កីឡា

ក្រុមនារី ហ្គាំ មានសមាជិកលេងនៅក្រៅប្រទេសច្រើននាក់ ត្រៀមប៉ះ នារីកម្ពុជា

បានផុស

១២ ខែ មុន

នៅ

ថ្ងៃចន្ទ ២៣ មិថុនា ២០២៥

ដោយ

ក្រុមបាល់ទាត់ជម្រើសជាតិនារី ហ្គាំ បានធ្វើដំណើរមកដល់ប្រទេសកម្ពុជា កាលពីថ្ងៃទី ២១ ខែមិថុនា ដើម្បីប្រកួតមិត្តភាពអន្តរជាតិជាមួយ ក្រុមបាល់ទាត់ជម្រើសជាតិនារី កម្ពុជា នៅថ្ងៃទី ២៥ ខែមិថុនា ឆ្នាំ ២០២៥ នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមនារី ហ្គាំ អាចត្រូវបានចាត់ទុកជាក្រុមដែលមានកម្រិតសមត្ថភាព និងបទពិសោធខ្ពស់ជាង ក្រុមនារី កម្ពុជា ដោយផ្អែកលើស្ថិតិប្រកួត និងតារាងចំណាត់ថ្នាក់។ បច្ចុប្បន្ន ពួកគេស្ថិតនៅចំណាត់ថ្នាក់លេខ ៩៧ ក្នុងតារាងចំណាត់ថ្នាក់ពិភពលោក FIFA Women Ranking។ ពួកគេធ្លាប់ឡើងខ្ពស់បំផុតគឺលេខ ៦៦ កាលពីខែកក្កដា ឆ្នាំ ២០០៣ និងធ្លាក់ដល់កម្រិតទាបបំផុតគឺលេខ ១០១ កាលពីខែមីនា ឆ្នាំ២០២៤។

ចំណែក ក្រុមនារីកម្ពុជា ស្ថិតនៅលេខ ១១៨ ហើយធ្លាប់ឡើងខ្ពស់បំផុតដល់លេខ ១១៥ កាលពីខែមីនា ឆ្នាំ ២០២៤ និងធ្លាប់ធ្លាក់ទាបបំផុតគឺលេខ ១២០ កាលពីខែសីហា ឆ្នាំ ២០២២។

ក្រុមនារី ហ្គាំ មានបទពិសោធច្រើនក្នុងការរប្រកួតពានរង្វាន់អន្តរជាតិទាំងកម្រិតតំបន់ អាស៊ី និងពិភពលោកតាំងពីឆ្នាំ១៩៩៧មកម្ល៉េះ ខណៈក្រុមនារីកម្ពុជាទើបមានក្រុមចូលរួមប្រកួតពានអន្តរជាតតិកាលពីប៉ុន្មានឆ្នាំមុនប៉ុណ្ណោះ។

ក្រុមនារី ហ្គាំ ក៏មានសមាជិកមកពីក្រៅប្រទេសច្រើននាក់ដែលបានក្លាយជាកម្លាំងដ៏សំខាន់ជួយឲ្យពួកគេមានភាពរឹងមាំ។ សម្រាប់ការប្រកួតមិត្តភាពជាមួយកម្ពុជា នៅថ្ងៃទី២៥ ខែមិថុនានេះ មិនត្រូវបានបង្ហាញបញ្ជីឈ្មោះទាំងស្រុងទេ ប៉ុន្តែបើផ្អែកតាមបញ្ជីឈ្មោះចុងក្រោយ កាលពីឆ្នាំ២០២៤ គឺពួកគេមានកីឡាការិនីមកពីក្រៅប្រទេសច្រើននាក់។

សមាជិកត្រូវបានកោះហៅមកពីសហរដ្ឋអាមេរិកមាន កីឡាការិនី Kaia Villanueva ជាខ្សែបម្រើ អាយុ ១៨ ឆ្នាំ លេងនៅក្រុម Troy Warriors ។ កីឡាការិនី Jenae Perez ជាខ្សែបម្រើ អាយុ ២២ ឆ្នាំ លេងនៅក្រុម Cal State Fullerton Titans ។ កីឡាការិនី Mariana Gomez ជាខ្សែការពារ អាយុ ១៧ ឆ្នាំ លេងនៅក្លិប Polytechnic Panthers និង កីឡាការិនី Salora La Rosa ជាខ្សែបម្រើ អាយុ ២០ ឆ្នាំលេងនៅក្រុម Whittier Poets របស់សហរដ្ឋអាមេរិក។

ជាមួយគ្នានេះ កីឡាការិនី Jenna Merrill ជាខ្សែបម្រើមានបទពិសោធច្រើនគឺ អាយុ ៣៣ ឆ្នាំ លេងនៅក្រុម Stallion Laguna ប្រទេសហ្វីលីពីន និងកីឡាការិនី Rebeca Bartosh ជាខ្សែបម្រើ អាយុ ២៤ ឆ្នាំ លេងនៅប្រទេសអ៉ីតាលី។

ទោះបីជាយ៉ាងណា មានសមាជិកជាច្រើននាក់ទៀតមិនត្រូវបានបង្ហាញច្បាស់លាស់ឡើយទាំងអាយុ ក្លិប និងលេងនៅឯណា៕

អត្ថបទ៖ វីរបុត្រ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា