់ព្រ័ត្ររវាង ក្រុមយុវជនព្រះខ័នរាជស្វាយរៀង និង យុវជនសាមគ្គី នឹងធ្វើចុងសប្តាហ៍នេះនៅកីឡដ្ឋានខេត្តស្វាយរៀង៕