កីឡា

តារា កូនខ្មែរ-អាល្លឺម៉ង់ ចង់ចូលរួមជាមួយក្រុមយុវជនជម្រើសជាតិកម្ពុជា

បានផុស

១១ ខែ មុន

នៅ

ថ្ងៃអង្គារ ៥ សីហា ២០២៥

ដោយ

យុវជនកូនខ្មែរ-អាល្លឺម៉ង់ តារា ចង់ចូលរួមជាមួយក្រុមបាល់ទាត់យុវជនជម្រើសជាតិកម្ពុជា ប្រសិនបើមានឱកាស ខណៈររូបគេមានសកម្មភាពលេងបាល់ទាត់ជារៀងរាល់ថ្ងៃនៅប្រទេសអាល្លឺម៉ង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃអាទិត្យ ទី៣ ខែសីហា ឆ្នាំ ២០២៥ តារា និងឪពុករបស់ខ្លួនបានទៅទស្សនាការប្រកួតពានបើករដូវកាលថ្មី ខេមបូឌានស៊ុបភើខាប់ ឆ្នាំ ២០២៥ នៅពហុកីឡដ្ឋានជាតិអូឡាំពិក ក្នុងរាជធានីភ្នំពេញ។ ការទៅទស្សនាបាល់ទាត់នៅរាជធានីភ្នំពេញនេះដោយសាររូបគេ និងក្រុមគ្រួសារធ្វើដំណើរកម្សាន្តមកប្រទេសកម្ពុជាក្នុងពេលសម្រាកពីការសិក្សា។

សារព័ត៌មាន«កម្ពុជាថ្មី» បានជួប តារា និងឪពុករបស់គេដែលកំពុងទស្សនាការប្រកួត ហើយបានសាកសួរពីចំណាប់អារម្មណ៍របស់គេ។ យុវជនខ្មែរ-អាល្លឺម៉ង់ បានប្រាប់ថា រូបគេពិតជាចូលចិត្តបាល់ទាត់ និងចង់ក្លាយជាកីឡាករអាជីព។ ជាពិសេសរូបគេចង់ចូលរួមជាមួយក្រុមបាល់ទាត់ជម្រើសជាតិកម្ពុជានាពេលខាងមុខ ប្រសិនបើមានឱកាស។

គ្រាន់តែក្នុងពេលដំណើរកម្សាន្តមកប្រទេសកម្ពុជា រូបគេមិនទុកពេលវេលាចោលនោះទេគឺបានចេញទៅលេងបាល់ទាត់ជាមួយយុវជនផ្សេងទៀតជារៀងរាល់ថ្ងៃថែមទៀតផង។ តារា ដែលមានម្តាយជាជនជាតិខ្មែរ និងឪពុកជាជនជាតិអាល្លឺម៉ង់ទទួលបានការអប់រំយ៉ាងល្អពីម្តាយឲ្យចេះនិយាយភាសាខ្មែរ និងប្រទេសកម្ពុជា។ មិនត្រឹមតែប៉ុណ្ណោះឪពុកម្តាយតែងតែជំរុញលើកទឹកចិត្តកូនក្នុងការលេងបាល់ទាត់ ហើយឪពុកម្តាយក៏ចង់ឃើញកូនចូលរួមជាមួយក្រុមជម្រើសជាតិកម្ពុជាដែរ។ រូបគេទើបអាយុ ១៤ឆ្នាំ ប៉ុន្តែមានកាយសម្បទាខ្ពស់ធំល្អដែលមានអំណោយផលសម្រាប់ការលេងបាល់ទាត់តែម្តង៕