សន្តិសុខសង្គម

ជាងផ្សារដែកដំបូល ធ្លាក់កម្ទេចផ្កាភ្លើង ឆេះខ្ចុសស្បូវចំនួន ០៦ ខូចខាតទាំងស្រុង

បានផុស

១ year មុន

នៅ

ថ្ងៃអាទិត្យ ២៣ មីនា ២០២៥

ដោយ

អ៊ិន ពិសី

ធ្លាក់កម្ទេចភ្លើងពីលើដំបូលចុះមកក្រោមត្រូវខ្ចុសប្រក់ស្បូវ ចំនួន ០៦ ផ្អើលអស់សមត្ថកិច្ចចេញរថយន្តជួយអន្តរាគមន៍ពន្លត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កភ្ញាក់ផ្អើលកាលពីវេលាម៉ោង ១២ ថ្ងៃត្រង់ ថ្ងៃទី ២២ ខែមីនា ឆ្នាំ ២០២៥ នៅចំណុចផ្លូវ ៣០ ម៉ែត្រ ក្រោយវត្តឃ្មួញ សង្កាត់ឃ្មួញ ខណ្ឌសែនសុខ រាជធានីភ្នំពេញ។

តាមប្រភពព័ត៌មានពីប្រជាពលរដ្ឋបានឲ្យដឹងថា មុនកើតហេតុ មានជាងមួយក្រុមបានមកជួសជុល ដំបូល ដើម្បីផ្សារ ខណៈកំពុងតែផ្សារដំបូល ក៏ស្រាប់តែធ្លាក់កម្ទេចផ្កាភ្លើងចុះទៅក្រោម ដែលខាងក្រោមមានខ្ចុសប្រក់ស្បូវជាច្រើនជាប់ៗ គ្នា បណ្តាលឲ្យឆាបឆេះយ៉ាងខ្លាំងតែម្ដង។ ភ្លាមៗ ប្រជាពលរដ្ឋបាននាំគ្នាជួយយកទឹកបាញ់ពន្លត់ ប៉ុន្តែដោយសារអណ្តាតភ្លើងភាយចំហាយក្តៅខ្លាំងពេក ទើបសម្រេចចិត្តប្រញាប់រាយការណ៍ជូនសមត្ថកិច្ចជំនាញអគ្គិភ័យចុះមកជួយអន្តរាគមន៍។

អគ្គិភ័យនេះបានឆាបឆេះខ្ចុសប្រក់ស្បូវអស់ចំនួន ០៦ អស់ទាំងស្រុង និងប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ អស់ចំនួន ០២ គ្រឿង បាញ់ឲ្យរលត់ជាស្ថាពរ។ ចំពោះមូលហេតុ សមត្ថកិច្ចស្រាវជ្រាវរកឃើញថា បណ្តាលមកពីជាងផ្សារធ្លាក់កម្ទេចភ្លើង៕

អត្ថបទ ៖ រដ្ឋា