សេដ្ឋកិច្ច

កសិករខេត្តឧត្តរមានជ័យ ទើបប្រមូលផលស្រូវធ្ងន់បាន ២០% ប៉ុណ្ណោះ នៃផ្ទៃដីសរុបជាង ៩ ពាន់ហិតា

បានផុស

៦ ខែ មុន

នៅ

ថ្ងៃចន្ទ ១៥ ធ្នូ ២០២៥

ដោយ

លោក សូត្រ ស៊ីសុខឃាង ប្រធានកសិកម្មខេត្តឧត្តរមានជ័យ បានឱ្យ«កម្ពុជាថ្មី» ដឹងនៅថ្ងៃទី១៥ ខែធ្នូ ឆ្នាំ២០២៥ នេះថា សម្រាប់ចុងឆ្នាំ២០២៥ នេះ ការងារប្រមូលផលស្រូវ សម្រាប់ស្រូវធ្ងន់ កសិករនៅក្នុងខេត្តទើបតែប្រមូលផលបានប្រមាណ ២០% ប៉ុណ្ណោះ នៃផ្ទៃដីសរុបជាង ៩ ពាន់ហិតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោកប្រធានមន្ទីរ សូត្រ ស៊ីសុខឃាង ការងារប្រមូលផលស្រូវនេះ សម្រាប់ស្រូវស្រាល និងស្រូវកណ្តាលខេត្តឧត្តរមានជ័យបានបញ្ចប់ការប្រមូលផល និងលក់ចេញរួចរាល់ ១០០% ហើយ។

ដោយឡែក សម្រាប់ស្រូវធ្ងន់ កសិករទើបតែប្រមូលផលបានប្រមាណ ២០% ប៉ុណ្ណោះ នៃផ្ទៃដីសរុបជាង ៩ ពាន់ហិតា ហើយនៅសេសសល់ប៉ុន្មានទៀត គឺមិនអាចប្រមូលផលបានដោយសារបញ្ហាសង្គ្រាមឈ្លានពានរបស់យោធាថៃមកលើកម្ពុជា និងមិនមានគ្រឿងចក្រដើម្បីប្រមូលផល ព្រោះពួកគាត់ក៏រត់គេចពីសង្គ្រាមទៅរកទីតាំងសុវត្ថិភាព។

លោក បានសង្កត់ធ្ងន់ថា «សម្រាប់ផលដំណាំកសិកម្មផ្សេងៗទៀត នៅមិនទាន់មានប៉ះពាល់អ្វីឡើយ ព្រោះកសិករនៅមិនទាន់ប្រមូលផលនោះទេ ដូច្នេះផលប៉ះពាល់មានតែដាំណាំស្រូវមួយប្រភេទប៉ុណ្ណោះ ជារួម យើងនៅបារម្ភទៅលើដំ ណាំស្រូវធ្ងន់មួយមុខទេ ព្រោះកសិករទើបតែប្រមូលបាន ២០% ទេ នៅសេសសល់មិនអាចប្រមូលផលបានដោយសារសង្គ្រាម»។

យ៉ាងណាមិញសម្រាប់ផលប៉ះពាល់នៃសង្គ្រាមនេះ លោកប្រធានមន្ទីរបានអះអាងថា បានបង្ករផលប៉ះពាល់យ៉ាងខ្លាំងដល់ចំណូលរបស់ពលរដ្ឋ ព្រោះនៅពេលមុនសង្គ្រាមពលរដ្ឋអាចប្រកបរបរដាំដុះដំណាំវិលជុំ និងនេសាទផ្សេងៗ ដែលទទួលបានចំណូលបន្ទាប់បន្សំសម្រាប់ទ្រទ្រុងជីវភាពគ្រួសារ ប៉ុន្តែសម្រាប់ដំណាក់កាលសង្គ្រាមនេះពលរដ្ឋមានតែការចំណាយ គ្មានចំណូលទេ៕