សេដ្ឋកិច្ច
កម្ពុជាកាត់បន្ថយកំណើនសេដ្ឋកិច្ចត្រឹម៥,៤% នៅឆ្នាំ២០២២នេះ
កម្ពុជាបានកាត់បន្ថយការព្យាករណ៍កំណើនសេដ្ឋកិច្ចរបស់ខ្លួនសម្រាប់ឆ្នាំ២០២២នេះមកនៅត្រឹម៥,៤% ពោលគឺធ្លាក់ចុះពីការព្យាករណ៍ពីមុនចំនួន៥,៦% ដោយសារតែផលប៉ះពាល់ពី ជម្លោះរវាងរុស្ស៊ី និងអ៊ុយក្រែនពិសេសបញ្ហាអតិផរណាលើថ្លៃប្រេង ស្បៀង និងម្ហូបអាហារ។
លោក មាស សុខសេនសាន អ្នកនាំពាក្យក្រសួងសេដ្ឋកិច្ច និងហិរញ្ញវត្ថុកម្ពុជានៅក្នុងសន្និសីទសារព័ត៌មានមួយនាថ្ងៃទី២ ខែសីហានេះថា ផ្អែកតាមការវាយតម្លៃពាក់កណ្តាលឆ្នាំ ២០២២ សេដ្ឋកិច្ចកម្ពុជាត្រូវបានប៉ាន់ស្មានថានឹងមានកំណើន ៥,៤% គឺខ្ពស់ជាងការព្យាករក្នុងអត្រា ៤,៨ % នៅពេលរៀបចំច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២២ ក៏ប៉ុន្តែ ទាបជាងការព្យាករណ៍កាលពីដើមឆ្នាំដែលត្រូវបានប៉ាន់ស្មានថា មានកំណើនក្នុងអត្រា ៥,៦% ដោយសារផលប៉ះពាល់ពីជំងឺកូវីដ-១៩ មិនទាន់ប្រសើរឡើងទាំងស្រុង ហើយសង្គ្រាមរវាងរុស្ស៊ី និងអ៊ុយក្រែន ក៏កំពុងបង្កើតឡើងនូវផលប៉ះពាល់បន្តបន្ទាប់ ជាពិសេសគឺបញ្ហាអតិផរណាលើថ្លៃប្រេង ស្បៀង និងម្ហូបអាហារ។
អ្នកនាំពាក្យក្រសួងសេដ្ឋកិច្ច និងហិរញ្ញវត្ថុកម្ពុជាបាននិយាយថា កំណើនសេដ្ឋកិច្ចកម្ពុជានឹងថយចុះមកនៅត្រឹម៥,៤%នៅឆ្នាំនេះនៃផលិតផលក្នុងស្រុកសរុប ឬ(GDP) ដែលត្រូវបានគេរំពឹងថា នឹងមានតម្លៃសរុបប្រហែល ៣០ពាន់លានដុល្លារ។
“ជម្លោះរវាងរុស្ស៊ី និងអ៊ុយក្រែន បានធ្វើឱ្យតម្លៃទំនិញគ្រប់ប្រភេទឡើងថ្លៃ ជាពិសេសផលិតផលប្រេងឥន្ទនៈ និងវត្ថុធាតុដើមកសិកម្ម រួមទាំងជី និងថ្នាំសម្លាប់សត្វល្អិត”។លោកមាស សុខសេនសាន បន្ថែម។
ជារួមគឺតម្លៃកាន់តែខ្ពស់ ប៉ះពាល់ដល់ការចំណាយ និងការប្រើប្រាស់ក្នុងស្រុក រួមទាំងជីវភាពរស់នៅរបស់ប្រជាជនផងដែរ។ កំណើនសេដ្ឋកិច្ចរបស់កម្ពុជា ភាគច្រើនបានមកពីការនាំចេញសម្លៀកបំពាក់ ស្បែកជើង ទំនិញ ការធ្វើដំណើរ ពីវិស័យទេសចរណ៍ សំណង់ និងកសិកម្ម។
អ្នកនាំពាក្យដដែលនៅបានបញ្ជាក់ផងដែរថា រដ្ឋាភិបាលកម្ពុជាបានរៀបចំផែនការដើម្បីជំរុញសេដ្ឋកិច្ចចំនួន ៩៨៩លានដុល្លារសម្រាប់ឆ្នាំ២០២២ ដើម្បីទប់ទល់នឹងផលប៉ះពាល់សេដ្ឋកិច្ច និងសង្គមដែលបណ្តាលមកពីវិបត្តិឆ្លងរាលដាលនៃជំងឺកូវីដ-១៩៕
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ១៧ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ២១ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ