ព័ត៌មានអន្ដរជាតិ

ជម្លោះអ៊ីរ៉ង់-អ៊ីស្រាអែល៖ អ្នកស្លាប់និងរបួសកើនឡើង ចំពេលបង្កើនការវាយប្រហារគ្នា

បានផុស

១ year មុន

នៅ

ថ្ងៃអាទិត្យ ១៥ មិថុនា ២០២៥

ដោយ

ចំនួនអ្នកស្លាប់ក្នុងប្រទេសអ៊ីស្រាអែលបានកើនឡើងដល់៥នាក់ និង រាប់សិបនាក់ផ្សេងទៀតបានរងរបួស ក្នុងបាញ់ផ្លោងវាយប្រហារសងសឹករបស់អ៊ីរ៉ង់ និងក្រុមសកម្មប្រយុទ្ធដែលគាំទ្រដោយអ៊ីរ៉ង់លើអ៊ីស្រាអែល ដោយប្រើប្រាស់មីស៊ីល និងយន្តហោះគ្មានមនុស្សបើកពីច្រើនទិសសំដៅក្រុងរបស់អ៊ីស្រាអែល។

ការបាញ់ផ្លោងរបស់អ៊ីរ៉ង់លើទីក្រុង Tel Aviv របស់អ៊ីស្រាអែលនៅយប់ថ្ងៃសៅរ៍។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍ផ្ទាល់របស់ Times of Isralel របស់ប្រទេសអ៊ីស្រាអែល ជនស៊ីវិល១មានស្លាប់នៅថ្ងៃអាទិត្យនេះ ខណៈមនុស្ស៣០ផ្សេងទឪតរងរបួសក្នុងភាគកណ្តាលប្រទេសអ៊ីសា្រអែលដោយសារការវាយប្រហាររបស់អ៊ីរ៉ង់។

ការស្លាប់បណ្តាលមកពីការបាញ់ផ្លោងរបស់អ៊ីរ៉ង់បានកើនឡើងដល់៥នាក់ រួមទាំងការស្លាប់៤នាក់នៃសមាជិកគ្រួសារ១កាលពីថ្ងៃសៅរ៍។ នេះ យោងតាមក្រសួងការពារជាតិអ៊ីស្រាអែល (IDF)។

យោងការផ្សាយរបស់ The Guardian ភាគីអ៊ីស្រាអែលបង្កើនការវាយប្រហារលើអ៊ីរ៉ង់ ដោយសម្លាប់មនុស្សយ៉ាងហោចណាស់៧៨នាក់ និងបណ្តាលឲ្យរបួសជាង៣០០នាក់នៅក្នុងប្រទេសអ៊ីរ៉ង់។

ក្នុងវិស័យការទូតវិញ ប្រទេសជាច្រើនជុំវិញពិភពលោកជំរុញឲ្យអ៊ីរ៉ង់និងអ៊ីស្រាអែលប្រឹងប្រែងអត់ធ្មត់ និងងាកទៅរកដំណោះស្រាយការទូត ប៉ុន្តែប្រធានាធិបតីសហរដ្ឋអាមេរិក លោក ដូណាល់ ត្រាំ បានបញ្ចេញការព្រមានអ៊ីរ៉ង់ ដោយបង្ខំឲ្យចុះកិច្ចព្រមព្រៀងនុយក្លេអ៊ែរ មុននឹងអ្វីៗបាត់បង់។

ប្រធានាធិបតីមហាអំណាចរុស្ស៊ី លោក វ៉្លាឌីមៀរ ពូទីន ដែលថ្កោលទោសអ៊ីស្រាអែលយ៉ាងចាស់ដៃចំពោះការវាយប្រហារអ៊ឺរ៉ង់ដែលជាសម្ពូន្ធមិត្តដ៏ស្អិតរមួតរបស់ខ្លួនក្នុងសង្គ្រាមនៅអ៊ុយក្រែន បាននិយាយទូរស័ព្ទជាមួយ ប្រធានាធិបតិសហរដ្ឋអាមេរិក លោក ដូណាល់ ត្រាំ ប៉ុន្តែមិនមានការផ្សព្វផ្សាយពីលទ្ធផលនៃការពិភាក្សារបស់ប្រមុខមហាអំណាចទាំងពីរនេះទេ។

រ៉ាន់ រើយ