Connect with us

កីឡា

អ្នក​លេង​គុន​ខ្មែរ​ អ៊ូច​ ធារិទ្ធ​ ខ្សែក្រវាត់​ក៏​របូត​ ច្រមុះ​ក៏​បាក់​ទៅ​ទៀត​ការ​ប្រកួត​​យប់​មិញ​នេះ​

បានផុស

នៅ

ការ​ប្រកួត​ដណ្ដើម​ខ្សែក្រវាត់​ ISKA​ ទម្ងន់​ ៥៧​គីឡូក្រាម​កាល​ពី​យប់​ថ្ងៃ​ទី២០​ ខែ​កក្ដដា​ ឆ្នាំ​២០២៥​ នេះ​អ្នក​លេង​គុន​ខ្មែរ​ អ៊ូច​ ធារិទ្ធ​ ដណ្ដើម​ខ្សែក្រវាត់​មិន​បាន​ហើយ​មាន​របួស​បាក់​ក្ដោង​ច្រមុះ​ទៅ​ទៀត​នៅ​វគ្គ​ផ្ដាច់ព្រ័ត្រ​ជា​មួយ​ គោរមៈ ច័ន្ទរាជ្យ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពហ្វេសបុក អ៊ូច​ ធារិទ្ធ

បន្ទាប់​ពី​យក​ឈ្នះ​ដៃគូ​ទាំង​ពីរ​នាក់​មិន​ថា​ គោរមៈ​ ច័ន្ទរាជ្យ​ និង​ អ៊ូច​ ធារិទ្ធ​ រួចមក​គឺ​ពួកគេ​ត្រូវ​ប៉ះ​គ្នា​វគ្គ​ផ្ដាច់ព្រ័ត្រ​យក​ខ្សែក្រវាត់​ ISKA​ នេះ​តែ​ម្ដង។​ ការ​ប៉ះ​គ្នា​នេះ​ប្រើ​ពេល​ ៣ទឹក​ពេញ​រវាង​អ្នក​ទាំង​ពីរ​ទើប​រក​ឃើញ​ជើង​ខ្លាំង​ និង​ម្ចាស់​ខ្សែក្រវាត់​បាន។​

រូបភាពហ្វេសបុក អ៊ូច​ ធារិទ្ធ

អ៊ូច​ ធារិទ្ធ​ បាន​បង្ហោះ​ហ្វេសបុក​ក្រោយ​បញ្ចប់​ការ​ប្រកួត​ដោយ​ភ្ជាប់​មក​នូវ​អត្ថន័យ​សុំទោស​អ្នក​គាំទ្រ​ដែល​ដណ្ដើម​ខ្សែក្រវាត់​មិន​បាន​ហើយ​បែរ​ជា​មាន​របួស​បាក់​ក្ដោង​ច្រមុះ​ទៀត​ផង។​ របួស​នេះ​ អ៊ូច​ ធារិទ្ធ​ អាច​នឹង​ត្រូវ​សម្រាក​ចន្លោះ​ពី​ ២ខែ​ឡើង​ទៅ​​ទើប​អាច​វិល​ចូល​សង្វៀន​វិញ​បាន។​

របួសរបស់ ធារិទ្ធ

បញ្ជាក់​ដែរ​ថា​ កាល​ពី​យប់​​ថ្ងៃ​ទី២០​ ខែ​កក្ដដា​ ឆ្នាំ​២០២៥​ កីឡាករ​ អ៊ូច​ ធារិទ្ធ​ បាន​ប្រកួត​ម៉ារ៉ាតុង​ដណ្ដើខ្សែក្រវាត់​ ISKA​ ទម្ងន់​ ៥៧​គីឡូក្រាម។​ ដោយ​ជុំ​ទី១​ ឈ្នះ​កីឡាករ​ឡាវ​ ខណៈ​ជុំ​ទី២​ វគ្គ​ផ្ដាច់ព្រ័ត្រ​ចាញ់​ពិន្ទុ​ គោរមៈ​ ច័ន្ទរាជ្យ​ និង​មាន​របួស​បាក់​ក្ដោង​ច្រមុះ​ទៀត​ផង៕​

អត្ថបទដោយ​៖ នួន ស៊ីណា

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម