កម្ពុជាប្រែក្លាយខេត្តព្រះសីហនុជាតំបន់សេដ្ឋកិច្ចពិសេសគំរូពហុបំណងអភិវឌ្ឍន៍វិស័យឧស្សាហកម្ម
Connect with us
Helistar Cambodia - Helicopter Charter Services

សេដ្ឋកិច្ច

កម្ពុជាប្រែក្លាយខេត្តព្រះសីហនុជាតំបន់សេដ្ឋកិច្ចពិសេសគំរូពហុបំណងអភិវឌ្ឍន៍វិស័យឧស្សាហកម្ម

បានផុស

នៅ

ក្នុងបណ្ដាប៉ូលសេដ្ឋកិច្ចដែលមានកាលានុវត្តភាពសំខាន់ៗរបស់កម្ពុជា ខេត្តព្រះសីហនុជាតំបន់ដែលមានឧត្ដមភាពលេចធ្លោសម្រាប់ការអភិវឌ្ឍ ដោយសារខេត្តព្រះសីហនុមានភូមិសាស្ត្រជាប់សមុទ្រ មានកំពង់ផែទឹកជ្រៅ មានអាកាសយានដ្ឋាន និងតំបន់ឆ្នេរទេសចរណ៏ជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងកាលានុវត្តភាពនេះ ខេត្តព្រះសីហនុបានក្លាយជាខេត្តដែលបានទទួលការយកចិត្តទុកដាក់ខ្ពស់ក្នុងការរៀបចំគោលនយោបាយអភិវឌ្ឍ ក្នុងនោះរាជរដ្ឋាភិបាលបានសម្រេចឲ្យមានការសិក្សា និងរៀបចំផែនការមេដើម្បីអភិវឌ្ឍន៍ និងប្រែក្លាយខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង ដែលបានកំណត់នៅក្នុងគោលនយោបាយអភិវឌ្ឍន៍វិស័យឧស្សាហកម្មកម្ពុជាឆ្នាំ ២០១៥-២០២៥។

លោក ឡុង ឌីម៉ង់ អភិបាលរងខេត្តព្រះសីហនុ បានលើកឡើងថា ផែនការមេនេះគឺជាត្រីវិស័យក្នុងការអភិវឌ្ឍន៍ខេត្តព្រះសីហនុឲ្យទៅជាតំបន់សេដ្ឋកិច្ចគំរូពហុបំណង និងជាប៉ូលសេដ្ឋកិច្ចដ៏សំខាន់មួយ ដើម្បីបម្រើឲ្យខ្សែច្រវ៉ាក់ផលលិតកម្មក្នុងតំបន់ សំដៅជំរុញកំណើនសេដ្ឋកិច្ច ការអភិវឌ្ឍសង្គម និងការការពារបរិស្ថានប្រកបដោយចីរភាព និងនិរន្តរភាព។ លោកបន្តថា​ កត្តាភូមិសាស្រ្ត និន្នាការវិវត្តន៍ថ្មីៗនៃសេដ្ឋកិច្ចសកល និងចរន្តបំលាស់ទីនៃប្រភេទឧស្សាហកម្មនៅក្នុងពិភពលោកមួយចំនួនមកកាន់តំបន់អាស៊ី ដែលបណ្ដាលមកពីសង្រ្គាមពាណិជ្ជកម្មរវាងមហាអំណាចធំៗ ខេត្តព្រះសីហនុនឹងកាន់តែមានសក្តានុពលខ្ពស់ក្នុងការទាក់ទាញ និងស្រូបយកវិនិយោគពីខាងក្រៅ និងអាចក្លាយទៅជាក្បាលម៉ាស៊ីន ឬជាក្បាលនាគជំរុញកំណើនសេដ្ឋកិច្ចជាតិ។

យោងតាមគេហទំព័រ Aseanbriefing បានឲ្យដឹងថា តំបន់សេដ្ឋកិច្ចពិសេសពហុបំណងមានគោលដៅច្បាស់លាស់ក្នុងការប្រែក្លាយក្រុងព្រះសីហនុទៅជា “ទីក្រុងស៊ិនចិនទីពីរ” ដែលជាហេតុផលរដ្ឋាភិបាលកម្ពុជាស្វែងរកអ្នកជំនាញពីទីក្រុងរបស់ប្រទេសចិន។ ទីក្រុងស៊ិនចិន គឺជាឧទាហរណ៍ដ៏ជោគជ័យបំផុតនៃតំបន់សេដ្ឋកិច្ចពិសេសរបស់ចិន ដោយសារការរចនារបស់វាបានជួយផ្លាស់ប្តូរវាពីភូមិនេសាទតូចមួយទៅជាកន្លែងផលិតថាមពល ទៅជាកន្លែងច្នៃប្រឌិតបច្ចេកវិទ្យាខ្ពស់។ អ្នករៀបចំផែនការសេដ្ឋកិច្ចរបស់កម្ពុជាសង្ឃឹមថា ទីក្រុងព្រះសីហនុក៏អាចអភិវឌ្ឍពីទីក្រុងឆ្នេរសមុទ្រតូចមួយទៅជារោងចក្រថាមពលផលិត និងបញ្ជូនថាមពលផងដែរ។

SONY DSC

ការ​បង្កើត​តំបន់​សេដ្ឋកិច្ច​ពិសេស​ពហុ​បំណង​ស្ថិត​ក្នុង​គោលនយោបាយ​អភិវឌ្ឍន៍​ឧស្សាហកម្ម​កាន់តែ​ទូលំទូលាយ​របស់​ប្រទេស​កម្ពុជា​ឆ្នាំ ២០១៥-២០២៥។ រដ្ឋាភិបាល​គ្រោង​នឹង​បង្កើត​ឡើង​ជា​បួន​ដំណាក់​កាល៖ ការ​ប្រមូល​ទិន្នន័យ និង​ការ​អង្កេត​ទីតាំង, ការវាយតម្លៃនិងសំណើ, ការរៀបចំផែនការមេ, និងការបញ្ចប់គម្រោងផែនការមេ។

កំពង់ផែស្វយ័តក្រុងព្រះសីហនុ ជាកំពង់ផែទឹកជ្រៅតែមួយគត់ និងធំបំផុតរបស់កម្ពុជា ដែលមានប្រហែល៨០ ភាគរយ ឆ្លងកាត់កំពង់ផែនេះ។ ក្នុងរយៈពេលប្រាំបីខែដំបូងនៃឆ្នាំ២០២១ តំបន់សេដ្ឋកិច្ចពិសេសក្រុងព្រះសីហនុមានតម្លៃ ១.៥៧ ពាន់លានដុល្លារក្នុងការនាំចេញ និងនាំចូល ដែលកើនឡើង៤១ ភាគរយធៀបនឹងឆ្នាំមុន៕

អត្ថបទ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១ ម៉ោង មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម១ ម៉ោង មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ១ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍១ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍២ ម៉ោង មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services