ជំនឿ

អ្នកដែលគិតថា ឆ្នាំច«ឆុង»អានចប់ សប្បាយចិត្ត ឡើងវិញបានហើយ!

បានផុស

៤ ខែ មុន

នៅ

ថ្ងៃអាទិត្យ ២៤ មករា ២០២១

ដោយ

យោងទៅតាមការទស្សន៍ទាយសំណាងប្រើក្បួនចិនបុរាណ មនុស្ស ឆ្នាំច រាសីច្រក្ទូទៅនៅឆ្នាំ ២០២១ ទំនងជាមានបញ្ហាខាង ជីវិតគូ រកាំរកូសគ្រួសារ បេះដូងរងា តែរឿងលុយកាក់និងអាជីពនៅតែល្អដល់កំពូល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម travelchinaguide បានទស្សន៍ទាយថា បុរសស្ត្រីណាក្តី កើតលេខរៀងទី ១១ ក្នុងវដ្ដទាំង១២នៃវស្សាចក្រចិន រួមមានឆ្នាំ ១៩២២, ១៩៣៤, ១៩៤៦, ១៩៥៨, ១៩៧០, ១៩៨២, ១៩៩៤, ២០០៦, ២០១៨, ២០៣០, ២០៤២ ជាឆ្នាំច«ឆ្កែ» នឹងរក្សាការបានតំណែងល្អរឹងមាំ ឬអាចឱកាសឡើងផង នៅក្នុងវិស័យរកស៊ីការងារ។ លុយកាក់ក៏នៅតែចូលធំអំឡុង ខែកុម្ភៈ មិនា មេសា និងតុលា ចំណែកឆុងខ្លាំង គឺ រឿងទំនាក់ទំនង ជីវិតផ្ទាល់ខ្លួន។ ក្នុងឆ្នាំឆ្លូវនេះ មនុស្សរាសីចក្រ«ច» នឹងជួបបញ្ហាខាងស្នេហា ឬគ្រួសារ ដែលអាចឈាន់ដល់ខឹងសម្បារ តោងត្រូវអត់ធ្មត់ តមមាត់កខ្លាំង ពេញមួយឆ្នាំឆ្លូវនេះ។ ចំណែកខាងសុខភាព មានប៉ះខ្លះនាខែមិថុនា និង ធ្នូ។

ឮសូមចាំថា តាមប្រពៃណីជំនឿចិន គេតែងចាត់ទុកសុនខ ជារាសីនៃសំណាងល្អ។

ប្រសិនបើមានសត្វឆ្កែកើតកូនឬនៅសុខៗឡើងមកនៅផ្ទះ គេជឿថា ជាប្រផ្នូលល្អ បង្ហាញមុនពីការមកដល់នៃសំណាង។ នៅក្នុងរឿងព្រេងចិន អំពីព្រះដ៏អស្ចារ្យនានា ក៏ភាគច្រើនទ្រង់ មានដៃគូឆ្កែស្មោះត្រង់តាមជួយជ្រោមជ្រែង ម្ចាស់ដែរ។ ដូច្នេះគ្រួសារណាដែលមានកូនឬភរិយា ប្ដីសី ឆ្នាំច កុំគិតថាគាត់ឆុង ។ គាត់លំបាករឿងទំនាក់ទំនង ឆាប់ឈ្លោះ ឆាប់ខឹងក្នុងឆ្នាំនេះ និយាយខុសច្រើន និងចិត្តស្មុគច្រើន ឲ្យឧស្សាហ៍ដើរលេង ឬទិញរបស់ស្អាតៗមកផ្គាប់ចិត្ត ចំណែករឿងលុយកាក់នៅតែ រកមកបាន សឹងអាច ច្រើនជាងឆ្នាំ ២០២០ទៅទៀត។

សាខាផែនដីនៃឆ្នាំកំណើត: ស៊ូវូស៊ីង (ធាតុទាំងប្រាំ)យិនយ៉ាង បែងចែកផ្កាយបាំងនិងផ្កាយចិញ្ចែងដាច់ពីគ្នា ឱ្យមនុស្សឆ្នាំចនៅតែឆ្នើមនៅកន្លែងធ្វើការព្រមទាំងសន្សំប្រាក់បានច្រើនផង គ្រាន់តែឆ្នាំនេះ អាចមានរឿងបេះដូង និងមិនអាចរៀបការបានចុះសម្រុងនៅឡើយ។ ប្រសិនចមានគូហើយ ផ្ទុយពីសំណាងល្អក្នុងអាជីពនិងទ្រព្យសម្បត្តិ ពួកគេអាចជួបបញ្ហារំខានខ្លះៗនៅក្នុងជីវិតស្នេហា។ អ្វីដែលគួរដកឃ្លា ដកសិន ឬអាចនៅឆ្ងាយពីគ្នាមួយរយៈ។ ចំណែកបើមានស្នេហាពិត ពួកគេនឹងឆ្លងកាត់ឧបសគ្គនេះបាន។

កែខៃ៖ នៅម៉ោង ៩យប់នៃរាត្រីសែនឆ្លងឆ្នាំចិន ទី១១ខែកុម្ភៈឆ្នាំ២០២១នេះ ត្រូវរកមនុស្ស ឆ្នាំជូតឬរកា កាន់ត្បូងឬផ្កាពណ៌ផ្កាឈូក ទៅប្រគល់ឲ្យមនុស្ស ឆ្នាំច ជាការពង្រឹង ផ្នែកស្នេហា ទំនាក់ទំនងរបស់ពួកគេ។ មនុស្ស ឆ្នាំច ពេញមួយឆ្នាំ២០២១ គួរប្រើសំលៀកបំពាក់ពណ៌ឈូក មិនថាខ្ចី ចាស់ និងលឿងទាំងស្រាលនិងលឿងទុំ ព្រមទាំងពណ៌បៃតង ក្រាលផ្ទៃដំណេក។ ហាមប្រើខ្មៅ សនិងក្រហម ដាច់ខាតជាផ្នែកនៃភាពរឹងរូសដាក់គ្នា។