វប្បធម៌ ជំនឿ
រុក្ខជាតិមួយប្រភេទជួយទម្លុះឧបសគ្គ និងបង្កើនថាមពលសុខភាព ចំពោះឆ្នាំ «ថោះ»
ដោយផ្អែកលើប្រតិទិនចិន មនុស្សកើតឆ្នាំ «ថោះ» គ្រិស្តសករាជ ១៩៧៥, ១៩៨៧, និង ១៩៩៩ ជាឆ្នាំរបស់ឆ្នាំសត្វទន្សាយ ពង្សមនុស្សស្រី និងមានធាតុឈើ។
ហេតុដូច្នេះហើយមនុស្សដែលកើតក្នុងឆ្នាំនេះ មានលេខសំណាង ០, ១, ៦ រីឯពណ៌នាំជោគលាភក្នុងឆាកជីវិត និងរបររកស៊ីគឺពណ៌ បៃតង ស្វាយ ខៀវ ប្រផេះ និងខ្មៅ។
បុគ្គលិកលក្ខណៈនៃអ្នកកើតឆ្នាំទន្សាយ ជាមនុស្សឆ្លាត និងពូកែ ហើយពួកគេអាចទទួលជោគជ័យទាំងវ័យក្មេង ស្ទើរគ្រប់វិស័យ។ ពួកគេមានកេរ្តិ៍ឈ្មោះល្អក្នុងចំណោមមិត្តភក្តិ ពីព្រោះពួកគេមានគំនិតទូលំទូលាយ ចេះអត់ធ្មត់ និងប្រុងប្រយ័ត្ន។ ពួកគេភាគច្រើនមានចក្ខុវិស័យប្លែក និងដឹងពីរបៀបប្រើទេពកោសល្យបានល្អ។
អ្នកដែលមានរាសីចក្រទន្សាយ មានចរិតរឹងមាំ ហើយតែងតែខិតខំអស់ពីសមត្ថភាពដើម្បីសម្រេចគោលដៅ។ ពួកគេពោរពេញទៅដោយមហិច្ឆតា និងមានសហគ្រិនភាពល្អ។ ពួកគេភាគច្រើនចូលចិត្តធ្វើដំណើរកម្សាន្តណាស់។ បុរសទន្សាយពូកែគិតគូរខិតខំមិនទំនេរដៃ ហើយមនុស្សស្រី វិញគឺសុភាពរាបសាមានលក្ខណៈសមរម្យ ហើយពួកគេច្រើនជានារីស្អាតៗ។
ពួកគេមានភាពវាងវៃ និងមានធនធានអំណាចមកពីកំណើត ដែលធ្វើឱ្យអ្នកផងមានចំណាប់អារម្មណ៍ ព្រោះតែពួកគេមានភាពរស់រវើកនិងរីករាយ។ ជាធម្មតាពួកគេទន់ភ្លន់ អត់ធ្មត់និងសុភាពរាបសា ដូច្នេះងាយស្រួលក្នុងការចុះសម្រុងគ្នាជាមួយអ្នកដទៃ។ ពួកគេក៏មានការប្រុងប្រយ័ត្នខ្ពស់និងមានទំនួលខុសត្រូវខ្ពស់ផងដែរ។
ទោះយ៉ាងណាក៏ដោយពួកគេច្រើនតែទុកឱ្យអ្នកដទៃមានអារម្មណ៍ថា ក្រអឺតក្រទមដោយសារតែបំណងប្រាថ្នាខ្ពស់និងគោលដៅធំ។ នៅពេលពួកគេមានអារម្មណ៍មិនល្អពួកគេច្រើនតែធ្វើឱ្យដៃគូខឹងនិងធ្វើឱ្យអ្នកដទៃឈឺចាប់ដោយពាក្យសម្ដី។
ពេលខ្លះពួកគេខ្វះភាពបត់បែនក្នុងការងារ ដូច្នេះពួកគេតែងតែដោះស្រាយបញ្ហាតាមរបៀបដូចមិនសូវពូកែខាងទំនាក់ទំនងសង្គមទេ។ លើសពីនេះទៅទៀតពួកគេមានភាពអត់ធ្មត់ខ្លាំងពេកដែលពួកគេមិនអាចនៅជាប់នឹងវត្ថុមួយបានយូរឡើយ។
ឯពេលខ្លះទៀតពួកគេទំនងជាមិនបញ្ចេញមតិដោយបើកចំហ ដូច្នេះវាពិបាកសម្រាប់មនុស្សក្នុងការយល់ពីគំនិតពិតរបស់ពួកគេ។ តាមពិតពួកគេស្មុគស្មាញណាស់ ហើយងាយនឹងមានអារម្មណ៍ឯកោ។ អារម្មណ៍របស់ពួកគេមិនមានស្ថេរភាពខ្លាំងទេ ហើយពួកគេអាចខឹងបានយ៉ាងងាយផង។
បើគិតតាមក្បួនហុងស៊ុយ មនុស្សឆ្នាំ «ថោះ» ត្រូវធាតុជាមួយដើមឬស្សីណាស់ ដោយហេតុថាពន្លកឬស្សីមិនមែនជាជម្រក ក៏ពុំមែនជាអាហារល្អនៃពពួកទន្សាយដែរ តែបែរជាកំពូលឱសថព្យាបាលពេលទន្សាយគុ្រន។ ដូច្នេះមនុស្សឆ្នាំនេះ អាចមានគំនូរឬស្សីនៅក្នុងផ្ទះ ក្បាលដំណេក ឬកន្លែងធ្វើការដើម្បីទម្លុះឧបសគ្គ និងបង្កើននូវថាមពលសុខភាពបានរឹងមាំ៕
អត្ថបទ៖ សន្យា
ចុចអាន៖ មើលវាសនាមនុស្សកើតឆ្នាំ «ឆ្លូវ» អ្វីខ្លះឆុងខ្លាំង ហើយអ្វីខ្លះត្រូវធាតុហុងស៊ុយ?
ចុចអាន៖ បុគ្គលិកលក្ខណៈ និងសញ្ញាសំណាងសម្រាប់មនុស្សឆ្នាំ «ខាល»
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ