វប្បធម៌ ជំនឿ
ខ្វះពីរចំណុចទៀត ព្រះបរមរូប ព្រះបាទជ័យ វម៌្មនទី៧ នឹងជួសជុលបំពេញដូចរូបដើម ១០០%
ព្រះបរមរូប១ ក្នុងចំណោមព្រះបរមរូបចំំនួន ២ របស់ ព្រះបាទ ជ័យវម៌្មនទី៧ ដែលបាន និងកំពុងបន្តជួសជុល នៅសល់ ២ ចំណុចទៀត នឹងបានសម្រេចដូចទ្រង់ទ្រាយដើម ១០០ ភាគរយ។
លោក សុខ សូដា អនុប្រធាននាយកដ្ឋានសារមន្ទីរជាតិ មានប្រសាសន៍ ប្រាប់ “កម្ពុជាថ្មី” ថា សារមន្ទីរជាតិ មាន ព្រះបរមរូប ព្រះបាទ ជ័យវម៌្មនទី៧ ដែលមានទាំងដងព្រះកាយ និងព្រះសិរ ចំនួន ២អង្គ។ អង្គទី១ បានជួសជុល និងដាក់តាំងនៅសាលពិព័រណ៍ និងទើបបានរកឃើញ ព្រះហត្ដប្រណម្យ និងដងខ្លួនមួយទៀត ដែលមានព្រះសិរស្អាត មានកំប៉ោយ ឬ ហៅថា ព្រះបាទ ជ័យវម៌្មនទី៧ កាលនៅក្មេង ចំណែកដងខ្លួនមួយទៀតដែលមានដងខ្លួនដែរ តែបាត់កំប៉ោយ គេហៅ ព្រះបាទ ជ័យវម៌្មនទី៧ ពេលចាស់។
លោក សុខ សូដា មានប្រសាសន៍បន្តថា៖ “ការងារជួសជុល ព្រះបរមរូប មានកំប៉ោយ ដែលមានដងខ្លួនត្រង់ ហើយកន្លែងស្មាទាំងពីរមានស្នាមដុំកម្ទេច យើងបានតព្រះសិរចូលវិញហើយ ប៉ុន្តែនៅសារមន្ទីរ មិនតាំងបង្ហាញទាំងព្រះសិរ និងដងខ្លួននោះទេ ព្រោះយើងគិតពីសោភណ្ឌភាព ព្រោះព្រះសិរដែលស្អាតគ្មានពីរ ហើយយកទៅតាំងលើដងខ្លួនដែលបាក់បែកខ្លាំង គឺអាចនាំឱ្យថយសោភណ្ឌភាពព្រះសិរវិញ។ សព្វថ្ងៃ សារមន្ទីរអ៊ឹមភី បានខ្ចីយកទៅតាំងពិព័រណ៍នៅក្រៅប្រទេស ដែលគេដាក់ព្រះសិរ និងដងខ្លួនចូលគ្នា”។
អនុប្រធាននាយកដ្ឋានសារមន្ទីរ រូបនេះ មានប្រសាសន៍បន្ថែមថា ដោយឡែក ព្រះបរមរូបមួយទៀត ដែលកំពុងជួសជុលនៅសារមន្ទីរ កាលមិនទាន់រកឃើញព្រះហត្ដ ក្រុមការងារជំនាញរោងជាងជួសជុលថ្មនៅសារមន្ទីរ គិតថា ការជួសជុសសម្រេចបាន ១០០% ដោយ ក្រុមការងារបានចាប់ផ្ដើមជួសជុល ព្រះបរមរូប នៅឆ្នាំ១៩៩៨ និងបញ្ចប់នៅឆ្នាំ១៩៩៩ សម្ពោធក្រោមអធិបតីភាព ព្រះបរមរតនកោដ្ឋ។ លុះឆ្នាំ២០២១ គេបានរកឃើញបំណែកព្រះហត្ដ ២ដុំ និងបានសិក្សាស្រាវជ្រាវ ព្រមទាំងយកទៅថតប្រព័ន្ធ 3D ឃើញថា ជាព្រះហត្ដរបស់ព្រះអង្គ នាំឱ្យការសម្រេចការងារជួសជុលត្រូវថយនៅត្រឹម ៧៥% វិញ។
លោក សុខ សូដា មានប្រសាសន៍បន្តថា៖ “យើងបានផ្គូផ្គងនៅឆ្នាំ២០២២នេះ ឃើញថាត្រូវហើយ អ៊ីចឹងចំណុចដែលខ្វះខាត យើងបានសូនជាដីឥដ្ឋ ហើយបោះជាម្នាងសិលា ហើយផ្គូផ្គងម្ដងទៀត ដឹងទម្រង់ពិត និងបោះចេញជាស៊ីម៉ងត៍ចំនួន២។ មួយសម្រាប់ បើមានការអនុញ្ញាតពីថ្នាក់ដឹកនាំក្រសួងវប្បធម៌ យើងនឹងភ្ជាប់បំណែកព្រះហត្ដនោះ ជាមួយស៊ីម៉ងត៍ ដោយប្រើបច្ចេកទេសដាក់កាវមិនឱ្យថ្ម និងស៊ីម៉ងត៍ប៉ះគ្នាទេ។ ចំណែកមួយទៀត យើងនឹងផ្ញើទៅក្រុមអភិរក្សអង្គរ ដើម្បីស្វែងរក និងផ្គូផ្គងរកបំណែកព្រះហត្ដពិតប្រាកដដែលបានបាក់បែក”។
លោក សុខ សូដា បញ្ជាក់បន្ថែមថា៖ “អ៊ីចឹង បើមានការអនុញ្ញាតពីថ្នាក់ដឹកនាំក្រសួងវប្បធម៌ ឱ្យយើងភ្ជាប់ព្រះហស្ដខាងស្ដាំ និងកំណាត់ខាងឆ្វេង នោះយើងនឹងបានលទ្ធផលសម្រេច ៩០% ហើយ ដោយអាចចំណាយរយៈពេលមួយខែ ហើយបើបានរកឃើញកំប៉ោយភ្នួងសក់ទៀត នោះនឹងបាន ១០០%”។
គួរបញ្ជាក់ថា ព្រះបាទ ជ័យវម៌្មនទី៧ មានព្រះមាតាព្រះនាម ស្រីរាជ ចូឌាមណី ជាបុត្រី ព្រះបាទហស៌វម៌្មទី៣ និងព្រះបិតាព្រះនាម ធរណិន្ទ្រវម៌្មទី២ ត្រូវជាបងជីដូនមួយរបស់ ព្រះបាទសូរ្យវម៌្មទី២។ ព្រះអង្គជាស្តេចមានឫទ្ធាអំណាចខ្លាំងក្លា ព្រមទាំងជួយឱ្យអាណាចក្រខ្មែរនៅសម័យអង្គររុងរឿងស្ទើរគ្រប់វិស័យ ទាំងផ្នែកសឹកសង្រ្គាម នយោបាយ ការវាតទឹកដី សុខាភិបាល វិស័យសំណង់ អក្សរសាស្រ្ត អក្សរសិល្ប៍ សិល្បៈ វប្បធម៌ អរិយធម៌ល្បីរន្ទឺរហូតមកដល់សព្វថ្ងៃ តួយ៉ាងដូចជាប្រាសាទអង្គរធំ ប្រាសាទបាយ័នជាដើម។ ព្រះបាទ ជ័យវម៌្មនទី៧ ជាស្តេចគិតពីផលប្រយោជន៍ជាតិជាធំ ស្រឡាញ់ដឹងសុខទុក្ខប្រជាជន តាមរយៈសិលាចារឹកមន្ទីរពេទ្យរបស់ព្រះអង្គចារថា៖ “ជំងឺរបស់ប្រជារាស្ត្រ ធ្វើឱ្យព្រះអង្គឈឺចាប់ជាងជំងឺផ្ទាល់របស់ព្រះអង្គទៅទៀត ព្រោះថា សេចក្តីឈឺចាប់សាធារណៈនេះហើយ ជាសេចក្តីឈឺចាប់របស់ព្រះរាជា ពុំមែនសេចក្តីឈឺចាប់ផ្ទាល់ទេ ដែលអាចធ្វើឱ្យព្រះអង្គឈឺចាប់បាននោះ”៕
អត្ថបទ៖ ច័ន្ទ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ