ព័ត៌មានអន្ដរជាតិ
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
អ៊ីរ៉ង់បានបង្កើនការវាយប្រហារដោយអាវុធផ្លោងពីចម្ងាយបាលិស្ទិកនៅយប់ថ្ងៃទី១៥ខែមិថុនា បណ្តាលឲ្យចំនួនអ្នកស្លាប់បានកើនដល់១៣នាក់ ខណៈអ្នករងរបួសមានជាង២០០នាក់ក្នុងប្រទេសអ៊ីស្រាអែលដែលត្រូវបានគេដឹងថា មានខែលការពារមីស៊ីលដ៏មានប្រសិទ្ធភាពបំផុតក្នុងពិភពលោក ពីការវាយប្រហាររបស់សត្រូវ។
សេចក្តីរាយការណ៍របស់ Times of Israel បានកត់ត្រាថា ចំនួនអ្នកស្លាប់បានកើនឡើងដល់១០នាក់ និងជាង២០០នាក់បានរងរបួសក្នុងការវាយប្រហារដោយអាវុធបាលិស្ទិករបស់អ៊ីរ៉ង់លើទីតាំងជាច្រើនក្នុងប្រទេសអ៊ីស្រាអែល។
សេចក្តីរាយការណ៍ បានលើកឡើងថា យ៉ាងហោចណាស់៦នាក់បានស្លាប់និង៧នាក់បានបាត់ខ្លួនក្នុងការវាយប្រហាររបស់អ៊ីរ៉ង់ដោយប្រើប្រាសមីស៊ីសបាលិស្ទិក ត្រូវចំអគារលំនៅឋាននៅកណ្តាលក្រុង Bat Yam នៅយប់ថ្ងៃសៅរ៍។
ក្នុងចំណោមអ្នកស្លាប់ទាំង៦នាក់ចុងក្រោយ មានក្មេងស្រីអាយុ៨ឆ្នាំ និងក្មេងប្រុសអាយុ១០ឆ្នាំ និង១៨ឆ្នាំ នៅក្នុងទីក្រុង Bat Yam និងមានអ្នករបួសជាង១០០នាក់។
សម្រាប់ភាគីអ៊ីរ៉ង់វិញ រហូតមកដល់ពេលនេះ ការស្លាប់មានជិត៨០នាក់ ក្នុងនោះ មានទាំងមេបញ្ជាការជាន់ខ្ពស់យោធាឆ្មាំបដិវត្តន៍អ៊ីរ៉ង់ អ្នកវិទ្យាសាស្រ្តនុយក្លេអ៊ែរ កុមារ ស្រ្តី និង ជនស៊ីវិល ខណៈអ្នករបួសវិញមានជាង៣០០នាក់ ដែលមាន អ្នកវិទ្យាសាស្រ្តនុយក្លេអ៊ែរ កងកម្លាំងយោធា និងជនស៊ីវិល។
រហូតមកដល់ពេលនេះ សេចក្តីរាយការណ៍នានា បង្ហាញថា អ៊ីស្រាអែលបានវាយប្រហារលើហេដ្ឋារចនាសម្ព័ន្ធនុយក្លេអ៊ែរអ៊ីរ៉ងជាច្រើនកន្លង ដេប៉ូប្រែង និងមូលដ្ឋានយោធាជាច្រើនកន្លែង ខណៈអ៊ីរ៉ង់វិញ បាញ់ស្រោចមីស៊ីលបាលិស្ទិកតាមក្រុងនានារបស់អ៊ីស្រាអែល ដោយមានការជ្រុមជ្រែងការវាយប្រហារបាញ់ផ្លោងពីក្រុមសកម្មប្រយុទ្ធនៅបណ្តាប្រទេសជិតខាងអ៊ីស្រាអែលផង។
ការបើកការវាយប្រហាររបស់អ៊ីស្រាអែលលើប្រទេសអ៊ីរ៉ង់ ដែលអះអាងថា សំដៅដល់ការបំផ្លាញមូលដ្ឋានហេដ្ឋារចនាសម្ព័ន្ធនុយក្លេអ៊ែររបស់អ៊ីរ៉ង់។ ក្នុងការវាយប្រហារនេះ បានធ្វើឲ្យមហាអំណាចធំៗ ជាពិសេសសហរដ្ឋអាមេរិក និងរុស្ស៊ី និងចិនមើលមុខគ្នាលែងចំ ដោយភាគីអាមេរិកគាំទ្រអ៊ីស្រាអែល ខណៈចិននិងរុស្ស៊ីគាំទ្រអ៊ីរ៉ង់ និងថ្កោលទោសអ៊ីស្រាអែលយ៉ាងចាស់ដៃ៕
រ៉ាន់ រើយ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម