កីឡា

លោក ឈិន ឈឿន៖ បាល់ទាត់សម័យទំនើបខ្សែប្រយុទ្ធក៏ត្រូវចេះការពារ ខ្សែការពារក៏ត្រូវចេះទាត់ទីដែរ

បានផុស

៤ ខែ មុន

នៅ

ថ្ងៃអង្គារ ១០ មីនា ២០២៦

ដោយ

អតីតកីឡាករជម្រើសជាតិ លោក ឈិន ឈឿន ថាក្នុងវិស័យបាល់ទាត់សម័យទំនើបនេះមិនថាខ្សែប្រយុទ្ធ ឬខ្មែរការពារនោះទេគឺត្រូវចេះទាំងអស់មិនថាការទាត់បញ្ជូលទី និងការចុះមកជួយការពារជាដើមដោយមិនប្រកាន់តួនាទីរបស់ខ្លួននោះឡើយ។

លោក ឈិន ឈឿន (ខាងឆ្វេង)

លោក ឈិន ឈឿន បានលើកឡើងក្នុងវីដេអូចែករំលែកថា នៅក្នុងវិស័យកីឡាបាល់ទាត់បែបទំនើបនេះការពារគឺកីឡាករចុះមកការពារជាក្រុម និងពេលមានបាល់គឺកីឡាករឡើងប្រយុទ្ធជាក្រុមដូចគ្នាដែលនេះគឺខុសពីជំនាន់មុនៗ។ ចំណុចល្អមួយនេះគឺជួយក្រុមបានច្រើនអំឡុងការប្រកួតពិសេសនោះគឺមិនថាពេលខ្លួនឯងបាត់បាល់ ឬមិត្តរួមក្រុមបាត់បាល់ទេ ពោលមានស្មារតីជាក្រុម និងចង់ឈ្នះជូនចង់ជួយក្រុមតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ BENTO របស់បឹងកេត

គ្រូបង្វឹករបស់ក្រុមបាល់ទាត់តារាកម្ពុជាខាងលើបន្ថែមទៀតថា ជាក់ស្ដែងលោកពិតជាសរសើរចំពោះកីឡាករលេខ៧ របស់ក្រុមបាល់ទាត់បឹងកេតគឺ BENTO IAGO តែម្ដង។ រាល់ពេលបាត់បាល់គឺរូបគេតែងតែដេញយកបាល់វិញ ឬតែងតែចុះជួយក្រុមជានិច្ចដោយមិនប្រចាំតួនាទីនោះឡើយ។ សកម្មភាពបែបនេះគឺមានផលល្អខ្លាំងចំពោះក្រុម និងមិនសូវបង្កជាបញ្ហាខ្លាំងចំពោះក្រុមទេ។ ប្រសិនបើកីឡាករមានឆន្ទៈ ឬយល់ឃើញដូច BENTO IAGO កាន់តែច្រើនជឿជាក់ក្រុមទទួលបានផលល្អច្រើនដូចគ្នា។

រូបភាព CPL

បញ្ជាក់ដែរថា លោក ឈិន ឈឿន អតីតកីឡាករបាល់ទាត់ក្លឹបកងយោធពលខេមរភូមិន្ទ និងអតីកីឡាករជម្រើសជាតិកម្ពុជាផងដែរ។ រូបគេចូលនិវត្តន៍ពីបាល់ទាត់អំឡុងឆ្នាំ២០២២ ដោយសារបញ្ហារបួសជង្គង់។ បើទោះជាអតីតខ្សែការពាររូបនេះចូលនិវត្តន៍មែន ប៉ុន្តែមហាជនតែងតែឃើញរូបគេមានសកម្មភាពជាមួយបាល់ទាត់ជានិច្ច និងកំពុងបង្ហាត់ក្រុមបាល់ទាត់តារាកម្ពុជាទៀតផង។ បន្ថែមពីនេះរូបគេក៏ជាអ្នកបង្កើតមាតិកាកីឡាបាល់ទាត់មួយរូបនៅកម្ពុជាផងដែរ៕