ព័ត៌មានជាតិ

ឥណ្ឌូណេស៊ី បង្ហាញជំហរ ៣ ចំណុច សំដៅពង្រឹងកិច្ចសហប្រតិបត្តិការ-ការវិនិយោគ ជាមួយកម្ពុជា

បានផុស

១ year មុន

នៅ

ថ្ងៃអង្គារ ២៤ មិថុនា ២០២៥

ដោយ

លោក សានតូ ដាម៉ូស៊ូម៉ាតូ Santo Darmosumarto ឯកអគ្គរដ្ឋទូតវិសាមញ្ញពេញសមត្ថភាព នៃសាធារណរដ្ឋឥណ្ឌូនេស៊ី ប្រចាំកម្ពុជា បានគូសបញ្ជាក់ពីជំហររបស់ខ្លួនចំនួន ៣ ចំណុចសំខាន់ៗយកមកពិភាក្សា សំដៅពង្រឹងកិច្ចសហប្រតិបត្តិការ- ការវិនិយោគ ជាមួយប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី២៣ ខែមិថុនា ឆ្នាំ២០២៣ នេះ ក្នុងឱកាសចូលជួបសម្តែងការគួរសម និងពិភាក្សាការងារ ជាមួយលោក ម៉ាង ស៊ីណេត អភិបាលខេត្តព្រះសីហនុ ឯកអគ្គរដ្ឋទូតឥណ្ឌូណេស៊ី បានលើកឡើងថា ស្ថានទូតឥណ្ឌូណេស៊ី បានត្រៀមរួចរាល់ធ្វើការជាមួយរដ្ឋបាលខេត្តព្រះសីហនុ ក្នុងកិច្ចសហការជាមួយរាជរដ្ឋាភិបាល និងប្រជាជន។

ក្នុងនោះ ឥណ្ឌូណេស៊ី បានលើកយកចំណុចសំខាន់ចំនួន៣ យកមកពិភាក្សានាពេលនេះ ១.កិច្ចសហប្រតិបត្តិការផ្នែកសេដ្ឋកិច្ច ឆ្នាំមុនពាណិជ្ជកម្មទ្វេភាគីរវាងឥណ្ឌូនេស៊ី និងកម្ពុជា មានការកើនឡើងដល់ ១ ០០០ លានដុល្លាអាមេរិក ឥណ្ឌូនេស៊ីជាដៃគូរពាណិជ្ជកម្មធំជាប់ចំណាត់ថ្នាក់លេខ១២ ខេត្តព្រះសីហនុ ជាខេត្តមួយដែលមានសក្តានុពលក្នុងការពង្រឹងកិច្ចសហប្រតិបត្តិការខាងពាណិជ្ជកម្ម ពាក់ព័ន្ធទៅនឹងច្រកទ្វារកំពង់ផែអន្តរជាតិ មានការទាក់ទងទៅនឹងការនាំនូវផលិតផលឥណ្ឌូនេស៊ីមកកាន់កម្ពុជា ជាពិសេសពង់ផែក្រុងព្រះសីហនុត្រូវបានពង្រីកកាន់តែមានជម្រៅទឹកជ្រៅ។

២.ទាក់ទងទៅនឹងទីផ្សារធំមួយនៅក្នុងខេត្តព្រះសីហនុ ផលិតផលឥណ្ឌូនេស៊ី ដែលជាសេវាកម្មធ្វើឱ្យជនជាតិឥណ្ឌូណេស៊ីមានភាពងាយស្រួលក្នុងការរស់នៅ និងណែនាំផលិតផលឥណ្ឌូណេស៊ីមកកាន់ប្រជាជនកម្ពុជា ហើយក៏មានអ្នកវិនិយោគទុនជនជាតិឥណ្ឌូណេស៊ី មកធ្វើការវិនិយោគរួមទាំងវិស័យបដិសណ្ឋាកិច្ច ធ្វើឱ្យសេដ្ឋកិច្ចខេត្តព្រះសីហនុមានការរីកចម្រើនកាន់តែខ្លាំង ការរីកចម្រើននេះ ប្រសិនបើមិនមានការគាំទ្រពីរាជរដ្ឋាភិបាល និងរដ្ឋបាលខេត្តព្រះសីហនុ ផ្តល់ដោយសុវត្ថិភាព សន្តិភាពមានភាពងាយស្រួលក្នុងការធ្វើអាជីវកម្ម ហើយយើងឃើញមានរីហ្សត កំពង់ដឺវ៉ា កំពុងសាងសង់កាន់តែធំ បង្ហាញពីទំនាក់ ទំនងកម្ពុជា និងឥណ្ឌូណេស៊ី។

៣.ជនជាតិឥណ្ឌូនេស៊ីរស់នៅខេត្តព្រះសីហនុ មានប្រជាជនឥណ្ឌូនេស៊ីរស់នៅកម្ពុជា ជាង ១ សែននាក់ ក្នុងនោះខេត្តព្រះសីហនុ មានចំនួន ៤៣ ០០០នាក់ផងដែរ។

ឯកអគ្គរដ្ឋទូតឥណ្ឌូនេស៊ី បានស្នើសុំគាំទ្រស្តីពីការពារពាជនជាតិឥណ្ឌូនេស៊ីនៅក្នុងខេត្តព្រះសីហនុ និងសុំជួយពន្លឿនការធ្វើមាតុភូមិនិវត្តន៍ជនជាតិឥណ្ឌូនេស៊ីទៅកាន់ប្រទេសកំណើតវិញ។ ព្រោះ ប្រជាជនមួយចំនួនក៏មានបញ្ហាផ្នែកសុខភាព កន្លងមកស្ថាតទូតតែងតែលើកទឹកចិត្តសហគមន៍ឥណ្ឌូណេស៊ីដែលរស់នៅលើទឹកដីកម្ពុជាដោយធ្វើទំនាក់ទំនងគ្នាកាន់តែល្អជាមួយប្រជាជនកម្ពុជា។

លោក ម៉ាង ស៊ីណេត បានទទួលយកនូវការស្នើសុំ និងសុំកិច្ចសហការផ្នែកសេដ្ឋកិច្ចការធ្វើពាណិជ្ជកម្មមានការកើនឡើង និងស្វាគមន៍ការស្នាក់នៅ ធ្វើការងារ និងទេសចរណ៍ និងវិនិយោគនៅខេត្តព្រះសីហនុ និងជួយបន្តផ្សព្វផ្សាយ និងធ្វើការអំពាវនាវអ្នកវិនិយោគឥណ្ឌូណេស៊ី មកធ្វើការវិនិយោគនៅខេត្តព្រះសីហនុ។

បន្ថែមពីនេះ លោកអភិបាលខេត្ត ក៏បានលើកឡើងពីសក្តានុពលភូមិសាស្ត្រ និងវិទ្យាសាស្ត្ររបស់ខេត្តព្រះសីហនុ ដោយមានការអភិវឌ្ឍ រីកចម្រើនយ៉ាងឆាប់រហ័សលើវិស័យហេដ្ឋារចនាសម្ព័ន្ធរូបវន្ត មានដូចជាហេដ្ឋារចនាសម្ព័ន្ធ ផ្គត់ផ្គង់អគ្គិសនី ទឹកស្អាត និងការដឹកជញ្ជូន ជាពិសេសកំពង់ផែទឹកជ្រៅ អាកាសយានដ្ឋានអន្តរជាតិ ផ្លូវល្បឿនលឿន និងផ្លូវដែកជាដើម ដែលសមស្របសម្រាប់ការវិនិយោគ។

លើសពីនេះស្របតាមទិសដៅ នៃការអភិវឌ្ឍផែនការមេ អភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង លោក ម៉ាង ស៊ីណេត បានអះអាងថា រដ្ឋបាលខេត្តបានកំណត់ផែនការវិនិយោគសាធារណៈ ជាប្រព័ន្ធតាមដំណាក់កាលច្បាស់លាស់រហូតដល់ឆ្នាំ២០៣៨ ដោយរដ្ឋបាលខេត្តបានរៀបចំជា ៤តំបន់ធំៗ ទី១.ឧស្សាហកម្ម និងដឹកជញ្ជូន, ទី២.ទីក្រុងសមាហរណកម្ម ពាណិជ្ជកម្ម តំបន់ស្នាក់នៅ និងហិរញ្ញវត្ថុអន្តរជាតិ, ទី៣.តំបន់កោះ រៀបចំជាតំបន់ទេសចរណ៍អន្តរជាតិ និងទី៤.រុញច្រានខេត្តព្រះសីហនុ ជាមជ្ឈមណ្ឌលពាណិជ្ជកម្ម ឧស្សាហកម្មតភ្ជាប់ទៅនឹងបណ្តាខេត្តនានាក្នុងព្រះរាជាណាចក្រកម្ពុជា និងទៅកាន់ពិភពលោក៕