ព័ត៌មានអន្ដរជាតិ
ថៃកំណត់តម្លៃអគ្គិសនីប្រើប្រាស់ត្រឹម ៤,១៨ បាត/គីឡូវ៉ាត់ម៉ោង ប្រេងម៉ាស៊ូត ៣៣ បាត/លីត្រ
គណៈរដ្ឋមន្ត្រីរបស់ប្រទេសថៃ បានអនុម័តវិធានការកំណត់តម្លៃអគ្គិសនីត្រឹម ៤,១៨ បាត/គីឡូវ៉ាត់ម៉ោងរហូតដល់ដំណាច់ឆ្នាំ និងតម្លៃប្រេងម៉ាស៊ូតនៅត្រឹម ៣៣ បាត/លីត្រ រហូតដល់ចុងបញ្ចប់ខែតុលា។ នេះបើតាមការចុះផ្សាយរបស់កាសែត The Thaiger ។
រដ្ឋមន្ត្រីក្រសួងថាមពលថៃ លោក Pirapan Salirathavibhaga បានប្រកាសការណ៍នេះ ក្រោយកិច្ចប្រជុំគណៈរដ្ឋមន្ត្រីកាលពីថ្ងៃអង្គារ ដោយថា រដ្ឋាភិបាលបានយល់ព្រមអនុវត្តវិធានការកាត់បន្ថយតម្លៃថាមពល ។ ជាមួយគ្នានោះ រដ្ឋាភិបាលនឹងបន្តគាំទ្រដល់ក្រុមប្រជាជនងាយរងគ្រោះ ដែលប្រើប្រាស់ភ្លើងអគ្គិសនីមិនលើសពី ៣០០ គីឡូវ៉ាត់ម៉ោង/ខែ ដោយគិតថ្លៃពួកគេ ៣,៩៩ បាត/គីឡូវ៉ាត់ម៉ោង រហូតដល់បំណាច់ឆ្នាំ។
លោក Pirapan បានបញ្ជាក់ថា តម្លៃប្រេងម៉ាស៊ូតនឹងបន្តកំណត់នៅ ៣៣ បាត (០,៩១ ដុល្លារ)/លីត្រ រហូតដល់ចុងខែតុលាឆ្នាំនេះ តាមរយៈ «យន្តការមូលនិធិប្រេង» ដែលរដ្ឋាភិបាលប្រើដើម្បីសម្រួលការឡើងចុះនៃតម្លៃប្រេង និងទប់ស្កាត់ការហក់ឡើងខ្ពស់ភ្លាមៗណាមួយ ដែលជះឥទ្ធិពលដល់សាធារណៈ។
ទន្ទឹមនឹងនេះ លោកលើកឡើងយ៉ាងដូច្នេះថា៖ «ច្បាប់រចនាសម្ព័ន្ធថាមពលថ្មី ដែលបានដាក់ឱ្យប្រើប្រាស់អស់រយៈពេលជាង ៤០ ទៅ ៥០ ឆ្នាំមកហើយនោះ នឹងមិនប៉ះទង្គិចផលប្រយោជន៍របស់នរណាម្នាក់ឡើយ។ ប្រសិនបើច្បាប់ថ្មីនេះមិនទាន់រួចរាល់ទាន់ពេលទេ វិធានការជំនួសនឹងត្រូវបានអនុវត្ត ដើម្បីដោះស្រាយបញ្ហាជាបណ្ដោះអាសន្ន»។
បើតាមការចុះផ្សាយរបស់ The Thaiger ច្បាប់កំណត់ថ្មី ដែលដាក់ចេញឱ្យប្រើប្រាស់ពីថ្ងៃអង្គារតទៅ បញ្ជាក់ពីការប្តេជ្ញាចិត្តរបស់រដ្ឋាភិបាលថៃ ក្នុងការកាត់បន្ថយបន្ទុកហិរញ្ញវត្ថុសម្រាប់អ្នកប្រើប្រាស់ ចំពេលថ្លៃថាមពលកើនឡើង។ តាមរយៈការកំណត់តម្លៃទាំងនេះ រដ្ឋាភិបាលមានគោលបំណងផ្តល់ការសង្គ្រោះភ្លាមៗ ខណៈធ្វើការលើបម្លាស់ប្ដូររចនាសម្ព័ន្ធរយៈពេលវែងក្នុងវិស័យថាមពល។ វាគឺជាផ្នែកមួយនៃយុទ្ធសាស្ត្រទូលំទូលាយរបស់រដ្ឋាភិបាល ក្នុងការធានាសន្តិសុខថាមពល តម្លៃសមរម្យ និងនិរន្តរភាព។
ការអនុម័តលើវិធានការដដែល ធ្វើឡើងខណៈប្រជាជន និងអាជីវកម្មថៃ បន្តប្រឈមមុខនឹងផលប៉ះពាល់សេដ្ឋកិច្ចនៃការប្រែប្រួលតម្លៃថាមពល។ ការកំណត់តម្លៃអគ្គិសនី និងប្រេងម៉ាស៊ូត រំពឹងថានឹងផ្តល់នូវស្ថេរភាព និងការព្យាករមួយចំនួន ដែលជាកត្តាសំខាន់សម្រាប់ទាំងអ្នកប្រើប្រាស់ និងសេដ្ឋកិច្ច៕
-
ព័ត៌មានអន្ដរជាតិ៧ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សន្តិសុខសង្គម៦ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ១ សប្តាហ៍ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា២ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៧ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
កីឡា៥ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានជាតិ៤ ថ្ងៃ agoអភិបាលស្រុកសំរោង ចុះពិនិត្យស្ពាន «កាប់នឹម» បាក់ស្រុតធ្ងន់ សិក្សាលទ្ធភាពជួសជុលឡើងវិញ ដើម្បីធានាសុវត្ថិភាពពលរដ្ឋ
-
ព័ត៌មានអន្ដរជាតិ២ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន